Mateo 8:2 - Kulina New Testament Brazil

² Bazima rrauizippaninarra madirra zamacoma onini leprarrine uapi rrazimaroui Zesouarri bacco narronarrari. Poua bodipa: —Zesopa deni torraui, ouape arrimani orrani −naza Zeso baccouarri poua pitoza uitta naza uati tarrari: —Oua Zozossede, ouape bica onerrereraha tia touini tanipe oua tinanabicaniuarrine nauato tinani −naui nade Zesoza.

Culina Mádija

² Huapima jahidsippaninaja madija dsamacoma onini leprajine huapi jadsimarohi Jesohuaji bacco najonajari. Pohua bodipa: —Jesopa deni tojahi, ohuapi ajimani ojani −nadsa Jeso baccohuaji pohua pitodsa huitta nadsa huati tajari: —Ohua Medsede, ohuapi bica onejeraraha tia jipa tinadsapi ohua tinanabicanijine nahato tinani −nahi nade Jesodsa.

Mateo 8:2 Iomraidhean Croise

Mateo 10:8

Comaqquiri narrarideni Deocca dacorehema titinanomi-baqquimana nana. Madirra zoqquemanarrarideni naco Deocca dacorehema pouadeni titinauatonimana nana. Madirra zamacoma onini leprarrine rrazimanarrarideni naco Deocca dacorehema uapidenicca titinanomi-baqquimana nana. Madirra bodideniza Tocorime-Taminecca zozosse tabaqqui tocorime madizemanarrarideni naco bodidenicca zosse zosse titininebaqquimana narro, onarraro. Rrehe, tiadenizape manaconi rrirehe Deo pocca dacorehe tiadeniza inanarraro. Tiadeni naqui narrarideni tobiquemani-manazapa manaconitoui uati tiquenerrerarri, onarraro −nade Zeso.

Mateo 13:58

Nazapa nauiuarricca madirra Zesoza parrissa quena-rrarazapa poua canauato-uarrapoui canauicca uapi terrerani. Madirra pamahara inanomibaqquirraride.

Mateo 14:33

Nani darroniza rrassi izeraha ia bazima ibodipe: —Zeso deni torraui, iape arrimani iquerrenani −ineza Zeso baccouarri ipitoza rrassi izezape pouaza uati inarraro: —Parrissa, tiape Deo Bedi tirrani −inarrarode, ia bazima.

Mateo 15:25

Neraha ponipe damera tezape rroppa namissarraro, tossoniqquima, Zeso poua baccouarri poni pitoniza uittarraro. Poni attinipe: —Oua Zozossede, oua acco ticanarri! −nade.

Mateo 18:26

Naraha tamine birri accode ziniro imeni dirri narrari pocca tamine atti mittazapa naui tamine baccouarri poua pitoza uitta naza orriema uati uati tarrari: “Rraho, oua zozossede, niza ia da tinabaqqui-rreraccarri. Tia paca onanissa tanitoui, omaize-rrerani” narrari.

Mateo 2:11

Nauiza rraui torrezimazapa erredeni qqui, imeni Maria qqui toquenarrari. Pouaza uatizemanazapa pouadeni pitoza rrassi taza: —Tamine deni torraui −quenarrari. Pouadeni zepetarri bau bedeni bicaqquiri narraro itaborizemaneza poccadeni danirri erredeniza da inaqquimanarraro. Oro uatini ccara tanicca da iquenarraro. Aua marricone touessiui marro bica tarrari naco da iquenarrari. Aua ouaha oni mirra marricone marro ocassa tauicca naco da iquenarrari.

Mateo 20:20

Nezape Zebedeo bedimenipe poni bedi pamaha Tiaco, Zouao quenaza Zesouarri touarriressimanarrari. Poni bodinipe: —Zesopa deni torraui, ouape arrimani orrani −neza Zeso baccouarri poni pitoniza uitta neza Zesoza uati tade: —Oua Maride, tiaza uati onaniuarrineua −nade.

Mateo 26:6

Zesopa oza capamema narraro onini Betaniauarri madiza Simao pouaza uapi rrazizi quequenanarraricca ozaza toqquezimarrari.

Mateo 28:17

Bacco imorezape Zeso qqui inarrari. Qqui inazapa pouaza etizeza: —Tiape deni tirrani, tiape nauatonie rrinede tirrani! Arra tiassa narrari ouaha noueraui −inade. Naraha mota bodidenipa: —Parrissa Zeso nauatonirrarico? −quenarraride.

Mateo 28:9

Zarra taniraha naui rrauiza Zeso ponideniza auatomaza: —Nirra −narrari. Nezape pouaza touedessiza uatizemaneza ponideni pitoniza poua issoza cauarrocossemana neza: —Ia Zozossede, deni tirrani! −quenani nade.

Mateo 4:9

Nazapa Tocorime-Tamine Zesoza uati tapomarrari: —Qqui tanerre! Arrirraro zama bazimape tiaza da onaniuarrine. Rrehe, obaccouarri tipitoza titteza ouaza tetizeza: “Occa tamine” tarri. Ouaza nema tezape arrirraro bazimape ticca torraniuarrine, onarraro −narrari Tocorime-Tamine atti.

Mateo 8:1

Zeso ssonouarri madirra mari icanabaqquia rricaza qquezippanizapa madirra uapi taha Zeso natti rrauizippanirrari.

Mateo 8:25

Nazapa Zeso uadauiuarri rraui torreppiza Zeso cobo cobo iquenaza: —Ia Zozossede, nocco tirrarri! Ia acco ticanabaqquirri! Rre icanabote nani! −quenaui nade.

Mateo 9:18

Zesopa pouadeni atti ecomera-zanapozape zodeodenicca Deo Atti mamariuarricca tamine Zesoza uati tauiuarrine ccarronarrari. Zesouarri bacco narronazapa poua bodi: —Zesopa deni torraui, ouape arrimani orrani −naza Zeso baccouarri poua pitoza uitta tocatteza narrari. Nazapa Zesoza uati tarrari: —Occa erredeni uatiaparra. Occa ozauarri tiqqueza tizepeza poni bara teza tirrine camittemaniza madipomaniuarrine −narrari.

Roca 4:27

Arrirraro uima naqui nauatoqquiri tiquenani. Maittaccazama Deo Atti cacomerabote Erizeo madipoza naco ia Izarraeo potemaui zodeodeni iquerrenarraro icca zamaza zamacoma onini leprarrine uapideni rrazimarorrarideni uapi tarrari. Naraha orraria zodeo rrararrari oni Nahamapa zama Siriauarricca madirraraha Erizeoza ccarronazapa pouana tonomiui orrarirrari −narrari Zeso pouadeniza.

Huano 9:38

Nazapa nocco ssire nimaniui poua nocco ssire tonanade baccouarri poua pitoza uitta naza: —Rrehe oua Zozossede, tiaza parrissa onani −nade Zesoza uatizeza.

Tahimarideni 10:14

Naraha Pedoropa: —Oua Zozossede, poua! Bani oppina tauiccapa Moizecca marinarraza: “Arrarraripa tirripemana terrerarri” nade. Ouape bani nama nauicca ohorripa nerrerani −narrari.

Tahimarideni 10:25

Nanarra Pedoro Coneriocca ozaza bacco taza toqquezimabote naraha Conerio qquenazapa Pedoro baccouarri poua pitoza uitta narrari. Pouaza uatizeza: —Deni tirrani −nauiuarrineraha.

1 Corintodeniza 14:25

Nama nazapa poua bodicca uima ecomarrarocca pouaza auatomanitoui. Naui Deoza uatizeza poua pitoza uitta naza: —Deopa bica taui, deni torraui −nauiuarrine. Deopa tiadeniza parrissa aniui pouaza auato tauitoui.

Apocalipsis 19:10

Nezape Deocca zozosse baccouarri opitoza ouitta neza pouaza ouatizeniuarrineraha ouaza uati tarrari: —Ouaza nema terrerarri. Oua naqui Deocca zozosse orrani. Pina tia timecotedeni tezerre Zeso Cristo tauimariza dameraqquiri tiquenarrarossa onani. Deozara tetizerri −narrari. Arri Zeso Cristo tauimari bicabotepe Deo Poua Atti cacomeraqquiri narrarideniza inanazana ehecomeremana narronarraroparri.