Mateo 8:15 - Kulina New Testament Brazil

¹⁵ Nazapa Zeso poni zapaniza bara nazapa uapini tonauiui narraro. Nezape totemeza Zeso pocca mamari tabaqquima inarripabaqquirrari.

Culina Mádija

¹⁵ Nadsapa Jeso poni dsapanidsa bara nadsapa huapini tonahuihui najaro. Nadsapi totehemadsa Jeso pocca mamari tabaqquima inajipabaqquijari.

Mateo 8:15 Iomraidhean Croise

Mateo 14:36

Nazama bazima Zesotoui dameraqquiri naza pouadeni attidenipa: —Zeso, oua tinanomirri! Ticca etero inidira bara onaniuarrine arriuarri ticcarronarri! −quequenanarrari. Nazapa pocca etero inidi bara quenarrarideni bazimapa tocanomirerizauissa tarrari.

Mateo 20:34

Nazapa Zeso touideni uati uana taza noccodeni bara inabaqquizapa amazati noccodeni ssire-re nade. Nazapa Zesoza touedade.

Mateo 8:14

Zeso Pedorocca ozauarri toqquezimazapa Pedoro massodini pori canani Zeso qqui tarrari. Coma tarraro, uapini ppocorarraro.

Mateo 8:16

Rrehe, zomeme nezape madirra bodideniza Tocorime-Taminecca zozosse tocorime carrimanarrarideni Zesouarri eccarronabaqquirrari. Narraridenipa uapi taraha Zeso poua attizara tocorime zosse ininebaqquizapa rrauininerrari nade. Comaqquiri narrarideni naco bazima inanomirizarrari nade.

Mateo 8:3

Nazapa Zeso poua zepeza bara inaza: —Rrehe, touini onani. Tibicarri, onarraro −naui nade Zeso. Nanarra amazati poua uapicca tomossissi nazapa tobicarrari.

Mateo 9:20

Naraha rrauiza amonerre coma tarraro Zeso toccaui qqui tarraro. Ponipe zamacoma onini amauissoranarra carrirraro. Poni coma tanicca uarranopa 12 naraha ama rricaquera tanicca tonauanarronarraro. Nezape Zeso qqui teza poni bodinipe: —Rrehe, pocca eterozara bara onezape onominitoui −narraro. Nazama Zeso nattiuarri toccamisseza touarriressissi neza pocca etero inidi bara inarraro.

Mateo 9:29

Nazapa nocco siri pamaha nocco bara inabaqquiza Zesopa: —Rrehe, ouaza parrissa tiquenezape tinoccodeni ssire tanitoui −nade.

Maraco 1:29

Nazapa nani zodeodenicca Deo Atti mamariuarri rrauininezapa Zeso, Tiaco, Zouao quenaza Simao, Aderedenicca ozauarri rraui torrezimarrari.

Maraco 1:41

Nazapa Zeso poua bodiza: —Touati nauana taui −naza poua zepeza bara inaza: —Rrehe, touini onani. Tibicarri −narrari.

Roca 8:54

Naraha Zesopa erredeni uatiarraro poriniuarri toqquezimaza zapaniza mari naza rrazirema uaua narrari: —Erredeni, titemarri! −narrari.