Mateo 8:1 - Kulina New Testament Brazil

¹ Zeso ssonouarri madirra mari icanabaqquia rricaza qquezippanizapa madirra uapi taha Zeso natti rrauizippanirrari.

Culina Mádija

¹ Jeso ssonohuaji madija mari icanabaqquia jicadsa qquedsippanidsapa madija huapi taha Jeso natti jahidsippanijari.

Mateo 8:1 Iomraidhean Croise

Mateo 12:15

Zesopa poua inanazoqque-manauiuarrine touini quenaui nauato tazapa Deo Atti mamariuarri neboza toccarrari. Ia pocca zozosse tabaqqui ia naqui uarri taniuarri rrauirrarraro. Nazapa pouaza madirra uapi taha rrauirronazapa comaqquiri narrarideni bazima inanomibaqquirrari.

Mateo 15:30

Nazapa madirra bazima Zesotoui ssonouarri rrauimorarrari. Zesoza bacco nimoremanarraridenizapa isso siri carrimemana, nocco siri carrimemana, birri siri carrimemana, ebeno siri carrimemana narrari. Comaqquiri narrari uapi taha carrimemanarrari. Nazapa Zesouarri comaqquiri narrarideni pouadeni tesse eccarronabaqqui-manazapa poua baccouarri ettarizemanaza inanomibaqquirrari.

Mateo 19:2

Madirra sibema pouaza rraui torrazapa comaqquiri narrarideni Zeso inanomibaqquirraride.

Mateo 20:29

Nezape oza panani Zericoza rrauirrezima… rrauirreneraha Zeso natti madirra sibema rrauimissarrari.

Mateo 4:25

Nani Carireauarricca madirizemanarrarideni mota, zama arobeni onini Decaporiuarricca madirizemanarrarideni mota, oza panani Zerozarecca madimanarrarideni mota, zama arobeni onini Zodeauarricca madirizemanarrarideni mota, ueni Zorodao marri ccarronauiuarri madirizemanarrarideni mota naco bazima Zesotoui dameraqquiri naza rrauirronana canarrari.

Mateo 7:29

Zeso pocca marinarra mari icanabaqquizapa pouana nauatorride rarrari, atti carri tarraria. Arra zodeodenicca marinarra maridedeni attissa narrararrari.

Mateo 8:18

Nazapa Zeso madirra pouaza queriqquirronaui touapiui naui qqui tazapa poua uatimadedeniza: —Rrina, coriza rrippeuarri rrauirrana −naui nade.

Mateo 8:2

Bazima rrauizippaninarra madirra zamacoma onini leprarrine uapi rrazimaroui Zesouarri bacco narronarrari. Poua bodipa: —Zesopa deni torraui, ouape arrimani orrani −naza Zeso baccouarri poua pitoza uitta naza uati tarrari: —Oua Zozossede, ouape bica onerrereraha tia touini tanipe oua tinanabicaniuarrine nauato tinani −naui nade Zesoza.

Maraco 3:7

Nazapa Zeso poua uatimadedenima corizauarri rraui torrezipparrari. Arra zama arobeni Carireauarricca madirra naco uapi taha Zesoza rrauimissarrari.

Roca 5:15

Naraha Zeso poua tauimaripe ssarra tarizarraro. Narrarorrine madirra bazima Zeso poua atti mittade rrauirronana canarrari, madirra tocanomireuiuarrine naco rrauirronana canarrari.