Mateo 7:7 - Kulina New Testament Brazil

⁷ —Rrehe, Abi Deoza uati uati titiquena narri, onarraro. Deo Pouaza uati tiquenezape tiadeniza ticcadeni uatinarrassa nehe da inanitoui. Pina touini tanicca qquide damera tinezape bacco tinanitoui. Narrarossa narraroa Deoza uatide damera tinezape Pouapa ticca uatinarra tiaza inaparrirenissa tanitoui. Pina madirracca ozaza tiqquezimaniuarrine touini tezape oza rrinedeza uaua teza tiaza totoqquezima icataborrizanitoui. Narrarossa narraroa Deoza uati uati tiquenezape ticcadeni uatinarra mittaui.

Culina Mádija

⁷ —Jehe, Abi Diodsa huati huati titiquina naji, onajaro. Dio Pohuadsa huati tiquinadsapi tiadenidsa ticcadeni huatinajassa nehe da inanitohui. Pina tohuini tanicca qquide dissera tinadsapi bacco tinanitohui. Najarossa najaroa Diodsa huatide dissera tinadsapi Pohuapa ticca huatinaja tiadsa inapajiranissa tanitohui. Pina madijacca odsadsa tiqquedsimanijine tohuini tadsa odsa jinededsa huahua tadsapi tiadsa noccobiji icatabojidsanitohui. Najarossa najaroa Diodsa huati huati tiquinadsapi ticcadeni huatinaja mittahi.

Mateo 7:7 Iomraidhean Croise

Mateo 18:19

Parrissera tiadeniza uati onapomarraro. Arrirraro namiza tipamehe Deoza uati tiquenaniuarrine rrehe ticanirezape occa Abi memeuarri madirraripa ticcadeni uatinarra mittauitoui. Pouapa ticcadeni uatinarra tiadeniza inananitoui.

Mateo 21:22

Rrehe, Deoza uati tiquenezape tibodideniza: “Rrehe, Deopa nema inananiuarrine parrireui” tiquenezape arri ticcadeni uatinarra Deorrine narrarossa inananitoui –nade Zeso.

Mateo 6:33

Deocca cacauehecca uimaza tibodideni uatomarizaniuarrine Deotouira tatarizemana narri. Deo Poua nacassa tauiccazara tetetizemana narri, onarraro. Nema tiquenezana Deorrine ticappiremananicca tiadeniza inanarizanitoui, onarraro −naui nade Zeso.

Mateo 7:11

Tiadenipe uaidirehe ticarrimaneraha ticcadeni erredeniza bica tauicca dade nauatoqquiri tiquenani. Nazapa ticcadeni Abi Deo memeuarri madirrari Pouaza uati tiquenezape tiadeniza bica tauicca dade denima nacassa taui, onarraro −naui nade Zeso.

Mateo 7:8

Parrissa! Madirra Deoza uati tazapa Deopa pouaza pocca uatinarra da inanitoui. Madirra naco Deoza uatide damera tazapa Deo Pouarrine pocca uatinarra inaparrirenissa tanitoui. Madirrapa pina Deocca totoqquezima uaua narrarissa naza Deopa pouaza totoqquezima icataborrizanitoui, onarraro.

Maraco 11:24

Narraroa ouatti: Deoza uati tiquenezape tibodideniza: “Rrehe, Deopa nema inananiuarrine parrireui” tiquenezape ticcadeni uatinarra Deorrine narrarossa inananitoui, onarraro −naui nade Zeso.

Roca 13:25

Taide ouaza rraui tirrezime-rrerezape niza zotodepa oza rrinede narroraza totema, totoqquezima ecossani nezape rraui tirrezimaniuarrine ssamo tanitoui. Nezape amossiniza tidomo ueza totoqquezima coba coba tiqueneza oza rrinedeza: “Totoqquezima iaza ticataborrizarri” tiqueneraha pouapa: “Tiadenipe nerrecouarricca tiquerrenani?” nauitoui tiadeniza.

Roca 18:1

Zesopa arrirraro namiza imadinicca uimaza pocca zozosse tabaqqui mari icanabaqquirrari. Madirra Deoza uatide dameraqquiri nauiuarrine, —Deopa ouatti mitta-rraraui −quena-rrarauiuarrine uati uati tarrari.

Huano 15:16

—Tiadenipe otoui tiquenapo-rrereraha ouana tiadeni ocatterriza-baqquirraro. Nani tiadenina ouatti mari ticanabaqquirizauiuarrine. Naui madirra ouaza toquerrenauiuarrine. Narraro uimape pina uva inine uarrirriraza cacabono narrarissa tiquenanitoui. Narrari bonopa madirra Deoza toquerrena-zanaporrari. Nema nezape oua onima uati uati titiquena nezape Abipa ticcadeni uatinarra tiadeniza da da nanarra nauitoui.

Huano 15:7

—Naraha oua tinebomana-rreraza occa marinarra naqui tinebomane-rrerezape touini tiquenaniccatoui ouaza uati uati titiquena nana. Nazapa ticcadeni uatinarra tiadeniza torrauitoui, onarraro.

Huano 4:10

Naraha manaco Zeso poniza uati tarrari: —Rridacca Deocca danirri nauato tinezape arra tiaza passo mitta tozarrariza manacora ouaza passo mitta tizanitouiraha ssamo tinarraro. Naraha rridacca ouaza nauato tineza ouaza uati tinezape passo camittehecca tiaza da onanitouiraha −naui nade Zeso.

Romanodenidsa 2:7

Madirra uima bicani inanemanarrarodenizapa Deo pocca camittehe rriquerreranicca da inarizanitoui. Pouadenipa Deocca deni torrehetoui madimanarrari. Pouadeniza Deoa: —Occa erredenideni, bicaqquiri tiquenani −nauiuarrine touini quenarrari. Camittehe rriquerreranicca touini naco madimanarrari.

Romanodenidsa 3:11

Madirra bodi nauato tarrari noueraui. Madirra Deotoui narrari naco noueraui.

Ebreodenidsa 11:6

Ia naqui Deoza rrehe inerrerezape irrine Deo uatizeuiuarrine ssamo tani. Madirra Deoza touarriressiuiuarrine touini nazapa taide poua bodi: —Rrehe, Deo aniui. Pouatoui quenarrarideniza pocca biquehe da ina tani −napozana Deoza touarriressiuiuarrine parrireui.

Satiacocca 5:15

Bodideni: —Parrissa Deopa parrireui −quenaza coma tarrari tonomiuiuarrine Deoza uati uati toquenazapa tonomi taui. Arra coma tarrari uimasiri inanaporraroza naco Deopa pocca uimasiriza: —Peperri, ouati rrimani −nauitoui.

1 Zouao 3:22

Pouaza uati ineza naqui icca uatinarra iaza da da inarraroparri. Icca uatinarra iaza torrarrarope pocca zossenirriza iboraqquiri inerre, Poua nacassa tarrarissa inanerre narrarorrine.