Mateo 7:29 - Kulina New Testament Brazil

²⁹ Zeso pocca marinarra mari icanabaqquizapa pouana nauatorride rarrari, atti carri tarraria. Arra zodeodenicca marinarra maridedeni attissa narrararrari.

Culina Mádija

²⁹ Jeso pocca marinaja mari icanabaqquidsapa pohuana nahatojide rajari, atti caji tajaria. Aja jodiodenicca marinaja maridedeni attissa najarajari.

Mateo 7:29 Iomraidhean Croise

Mateo 28:18

Nazapa Zeso zaboraza iaza uati tade: —Abi Deopa pocca nauatohe bazima memeuarricca, namiuarricca naco ouacauarizauiuarrine pocca dacorehe ouaza inanarraro.

Mateo 5:20

Tiadeniza uati onarraro: Deocca cacaueheza tiquerrenaniuarrinepe Deo Poua nacassa tarraricca tinanemanezana pocca cacaueheza tiquerrenaniuarrine tiparriremanani. Arra zodeodenicca marinarra maridedeni, marinarra onini parizeoza rrehe quenarrarideni tezerrepa Deocca zossenirri cacauade dameraqquiri narrari. Tiadeni naqui pina narrarideni dameraqquiri narrarissa tiquenana. Naraha tiadenipe denima tinaparriremananissa tana. Nema tiquenezape Deocca cacaueheza tiquerrenanitoui, onarraro −naui nade Zeso.

Mateo 5:28

Neraha tiadeniza uati onana: Madirrapa amonerre onihi qqui taza touini inacomezape poua bodiza uimasiri inanarraro. Pina amonerre irrarrarossa narraro −nade Zeso.

Mateo 5:32

Naraha ouattipe arrima onarraro: Ticca amonerre tinebozape uimasiri tinanarraro. Ticca amonerre tineboza maqquiderre ouaha icarrizapa tirrine poni naqui uimasiri inanarraro. Ponicca maqqui icarrizati naco uimasiri inanarraro. Deocca zossenirri naqui ecauemana-rrerarraro. Nazama ouattipe: Parri! Ticcadeni amonerre tinebomana terrerarri, onarraro. Neraha ticca amonerre maqquiderre ouaha inarrazana “Onebona” teza tinebozape tiaza uima nouerani. Ticca amonerre maqquiderre ouaha inarrazapa poni ponirrine uimasiri inanarraro. Nazana tineboni oppinera tani −nade Zeso.

Mateo 5:44

Naraha ouattipe arrima onarraro: Tiadeni uauadidedeniza naqui pina tetideni uanaqquiri narri. Tiadeni narrizodedenipa Deo pouadeni bodi acco icanabaqquiuiuarrine Deoza uati uati tiquenana, onarraro.

Mateo 7:28

Nazama Zeso iaza uati uati taha rricazapa nauiza madirra bazima tauaribobo canarrari bodidenipa: —A, pocca marinarra bica taua −quenade.

Mateo 8:1

Zeso ssonouarri madirra mari icanabaqquia rricaza qquezippanizapa madirra uapi taha Zeso natti rrauizippanirrari.

Roca 20:8

Nazapa Zesoa: —Oua naqui oua zossede onipa tiadeniza ouacomera-rraraui −narrari.

Roca 21:15

Tettideni tecomeremananiuarrinepe tiadeni acco ocanabaqquinitoui, tiadeni uadidedeni tettideni inassamomana-rreraniuarrine, uima uatide nauatoqquiri tiquenaniuarrine. Nazapa pouadeni attina tettideniza arrimani torranitoui.

Tahimarideni 6:10

Narraridenipa Estevao tezerre arrauarri uati arrauarri uati quenaraha deni toquerrena-rraraui. Deo Corimerrine Estevaopa nauato tarrari, atti bica tarrari.