Mateo 7:25 - Kulina New Testament Brazil

²⁵ Nezape passo cca, ueni cappanima, passo toqquemorra, rrorrode rrazirema rro rro nezape ozaza ssonari ssonari neraha tocauedima-rrerarraro. Oza tocauedima-rrerarrarope ueuema nami ccara taniuarri bacco terre narraro.

Culina Mádija

²⁵ Nadsapi passo cca, hueni cappanima, passo toqquemoja, jojode jadsirema jo jo nadsapi odsadsa ssonari ssonari naraha toquehedima-jerajaro. Odsa toquehedima-jerajaropi huehuema nami ccara tanihuaji bacco teje najaro.

Mateo 7:25 Iomraidhean Croise

Mateo 16:18

Rridapanape tia onipe “Pedoro” onarraro. (Ettizape: Siba, inarraro.) Tiape otauimari mari ticanabaqquizapa ouaza parrissa quenarrarideni touapirizauitoui. Nezape otauimariza quequeriqquimana nauiuarrinecca torrarizaniuarrine. Narraro otauimariza quequeriqquimana nauiccapa dacorarraro, pina sibassa narraro. Amossi naniuarrine ssamo tarraro. Zoqquehecca dacorehe naqui otauimariza quequeriqquimana nauicca inarricaniuarrine parrire-rrerarraro.

Mateo 7:24

—Madirra ouatti mittemanaza ouattissa inanemanarrarope pina arra madirra pocca oza nauatode nauato tarrarissa quenarrari. Madirrapa pocca oza icanauatozape nami ccara taniuarri bacco tazana ueuema ppa izarraro. Nezape oza daco carrirarraro.

Mateo 7:26

Naraha madirra ouatti mittemanaraha ouattissa inanemana-rrerarrarope pina arra madirra pocca oza nauatode ssamo tarrarissa quenarrari. Narrari madirrapa pocca oza icanauatozape nami ccara taniuarri bacco terrerezape ueuema nami daco nanizara ppa izarraro.

Mateo 7:27

Nezape passo cca, ueni cappanima, passo toqquemorra, rrorrode rrazirema rro rro nanerre nezape oza toqueuedimarraro. Oza toqueuedimazape catirorirrarossa narraro −naui nade Zeso.

Tahimarideni 14:22

Uedaniza naco Zesoza rrehe quenarrarideni uatizemanauiuarrine bodideni acco icanabaqqui-rizapomarrari. Paoro attidenia: —Zesoza parrissa tizanapomanarri. Deorrine ticcadeni rrehenirri todacorani zanaponitoui. Ocasserani terizemaneraha nema nehe tinauanemanarizana. Tiadenizama ia naqui ocasserani inauananitoui. Nema inezana Deocca cacaueheza bacco inaniuarrine, inarraro −quenarrari.

Epesodeniza 3:17

Zeso Cristoza parrissa tiquenaza tibodideniza madiuiuarrine Deoza uati uati onarraro. Deocca touati uanehema timadimananiuarrine naqui Pouaza uatide damera onarraro. Pina aua rrabo nami bodiuarri toqquezimarrarissa tiquenarri. Tirrabodeni Deocca touati uaneheza denima toqquezima-zanapozape Deoza tetideni uana taniuarrine, timecotedeniza naqui tetideni uana taniuarrine.

Corosadeniza 2:7

Pouaza tidameremanani zanapona. Pina aua rrabo nami bodiuarri toccabaqquizapa assire uaui dacorarrarissa tiquenarri. Zesoza tirrabodeni denima napizanapona. Arrirraro marinarra parrissehecca tiadeni mari tocanabaqqui-manarrarissa tinanemanarri, ticcadeni rrehenirri dacoraniuarrine. Uarrirriraza Deoza naqui: —Rrehe, peperri. Tirrine bica tani −titiquena narri.

Satiacocca 1:12

Madirrapa uima ocassera tanicca pouaza ssonari, ssonari naraha mouaraza Deocca dacorehema inauanezape Deo pouaza uatizehe da inarraro. Deo pouaza: —Rrehe, tirrine bica tani −nazapa camittehe rriquerreranicca da inanitoui. Narrarope Deo uati taporrari, arra: —Madirra ouaza uatideni uanaqquiri narrarideniza da onanitoui −naporrari.

1 Pedoro 1:5

Tiadeni Deoza parrissa tiquenarrarope Deo pocca dacoreheza tiadeni touacauabaqqui-zanaporrari. Pocca dacoreheza timadimanezape niza zama rricanicca uada bacco teza pocca tossiuauehe narroraporraro tiadeniza torranitoui.

1 Pedoro 1:7

Ticcadeni rrehenirripe pina orossa narraro. Tiadeniza ocasserehe ssonarirrarope ticcadeni rrehenirri nattome narraro. Narrarope pina zippoza oro nattome narrarossa narraro. Orope zippo ppoconirrine touaidira-rrerani. Bica tehe torra tani. Ticcadeni rrehenirri naqui ocassereheza nattome naza dacorezape pina oro bica tarrarossa narraro. Naraha orope arrimani, rricaca tani. Ticcadeni rrehenirrina denima bica tarraro. Rricaquera tani. Zesoza dameraqquiri tiquenezape niza Zeso Cristo rrizera nanizapa Deopa tiadeniza uatizeza arrama nauitoui: —Rrehe, bicaqquiri tiquenani. Ticcadeni rrehenirri ponima torra-rrerani. Occa deni torrehe, occa dacorehe tiadeniza torrarri −nauitoui Abi Deo.

1 Zouao 2:19

Pouadenipa iaza quequeriqquimana naraha ia tonebobaqquirrari. Rridacca iazama Zeso Cristocca toquerrenazapa iaza quequeriqquimana-zanapouitouiraha iaza carrimemana-rrarazapa poccadeni uima iaza auato tarraro: Pouadenipa imecote querrena-rraraui.