Mateo 7:24 - Kulina New Testament Brazil

²⁴ —Madirra ouatti mittemanaza ouattissa inanemanarrarope pina arra madirra pocca oza nauatode nauato tarrarissa quenarrari. Madirrapa pocca oza icanauatozape nami ccara taniuarri bacco tazana ueuema ppa izarraro. Nezape oza daco carrirarraro.

Culina Mádija

²⁴ —Madija ohuatti mittamanadsa ohuattissa inanamanajaropi pina aja madija pocca odsa nahatode nahato tajarissa quinajari. Madijapa pocca odsa icanahatodsapi nami ccara tanihuaji bacco tadsana huehuema ppa idsajaro. Nadsapi odsa daco cajirajaro.

Mateo 7:24 Iomraidhean Croise

Mateo 12:50

Madirradenipa occa Abi Deo memeuarri madirrari Poua touini nauicca ihinanemana narrarodenina pina ouimecotedenissa quenarrari. Amonerredeni naqui Deo Poua nacassa tauicca ihinanemana narrarodenina pina occa amissa, pina ouimecotedenissa quenarrari, onarraro −nade Zeso.

Mateo 16:18

Rridapanape tia onipe “Pedoro” onarraro. (Ettizape: Siba, inarraro.) Tiape otauimari mari ticanabaqquizapa ouaza parrissa quenarrarideni touapirizauitoui. Nezape otauimariza quequeriqquimana nauiuarrinecca torrarizaniuarrine. Narraro otauimariza quequeriqquimana nauiccapa dacorarraro, pina sibassa narraro. Amossi naniuarrine ssamo tarraro. Zoqquehecca dacorehe naqui otauimariza quequeriqquimana nauicca inarricaniuarrine parrire-rrerarraro.

Mateo 24:45

Zesopa uima onihi uati tarrari: —Madirra zepe ssebotepa uarri tani toccauiuarrine narrorazapa pocca zozosse orrariaza uati tarrari: “Occa madirra tecauabaqquina. Rripemanauiuarrine marri bacco tazapa taparideni da da titinabaqqui nana” narrari. Nazapa zepe ssebote toccarrari. —Nazapa pocca zozosse nauato taza, ibora tazapa madirra ecauabaqquiuissa tauitoui, pina poua zossede attissa inananitoui. Nama nazapa zepe ssebote ccaniza qqui tazapa pocca zozosseza uima bicani inananitoui.

Mateo 25:2

Neraha zouatodeni mota 5 quenehepe bodinideni uatonissa terrerarraro. Neraha zouatodeni mota 5 quenehepe bodinideni uatonissa tarraro.

Mateo 25:4

Neraha zouato bodinideni uatonissa tarrarodenipe ponidenicca rrorrororo iaqquemanazapa pperrene rricaza denima sso izemanauiuarrine iaqquemanarrari.

Mateo 25:9

Neraha zouato bodinideni uatonissa tarrarodeni attinidenia: “Poni. Tiadeniza bazira taha sso izarraraui. Tiadeniza, iaza nazapa parrire-rraraui. Mimittauarri rraui tirraccarri, rrorrororo pperrene ouaha mitta tiquenauiuarrine” quenarraro.

Mateo 7:25

Nezape passo cca, ueni cappanima, passo toqquemorra, rrorrode rrazirema rro rro nezape ozaza ssonari ssonari neraha tocauedima-rrerarraro. Oza tocauedima-rrerarrarope ueuema nami ccara taniuarri bacco terre narraro.

Mateo 7:26

Naraha madirra ouatti mittemanaraha ouattissa inanemana-rrerarrarope pina arra madirra pocca oza nauatode ssamo tarrarissa quenarrari. Narrari madirrapa pocca oza icanauatozape nami ccara taniuarri bacco terrerezape ueuema nami daco nanizara ppa izarraro.

Roca 11:28

Naraha Zeso uati tarrari: —Rrehe, naraha madirrapa Deo Atti mittemanaza narrarossa inanemanezape narraridenizana uima bicani torranitoui. Uatizehe naqui carrimanauitoui −narrari Zeso.

Huano 13:17

Nezape arrirraro uima timittemananissa teza nema tinanemanezape tetizemananitoui, onarraro.

Huano 14:15

—Rrehe, ouaza tetideni uanaqquiri nezape occa zossenirrissa tinanemanana.

Huano 15:10

Occa zossenirriza iboraqquiri tiquenezape occa touati uaneheza timadimanani parri naniuarrine. Arri pina oua occa Abicca zossenirriza ibora oneza pocca touati uanehema omadirizarrarossa tiquenarri, onarraro.

Huano 15:14

Nazama occa zossenirrissa tinanemanezape otesse tiquerrenani.

Romanodenidsa 2:13

Arra madirra Moizecca marinarra mittemanaraha pina narrarossa inanemana-rrerezape Deoza tobiquemana-rrararrari. Deopa pouadeniza: —Uimasiri ticarrimanani −narrari. Naraha Moizecca marinarra mittemanarrarideni pina narraro marinarrassa inanemanezape Deoza tobiquemanarrari. Deopa pouadeniza: —Uimasiri ticappiremanani −narrari.

1 Zouao 2:3

Deocca zossenirriza iboraqquiri inezape nauatoqquiri inarraro: Parrissa Deopa iaza rrizera tarrari.