Mateo 7:11 - Kulina New Testament Brazil

¹¹ Tiadenipe uaidirehe ticarrimaneraha ticcadeni erredeniza bica tauicca dade nauatoqquiri tiquenani. Nazapa ticcadeni Abi Deo memeuarri madirrari Pouaza uati tiquenezape tiadeniza bica tauicca dade denima nacassa taui, onarraro −naui nade Zeso.

Culina Mádija

¹¹ Tiadenipi tabaccorehe ticajimanaraha ticcadeni ejedenidsa bica tahicca dade nahatoqquiri tiquinani. Nadsapa ticcadeni Abi Dio memehuaji madijari Pohuadsa huati tiquinadsapi tiadenidsa bica tahicca dade denima jipa tahi, onajaro −nahi nade Jeso.

Mateo 7:11 Iomraidhean Croise

Mateo 23:9

Arra namiza madimanarrarideniza naco: “Abi” tiquenerrerana. Ticcadeni Abi memeuarri madirrarina orrariui. Narrarizara: “Abi” tiquenarri, onarraro.

Mateo 7:10

Madirra ouaha naco pocca erredeni aba toui uati tazapa poua bediza macca da ina taco? Noueraui.

Huano 3:16

—Deopa madirraza uati cauanari canaui. Poua Bedi orrari naraha da inazapa bazima pouaza parrissa quenarraridenipa tocassiuauerauiuarrine. Camittehe rriquerreranicca naco carrimana-zanapouiuarrine.

Romanodenidsa 3:19

Nauatoqquiri inani: Deopa pocca zossenirri bazimape zodeodenizana da inarraro. Naraha pocca zossenirri nemanehe ecauemananissa taniuarrine parriremana-rraraui. Uima nema nezape: —Bicaqquiri inani −quenauiuarrine ssamo tani. Niza Deopa arrirraro zamacca madirra bazimacca uima cattemade torrazapa Moizecca marinarraza uimarideni icattemanitoui. Nezape madirra ia bazimape icadidire nanitoui.

Romanodenidsa 3:9

Naraha zodeo iana denima bicaqquiri inarraroqui? Nouerani. Madirra ouahapa poccadeni biquehe arrimaniqui? Noueraui. Ia bazimape uimasiri icarririzani. Tiadenipe uima dozo onaporraroza timittemanaponi. Arra zodeodeni, zodeo querrena-rrararrarideni ia bazima uimasiri inananiuarrinepe uimasiri iaza dacorani.

Romanodenidsa 8:32

Deopa pocca erredeni Zeso iaza eccocco-rrararrari. Icassiuaueraniuarrine eccoraza zoqquerrari. Pocca erredeni iaza da inazapa pocca biquehe onihi onihi iaza eccoccopazerre? Nouerani. Bazima iaza da inarizanitoui.

Carasiadeniza 3:22

Naraha Deo Attiza uima imittarrarope ia bazima uimasiriza pina tozepe iquerrenarrarossa narraro. Narraro uimasiriza ia tappa tabaqquiuiuarrinepa Zeso Cristona orrariui. Madirra bazima pouaza rrehe quenarrarideniza Deocca uima bicani torranitoui.

Satiacocca 1:17

Bazima bica tanicca, parrirenissa tarraro iaza torrarrarope Deo memeuarri madirrari da inarizarraro. Deopa ssiuarrani rrinede. Pouazape zizini nouerarraro. Pouapa paparra nama zanaporrari. Cacarriqquimera-rraraui.

1 Zouao 3:1

Qqui! Abi Deopa itoui uati cauanari canarrarirrine madirra iaza: —Deocca erredeni −quequenanarrari. Nezape parrissa pocca erredeni iquerrenarraro. Naraha arrirraro zamacca madirra bazimapa Deoza noccodeni rrizaqquiri naporra narraria iaza naco noccodeni rrizaqquiri narrariparra.

1 Zouao 4:10

Iape Deoza eti uanaqquiri napo-rrereraha Deopa iaza uati uana taza Poua Bedi iaza zosse inaronarrari. Bedipa itoui poua ccaccorazapa icca uimasiri manaconi torrarrariparra. Narrarona touati uanehe parrissehecca.