Mateo 6:6 - Kulina New Testament Brazil

⁶ Naraha tiape Abi Deoza uati tinaniuarrinepe “Oua icattaqquimana-rrerana” teza ticca oza bodiuarri tiqquezima, totoqquezima ticauacossa neza tia motta Deoza uati tinarri. Nema tezape madirra ouahadeni ticca uatinarra mittemana-rrararaha Abi Deona mittaui. Niza zotode Deo Poua baccouarri teza tia catizezapa: “Rrehe, peperri. Bica tinani” nauitoui. Pocca danirri bicabote naqui tiaza da inanitoui, onarraro −nade Zeso.

Culina Mádija

⁶ Naraha tiapi Abi Diodsa huati tinanijinepi “Ohua icattaqquimana-jerana” tadsa ticca odsa bodihuaji tiqquedsima, noccobiji ticahacossa nadsa tia motta Diodsa huati tinaji. Nema tadsapi madija ohuahadeni ticca huatinaja mittamana-jararaha Abi Diona mittahi. Nidsa dsotode Dio Pohua baccohuaji tedsa tia catidsedsapa: “Jehe, epejeni. Bica tinani” nahitohui. Pocca daniji bicabote naqui tiadsa da inanitohui, onajaro −nahi nade Jeso.

Mateo 6:6 Iomraidhean Croise

Mateo 14:23

Nazapa madirra rraui torraniuiuarrine uati taha rricazapa manaco poua motta ssonouarri denima toqquemorarrari, imehi Deoza uati tauiuarrine. Zeso poua motta naui ssonouarri Deoza uatide torraza cazomerrari.

Mateo 6:18

Nazama rripehe tinebocossani madirra ouahadeni ssamoqquiri naraha Abi Deozape auato tani. Pouana nauato tarrari. Niza zotode Poua baccouarri teza Deopa tiaza: “Peperriua, ticca uima bica tani” nauitoui. Pocca danirri bicabote naqui tiaza da inanitoui, onarraro −nade Zeso.

Mateo 6:4

Arrina, cappiremanarrarideniza da tinauiuarrinepe madirra ouahadeni qqui toquena-rrarazana da tinani bica tani, onarraro. Nema tezape madirra ouahadeni ticca danirri nauatoqquiri narrararaha Abi Deona nauato taui. Niza zotode Deo Poua baccouarri teza tia catizezapa: “Rrehe, peperri. Bica tinani” nauitoui. Pocca danirri bicabote naqui tiaza da inanitoui, onarraro −nade Zeso.

Huano 1:48

Naraha Natanaeo atti Zesoza: —Nerrecoma neza oua qqui tineza oua nauato tinarraro? −nade. Naraha Zeso Natanaeoza uati tade: —Naza Piripi tiaza uati tarraraccaza aua piquera dopeza teni tia qqui onapa −nade Zeso.

Huano 20:17

Naraha Zeso attia poniza: —Oua mari tizana-rrerarri. Occa Abiuarri occamacossani-rreraccani. Pina ticcaniza ouatti ouimecotedeniza uati tinanina: “Zeso attipa: ‘Occa Abi Deouarri occamacossanina. Narraripa ticcadeni Abi Deo’ naparra” tinanina −naui nade Zeso.

Tahimarideni 10:30

Nazapa Conerio Pedoroza uati tarrari: —Arri maittazama onihima neza rridapanape uada 4 nani occa ozauarri Deoza uatide orrezape marri touenarronaza pina 3'za Deo Atti ccaccaronade ouaza auatoza qqui onarraride. Pocca eterope zibehi tarraro.

Tahimarideni 10:9

Uada ssiuarra rraui rraui torrarrari, marri orrariuariri naza Zopeuarri bacco toquenabote narrari. Marri narrarissa naza Pedoropa Deoza uati tauiuarrine Simaocca oza tetepiuarri toccamarorrari.

Tahimarideni 9:40

Naraha Pedoropa bazima amossiniuarri zosse ininebaqquiza poua pitoza uitta naza Deoza uati tarrari. Nazapa totemaza arri uatiarraroza uaua narrari: —Tabita, titemarri −nanarra nocconi ssire-re neza Pedoroza cattoma neza totema, uittari narraro.

Romanodenidsa 8:5

Naraha Zeso Cristoza toquerrena-rrararraridenipa bodideniza uaidirehe touini quenaha madimanarrari. Narraria arra narraro uaidirehe touira bodideni uauatome-mana narrariparra. Naraha arra Zeso Cristoza toquerrenarraridenipa Deo Corime pouadeniza madirraria arra Deo Poua nacassa tauicca uima touira bodideni uauatome-mana narrariparra.

Epesodeniza 3:14

Rrehe nazama Deo iaza uima bicani inanarraro obodi uatomezape opitoza ouitteza Pouaza uati uati onarraro.