Mateo 6:4 - Kulina New Testament Brazil

⁴ Arrina, cappiremanarrarideniza da tinauiuarrinepe madirra ouahadeni qqui toquena-rrarazana da tinani bica tani, onarraro. Nema tezape madirra ouahadeni ticca danirri nauatoqquiri narrararaha Abi Deona nauato taui. Niza zotode Deo Poua baccouarri teza tia catizezapa: “Rrehe, peperri. Bica tinani” nauitoui. Pocca danirri bicabote naqui tiaza da inanitoui, onarraro −nade Zeso.

Culina Mádija

⁴ Ajina, cappiramanajaridenidsa da tinanijinepi madija ohuahadeni qqui toquina-jaradsana da tinani bica tani, onajaro. Nema tadsapi madija ohuahadeni ticca daniji nahatoqquiri najararaha Abi Diona nahato tahi. Nidsa dsotode Dio Pohua baccohuaji tedsa tia catidsedsapa: “Jehe, epejeni. Bica tinani” nahitohui. Pocca daniji bicabote naqui tiadsa da inanitohui, onajaro −nahi nade Jeso.

Mateo 6:4 Iomraidhean Croise

Mateo 10:42

—Nazama madirrapa occa mamari orraria arramani torrarrari touati nauana tarrariza poua bodipa: “Rrehe, arrarraripa Zesocca madirra, pouaza accora onana” naza pouaza da inaza bica tani. Passo nauini ze nauiuarrine da icaneza naco manaco nizaranibote Deopa pocca biquehe narrari madirraza inananitoui. Parrissehera uati onarraro! −nade Zeso, pocca zozosse tabaqqui rraui torrarizauiuarrine zosse inabaqquiza.

Mateo 6:18

Nazama rripehe tinebocossani madirra ouahadeni ssamoqquiri naraha Abi Deozape auato tani. Pouana nauato tarrari. Niza zotode Poua baccouarri teza Deopa tiaza: “Peperriua, ticca uima bica tani” nauitoui. Pocca danirri bicabote naqui tiaza da inanitoui, onarraro −nade Zeso.

Mateo 6:3

Neraha tiape cappiremanarrarideniza da tinauiuarrinepa ticca uima tecomerariza terrerarri. Titesse bica tarrariza naco ticca uima uati tina-rrerarri, onarraro.

Mateo 6:6

Naraha tiape Abi Deoza uati tinaniuarrinepe “Oua icattaqquimana-rrerana” teza ticca oza bodiuarri tiqquezima, totoqquezima ticauacossa neza tia motta Deoza uati tinarri. Nema tezape madirra ouahadeni ticca uatinarra mittemana-rrararaha Abi Deona mittaui. Niza zotode Deo Poua baccouarri teza tia catizezapa: “Rrehe, peperri. Bica tinani” nauitoui. Pocca danirri bicabote naqui tiaza da inanitoui, onarraro −nade Zeso.

Roca 14:14

Nema tezape tibodi tetizenitoui. Pouadenipa manaco tiaza rripaqquie inauatomananiuarrine parriremana-rraraui, ssamoqquiri narrari. Naraha niza Deopa pocca madirra inauatonibaqquizana manaco Pouana tiaza uima bicani inananitoui −narrari Zeso.

Roca 8:17

Nazama uima auatora tanicca carri teraha niza zotodepe auato tanitoui. Arri occa marinarra mota auatora teza timittemana-rreraraha niza zotodena tiadeniza auato tezana timittemananitoui, onarraro −narrari Zeso.

1 Corintodeniza 4:5

Nema narraroa ia Zozossede ccanipoma-rraraccazapa tiadenipe madirracca uima nattome tiquenerrerarri. Titessedeniza: —Tirrinedeni uaidira tani −tiquenerrerarri. Niza ia Zozossede ccanipomazana poua ssiuerreneza uima bazima auatoma-rizanitoui. Arri ia bazima ibodicca uima ecomarraro pouarrine auatoma, ibodiza touini inarrarocca auatoma narizanitoui. Nazapa bica inanarraroccaza Deopa iaza: —Tirrinedeni bica tani −nauitoui.

Ebreodenidsa 4:13

Rrehe, Deo bazima inauatorizarraripa uapima qqui tauissa tarrari. Poua qqui tarrarauiuarrine inarrimaui ssamo tani. Icca uima naqui Pouaza auato tarraro. Niza icca uima ecomeraniuarrinepe Poua baccouarri idomo uanitoui.

Jodacca 1:24

Deo dacorarrariza etizena. Icca rrehenirri tossamo-rreraniuarrine ia touacauabaqqui-zanaporrari. Pocca dacoreherrine Poua ssiuerrene bicaboteza uissoqquiri inehe idomo uezape uatizehe imeni icarrinitoui.