Mateo 6:34 - Kulina New Testament Brazil

³⁴ —Rrehe, titezerremadenicca uada tauimarini toui tibodideni uauatome-mana nerrerana. Pina: “Izamassa nerreco uimara torrapazerre?” titiquena nerrerana, onarraro. Rridapanacca ssiuarrani tauimarinira tibodideni uauatome-mana nana, onarraro −naui nade Zeso.

Culina Mádija

³⁴ —Jehe, titedsejemadenicca huada tahimarini tohui tibodideni huahuatoma-mana nejerana. Pina: “¿Dsemassa nejeco imara tojapadseje?” titiquina nejerana, onajaro. Jidapanacca ssiaja tahimarinira tibodideni huahuatoma-mana nana, onajaro −nahi nade Jeso.

Mateo 6:34 Iomraidhean Croise

Mateo 6:11

Itapari naco uada uarrirriraza iaza da da tarro.

Mateo 6:25

—Nazama tiadeniza ouattipe: Timadimananiuarrinecca ticappiremanani noppineni ticappinemana terrerarri, onarraro. Pina nerrecora orripapazerre? Nerreco zamatapa pperrenera ze onapazarra? Nerrecora oro ozimapazerre? tiquenerrerarri. Narrarotouipe tibodideni uauatomacca nerrerana, onarraro. Icca madiepe zamatapaha orrari-rraraui. Icca madiena denima bica tarraro. Essire naqui etero ezaniuarrinea orrari-rrerani. Essirecca uimana denima bica tarraro −naui nade Zeso.

Mateo 6:27

Naraha tiadenipe nerrecotoui tibodideni: Denima omadi-zanapopazerre? tiquenarraro? Narrarotoui tibodideni uauatomacca nezape ticcadeni madie denima tinanemananiuarrine nauatoqquiri tiquenaqui? Nauatoqquiri tiquenerrerani! Ponima tibodideni uauatomacca nerrerana, onarraro −naui nade Zeso.

Roca 10:41

Naraha Zeso Martaza uati tarrari: —Marta, tiape ticca oza bica tocananiuarrine, rrirripa naco tinarroraniuarrine narrarotouira teti uatorraro.

Roca 11:3

Itapari naco uada uarrirriraza iaza da da tarro.

Roca 12:11

—Naraha zodeodenipa niza otauimari tiadeniza torrarraro acconi boquemanazapa poccadeni Deo Atti mamariuarri tiadeni touaqquezimabaqqui-manauitoui. Tiadeni tonarrizo-baqquimanauiuarrine uima cacattemadedeniuarri, taminedeniuarri naqui tiadeni touaqquezima-baqquimanazapa ticcadeni uima tecomeremananiuarrine nerrecoma onapazerre? tiquenerrerana. Occa marinarra tecomeremananiuarrine naqui ticappinemana terrerana.

Roca 12:22

Nazapa Zeso pocca zozosse tabaqquiza uati tarrari: —Tiadeniza ouattipe: timadimananiuarrinecca ticappiremanani noppineni ticappinemana terrerarri, onarraro. Pina nerrecora orripapazerre? Nerrecora oro ozimapazerre? tiquenerrerarri. Narrarotouipe tibodideni uauatomacca nerrerana, onarraro.

Huano 14:27

—Nazama ouape occanibote nani. Tibodideni bicaqquiri naniuarrine tiadeniza occa rronehe da onarizani, pina arrirraro zamacca madirra pouadeni toui quenauiccassa nerrerarraro. Nazama occa danirri ticarrimanezape tibodideni uatoto canerrerarri. Occaninitoui onarraro noppineni naqui ticappinemana-rrerarri, onarraro.

Huano 16:33

Arri uima uapima tiadeniza uati onarrarope tibodideni uatoto cane-rreraniuarrine. Ouaza tiquerrenezape rronehe, uatizehe parrissehecca ticarrimananitoui. Arrirraro zamaza timadimanaqquezape ocasserani temaneraha dacoco tirrirarri. “Peperri inana” tiquenerrerana. Arrirraro namicca zozossedepa arramani torraui. Ouana pouaza deni orrani −nade Zeso.

Tahimarideni 14:22

Uedaniza naco Zesoza rrehe quenarrarideni uatizemanauiuarrine bodideni acco icanabaqqui-rizapomarrari. Paoro attidenia: —Zesoza parrissa tizanapomanarri. Deorrine ticcadeni rrehenirri todacorani zanaponitoui. Ocasserani terizemaneraha nema nehe tinauanemanarizana. Tiadenizama ia naqui ocasserani inauananitoui. Nema inezana Deocca cacaueheza bacco inaniuarrine, inarraro −quenarrari.

Piripodeniza 4:6

Uapima ticappiremananicca touira tibodideni uatoto cana-rrerarri. Ocasserani temanarraroza naqui tibodideni uauatomacca nerrerarri. Uima bazima tibodideniza auatomeza naqui Deozara uati uati titiquena narri. Deoza uatide tiquerrenaza naqui Pouarrine bica tanicca ticarrimanani tibodideni uatonissa tarri. Nezape Pouaza: —Rrehe, Tirrine bica tani −titiquena narri.

1 Pedoro 5:7

Deopa titouideni uati cauanari canarrarirrine tiadeni touacauabaqqui-zanaporrari. Nezape Pouaza tettideni: —Abi Deo, obodi uatoto cananicca tinauirerri. Pina ocappinanicca, orri onanicca, ocappiranicca naqui bazima obodiza noueraniuarrine peperri tinanarri −titiquena nana, onarraro.