Mateo 6:30 - Kulina New Testament Brazil

³⁰ Rraho, ticcadeni rrehenirripe bazira tani! Nerrecotoui tiadenipe “Deo ia touacaua-baqquiui” tiquenerrerani? Arrina, minape etero uezaniuarrine cappireraha Deorrine poni moueni carrizape pina etero bicani uezarrarossa nani. Minape moueni carrini bica teraha uada uada neza qqueze nezape botta ina tani. Neraha minape arrimanicca. Tiadenipe pina arri minassa tiquenerrerani. Deocca cacatize tabaqqui tiquerrenarraro. Nazama Deopa tezemananiuarrinecca etero naqui denima tiadeniza da inanitoui, onarraro −naui nade Zeso.

Culina Mádija

³⁰ ¡Jaho, ticcadeni jehenijipi badsira tani! ¿Nejecotohui tiadenipi “Dio ia tohuacahua-baqquihi” tiquinejerani? Ajina, dseropi etero huedsanijine cappiraraha Diojine poni mohueni cajidsapi pina etero bicani huedsajarossa nani. Dseropi mohueni cajini bica taraha huada huada nadsa dseqqueri nadsapi botta ina tani. Naraha dseropi ajimanicca. Tiadenipi pina aji dserossa tiquinejerani. Diocca cacatidse tabaqqui tiquejenajaro. Nadsama Diopa tedsamananijinecca etero naqui denima tiadenidsa da inanitohui, onajaro −nahi nade Jeso.

Mateo 6:30 Iomraidhean Croise

Mateo 14:31

Naza Zesopa amazati Pedoro zepeza dama mari izanazapa uati tarrari: —Pedoro, ticca rrehenirri parrirenissa terrerarrarorrine rraro tizanarraroparri. Nerrecotoui ouaza: “Rrehe, Zesopa passo tetepiza occaniuarrine oua naparrireui” terrerarraro? −nade Zeso.

Mateo 16:8

Naraha Zesopa ibodi nauato taza uati tarrari: —Rraho, ticcadeni rrehenirripe bazira tani. Nerrecotoui ouaza: “Rrehe, Zesopa ia tonarripabaqquiuiuarrine parrireui” tiquenerrerani? Nerrecotoui pao ticappiremananicca uimazara uimahaha ticanarraro?

Mateo 17:17

Nazapa Zesoa: —Rraho, madirra bazima Deoza rrehe tiquenanissa terrerani. Arrirraro namicca uima bica terreranicca ticarrimanerre narraro. Tiadeni mari mari ohocanabaqqui neraha nerrecoma neza ticauatterapazerre? Ticcadeni rrehenirri parrirenissa terrerezape ouaza ocassera teraha nema nehe onauana-zanaponiuarrinequi? Rrari, ticca erredeni ouaza teccarronarro! −nade Zeso.

Mateo 8:26

Nazapa Zeso pouadeniza uati tarrari: —Nerrecotoui ticappinemanarraro? Tiadenipe ouaza: “Rrehe, Zesopa ia touacaua-baqquiuiuarrine parrireui” tiquenerrerarrarorane? −naui nade. Nazapa totemaza rrorrodeza, passoza uati tarrari: —Peperri tarri! −naui nade. Nezape rrorrode, passo rriba rriba narraro naqui zamarrima narraro. Zamarrima nezape passo pozippanissa tarraro.

Maraco 4:40

Nazapa pocca mamari tabaqquiza uati tarrari: —Nerrecotoui ticappinemanarraro? Tiadenipe ouaza: “Rrehe, Zesopa ia touacaua-baqquiuiuarrine parrireui” tiquenerrerarrarorane? −narrari Zeso.

Maraco 9:19

Nazapa Zesoa: —Rraho, madirra bazima Deoza rrehe tiquenanissa terrerani. Tiadeni mari mari ohocanabaqqui naraha nerrecoma neza ticauatterapazerre? Ticcadeni rrehenirri parrirenissa terrerezape ouaza ocassera teraha nema nehe onauana-zanaponiuarrinequi? −nanarra: —Rrari, ticca erredeni ouaza teccarronarro! −naui nade Zeso.

Roca 12:28

Rraho, ticcadeni rrehenirripe bazira tani! Nerrecotoui tiadenipe “Deo ia touacaua-baqquiui” tiquenerrerani? Arrina, minape etero uezaniuarrine cappireraha Deorrine poni moueni carrizape pina etero bicani uezarrarossa nani. Minape moueni carrini bica teraha uada uada uada neza qqueze nezape botta ina tani. Neraha minape arrimanicca. Tiadenipe pina arri minassa tiquenerrerani, Deocca cacatize tabaqqui tiquerrenarraro. Nazama Deopa oro tizimemananiuarrinecca etero naqui denima tiadeniza da inanitoui, onarraro.

Roca 9:41

Nazapa Zesoa: —Rraho, madirra bazima Deoza rrehe tiquenanissa terrerani. Arrirraro namicca uima bica terreranicca ticarrimanerre narraro. Tiadeni mari mari ohocanabaqqui neraha nerrecoma neza ticauatterapazerre? Ticcadeni rrehenirri parrirenissa terrerezape ouaza ocassera teraha nema nehe onauana-zanaponiuarrinequi? −nanarra: —Rrari, ticca erredeni ouaza teccarronarro! −narrari Zeso.

Huano 20:27

Nazapa Tomeza uati tade: —Tome, ozepecca opparicca qqui tarri. Tizepeza perecorrine, uauarrinarrine odiniza bara tarri −nade. —“Parrissa onerrerani” terrerarri. Pina rrehe tarri −nade Zeso.

Ebreodenidsa 3:12

Parri ouimecotedeni, tibodideniza uaidirehe tecauemana-rrerarri. Tibodideniza rrehe tiquenanissa terreraza naqui Deo camitta tarrari Pouaza tiarrimanerana.

1 Pedoro 1:24

Narraro uima Deo Atti dozo nanizape arrima nani: —Madirra bazimacca madiepe pina minassa narraro. Madirracca biquehe naqui pina aua mouecca biquehessa narraro. Minape amazati qqueze neza rrica tani. Moue naco amazati qqueze naza catorraha rrica taui. Madirra naco pina narraro uimassa quenarrari. Madimanazanapo-rraraui. Cacotazapa rricauitoui.