Mateo 6:19 - Kulina New Testament Brazil

¹⁹ —Rrehe, arri namiza timadimanaqquezape tizepedenitarri tinauapimananiuarrine touinira timadimana terrerarri. Arrina, tozepetarri tinauapimanezape poni maccanirrine ssari nani carri tani. Motape ponira marratoni carri tani. Motape ponira boteza rrazi tani. Motape botie torra tani. Nema nezape tizepedenitarripe rrica-ca-ca nemanehe amossi nani carri tani, onarraro.

Culina Mádija

¹⁹ —Jehe, aji namidsa timadimanaccadsapi tidsepedenitaji tinahapimananijine tohuinira timadimana tejeraji. Ajina, todsepetaji tinahapimanadsapi poni maccanijine ssari nani caji tani. Motapi ponira majatoni caji tani. Motapi ponira botedsa jadsi tani. Motapi botie toja tani. Nema nadsapi tidsepedenitajipi jica-ca-ca... nemanehe amossi nani caji tani, onajaro.

Mateo 6:19 Iomraidhean Croise

Mateo 19:21

Naraha Zeso pouaza uati tade: —Tiparrirenissa taniuarrinepe arrima tarri: Ticcaniza tizepetarri manaconiza da tinarizarro. Nani narraro zinirope madirra touati nauanaqquiri narrarideniza da tinabaqquiniuarrine. Nema tinanezape niza memeuarri Deocca biquehe tiaza torranitoui. “Nema onana” tezape ouazara damera tinarri −nade Zeso.

Mateo 6:20

Nazama arri namiza timadimanani parri naqquezama Deo Poua touini nauicca touira timadimanarri, onarraro. Memeuarri arra Deo madiuizana uima bicani tiadeniza touapiponiuarrinepe arrirraro namiza tizepedeni ihirrimana narri. Nema tiquenezape Deocca danirri bicabote tiadeniza da inanitoui. Narraro Deocca danirripe poni maccanirrine ssari naniuarrine nouerani. Marratoniuarrine nouerani. Bobotide botiuiuarrine noueraui. Parri rricariniuarrine naqui noueranitoui, onarraro.

Roca 12:21

Uimape nema narraro madirra poua tonanabicauiuarrine tozepetarri ineuemaraha Deozapa pina cappirarrarissa narrari, Deoza uatize-rraraza −narrari Zeso.

Roca 12:33

Nazama ouatti tiadeniza arrima narraro: Tizepedenitarri manaconitoui da tinarizemanarri. Narraro manaconi zinirope madirra cappiremanarrarideniza da tinabaqqui-rizemanarri. Arri tizepedenitarri, ziniro naqui nerrecozara tecauemanaza ticarrimanazanaponiuarrine? Arri ziniro zamini touaidirarera tanicca carri taqui? Nouerani. Naraha cappiremanarrarideniza da tinabaqquirize-manarrarope pina memeuarri arra Deo madiuizana uima bicani tiadeniza tinauapimanaporrarossa narraro. Narrarope Deocca danirri bicabote rriquerreranicca tiadeniza da inanitoui. Narraro Deo pocca danirrizapa bobotide botiuiuarrine nouerauitoui, poni maccanirrine naqui ssari naniuarrine nouerani.

Roca 12:39

—Nazama tiadenipe arrirraro uimaza tibodideni uatorri: Oza rrinedepa bobotide ccarronauiuarrinecca marri nauato tapozapa pocca ozaza botide qquezima-rrarauiuarrine pocca oza ecauanissa tanitouiraha ssamo tarra narrari.

Roca 18:22

Naraha Zeso tamine atti mittazapa pouaza uati tarrari: —Naraha uima orrarie tiaza zori taccani. Ticcaniza tizepetarri manaconiza rridi tinarizarri. Nani narraro zinirope madirra touati nauanaqquiri narrarideniza da tinabaqquiniuarrine. Nema tinanezape niza memeuarri Deocca biquehe tiaza torranitoui. “Nema onana” tezape ouazara damera tinarri −narrari Zeso.

Roca 18:24

Tamine bodi ocassera taui Zeso qqui tazapa uati tarrari: —A, madirra zepedeni sseqquiri narraridenipa Deocca cacaueheza toquerrenauiuarrine narro tani! −narrari.

1 Timoti 6:17

Nazama Zesoza toquerrenarrari zepedeni sseqquiri narrarideni naco arrirraro zamacca tozepetarri carrimana, ziniro carrimana nazapa: —Iape bicaqquiri inani, deni iquerrenani −quena-rrarauiuarrine uati ticanabaqquirro. Pouadenipa uemani carrimanazapa: —Narrarozana imadi-zanaponiuarrine iparrireni −quena-rrarauiuarrine naco uati ticanabaqquirro. Arrana pouadeni zepetarri amazati amossi nani carri tani. Naraha: —Deona ia touacauabaqqui-zanapouiuarrine parrireui −quenauiuarrinena bica tani. Ia bazimape Deocca danirriza imadirraro. Icappira-rreraniuarrine iaza accora tarrari. Nema nezape madirra zepedeni sseqquiri narrarideni Deo Pouazana uatizemanaui orrari nana, onarraro.

Ebreodenidsa 13:5

Ziniro uemani ticarrimaneza timadimananiuarrine touinira tibodideni uato terrerarri. Arri ticarrimanarraroza: —Peperri, narraroza imadini parrireni, bica tani −tiquenarri. Deotouira denima tibodideni uatomenarri. Poua Attipa: —Tia onebo-rrerani. Tiaza peperri onerreranitoui −naui nade Poua Atti dozo naniza.