Mateo 6:10 - Kulina New Testament Brazil

¹⁰ Ticca cacauehe bazimaza tinanarizana, inarraro. Pina memeuarri Tiaza madimanarrarideni bazima Tettiza iboraqquiri zazanapomana narrarissa quenauiuarrine arri namiuarri imadirraro ia bazima naqui Tettiza iboraqquiri inana, inarraro.

Culina Mádija

¹⁰ Ticca cacahuehe huapimadsa tinanaridsana, inajaro. Pina memehuaji Tiadsa madimanajarideni huapima Tettidsa iboraqquiri dsadsanapomana najarissa quinahijine aji namihuaji imadijaro ia huapima naqui Tettidsa iboraqquiri inana, inajaro.

Mateo 6:10 Iomraidhean Croise

Mateo 12:50

Madirradenipa occa Abi Deo memeuarri madirrari Poua touini nauicca ihinanemana narrarodenina pina ouimecotedenissa quenarrari. Amonerredeni naqui Deo Poua nacassa tauicca ihinanemana narrarodenina pina occa amissa, pina ouimecotedenissa quenarrari, onarraro −nade Zeso.

Mateo 16:28

Ouape parrissehera tiadeniza uati onarraro: Arriza tidomodeni uarraro motadenipe tizoqquemana-rreraccazama arrirraro titezerremadenicca uima qqui tiquenanitoui. Narraroa arri oua Madirra Bedi orrarraroa nizaranibote madirra ouacauabaqquiuiuarrine occa deni torrehema occaronapomanitoui, onarraro −nade Zeso.

Mateo 26:42

Nazapa toccanipomaza Imehiza uati tapomaza naco: —Abi, nauato tinani. Madirra bazimacca uimasiri manaconi ocasserani ouaniuarrine nacassera oneraha tia nacassa tinaniccazana ibora onarraro −naui nade Zeso.

Mateo 3:2

Mari mari ihicanabaqquiriza nazapa arrama nanariza narrari: —Ticcadeni uimasiri tineborizemanarri! Deotouira tizanapomanarri! Deocca cacauehepe iaza bacco narronabote nani −nanarra narrari Zouao.

Mateo 4:17

Nauiuarri Zeso bacco tazana Deo Atti maride taide torraporrari. Madirra mari mari ihicanabaqqui naza poua attipa: —Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca cacauehepe iaza bacco narronabote nani −nanariza narrari Zeso.

Mateo 7:21

—Madirrapa ouaza attideni: “Oua Zozossede” quequenanaui uapi taraha motapa Deocca cacaueheuarri rraui torrezima-rrarauitoui. Occa Abi Deo memeuarri madirrari Poua touini nauiccara inanemanarrarodenina Deocca cacaueheuarri rraui torrezimauitoui, onarraro.

Maraco 11:10

—Pouapa icca idi tamine Dabi Potemaui bicabote! Ia Cacauade torrauiuarrine ccarronaui! Bica taui, bica taui! Memeuarri Deoza madimanarrarideni pouaza: “Deni tirrani!” quenana, quenana! −zanapomanaui nade.

Maraco 3:35

Madirradenipa Deo Poua nacassa tauicca ihinanemana narrarodenina pina ouimecotedenissa quenarrari. Amonerredeni naqui Deo Poua nacassa tauicca ihinanemana narrarodenina pina occa amissa, pina ouimecotedenissa quenarraro, onarraro −naui nade Zeso.

Roca 19:11

Zesopa Zaqueoza uati uati tauiza madirra queriqquimanarrarideni mittemanarrari. Zeso Zerozareuarri touarrirarronaza pouadeni bodi attidenipa: —Niza Zeso Zerozareza bacco tazapa amazati Deocca cacauehe torranitoui −quenaraha narraro uima torraniuarrine rrerani. Nazapa Zeso pouadeni bodi uatomanauiuarrinepa arrirraro namiza imadinicca uimaza mari icanabaqquirrari.

Roca 19:38

Attidenipa: —Ia Zozossede onima ccarronarrariza biquehera torrana, torrana! Pouapa ia Izarraeo potemauideni icca tamine! Pouaza biquehera torrana, torrana! −zanapomanarrari. —Memeuarri Deo icca uimaza carroneri canaui, canaui, narraro rronehe torrarizaniuarrine. Memeuarri Deoza madimanarrarideni pouaza: “Tiana deni tirrani!” quenana, quenana! −quenarrari, uaua zanapomanaza.

Roca 22:42

Arrama narrari: —Abi, nacassa tinezape otezerremacca uima oppina tanicca ouaza torra-rrerana, oneraha. Madirra bazimacca uima manaconi narrizoue ouaza torrezape ocasserani ouanitoui Pina zeze bidabote ze onaniuarrinessa narraro. Narraro onauananiuarrine nacassera oneraha oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −narrari Zeso.

Huano 4:34

Nazapa Zeso iaza uati uati tarrari: —Ouape Deo oua cazosserrari. Poua nacassa tauicca ozepe irrirraro. Narrarope pina occa rrirripassa narrari. Deo Poua zepe ihirri nauicca narraro onarricaniuarrine, onarraro. Narrarope occa rrirripa −nade Zeso.

Huano 6:40

Nazama occa Abi poua touini nauicca onihipe arrima narraro: Madirra bazima Deo Bedi qqui toquenaza pouaza parrissa quenazapa camittehe rriquerreranicca carrimanauitoui. Niza uada rricarinicca bacco tezape narrarideni bazima onauatoni-baqquiuitoui −nade Zeso.

Huano 7:17

—Arri tibodidenipe: “Pocca marinarrape Deocca zossenirriqui? Poua motta poua attirane?” tiquenarraro nitide. Naraha Deo Poua nacassa tauiccara tinanemanezape otauimari tiadeniza auato tanitoui: Occa marinarrape Deocca.

Tahimarideni 13:22

Naui zotodepa Deo Saoza paparra naza Deorrine Dabina tamine torrarrari. Nazapa Dabiza arrama narrari Deo Attipa: “Zese-Izahi bedi Dabina madirra bicaui. Poua bodipa pina obodissa narrari. Pouapa ouattissa inana-zanaponitoui” naui nade Deo Atti.

Tahimarideni 21:14

Nazapa Paoro ettiza rrehe narrarazapa denima uati inerrerade. Nazama ettipe: —Abi Deo, Pouana nauato taui. Ia Zozossede Poua nacassa tauiccana bica tani −inade.

Tahimarideni 22:14

Nazapa Anania denima ouaza uati tade: “Abi Deopa icca ididenicca Deo, narraria arri Deo pocca zossenirrissa tinananiuarrine tia tocatterrizarrari. Pocca Erredeni Bicabote qqui tinauiuarrine naqui tia tocatterrizarrari. Poua atti uati taui naqui timittaniuarrine Deo tia tocatterrizarrari” nade ouaza.

Romanodenidsa 12:2

Rridapanape arrirraro zama bazimacca uimassa tinanemanapoma-rrerarri. Arrima tiquenanina bica tani: Tibodidenicca uatoue zati tinanemanarri. Nema tiquenezape ticcadeni madie cacarriqquimeraniuarrine, Deo nacassa tauicca naqui ticauatteraniuarrine. Narrarope bica tanicca ticauattera, Deo tinauatizemanauiuarrine ticauattera, parrirenissa tanicca tinanemananiuarrine ticauattera nanitoui.

Epesodeniza 6:6

Tiadeni zossede qqui tarraraza naco tizepedeni irrimananissa tana. Pina tiadeni qqui tazassa tiquenarri. Pina Zeso Cristocca zozossessa tiquenana, Deo touini nauicca titinanemana naniuarrine. Tiadeni zossede attiza naqui iboraqquiri tiquenana. Tibodideni bicaqquiri neza: —Rrehe, oua zossede attiza ibora onana −tiquenana.

Corosadeniza 1:13

Ziziniza imadipozape uimasiri iaza dacorapode. Naraha Deo ia rroca toninebaqquiza pocca erredenicca cacaueheza ia tonanabaqquirraride. Deopa Poua Bediza uati uana tarrari.

Corosadeniza 1:9

Nezape titauimarideni imittaponizama titouideni Deoza uatide inebo-rrerarraroparri. Deo Poua nacassa tauicca nauatoqquiri tiquenanissa taniuarrine ineza Pouaza uati uati ihizanapo narraro. Tiadeniza Poua Corimecca nauatoue, pocca touattehe bazima da inaniuarrine ineza Pouaza uati uati ihizanapo narraro.

1 Tesaronicadeniza 4:3

Deo Poua nacassa tauiccape arrima narrarona parri: Tibodideni ssiuarra, uisso teza uimasiri rrirehe timadimananiuarrine. Nema tinanemananiuarrinepe uananehecca tinanemana terrerarri.

1 Tesaronicadeniza 5:18

Arri ocasserani temaneza, uima bicani tiadeniza torreza naqui Deoza uati uati titiquena narri. Pouaza: —Rrehe, peperri. Tirrine bica tani −titiquena narri. Deopa arra Zeso Cristoza rrehe quenarrarideni attideni nama quequenanauiuarrine nacassa tarrari.

Ebreodenidsa 1:14

Arra, pocca zozosse tabaqquipa assiredeni qqui inabaqqui-rraraui. Pina madirra iassa quena-rraraui. Deo pocca madirra tocassiuauerarrarideni acco canadedeni arrauarri zosse, arrauarri zosse ihinarizabaqqui narrari. Narraridenipa bicaqquiri naraha arramani toquerrenarrari. Deo Poua Bedina deni torrarrari, onarraro. Peperri.

Ebreodenidsa 10:36

Dacoco tirrirarri, Deo Poua touini nauiccassa tinanemana-zanaponiuarrine. Ocasserani temanezape nema nehe tinauanemanarri. Nema tiquenezape Deo Poua uati taporraricca uima bicani tiadeniza inananitoui.

Ebreodenidsa 10:7

Nazama ouattipe: Abi Deo, ouape arri ouani. Pina otauimari Tetti dozo naniza anirrarossa onananiuarrine occaronarraro. Tia touini tanicca onananiuarrine touini onarraro −naui nade Cristo atti Dabi pocca rrirririza dozo inarraroza.

Ebreodenidsa 13:21

Narrari Deo Pouana tiadeni tonaparrire-baqquiuissa tana, ticcadeni uima uapima naqui inabicanissa tana, nani Poua touini nauicca tinanemana-zanaponiuarrine, onarraro. Deo pocca madirra bicaqquiri inaniuarrine ia tonadacora-baqquina, onarraro. Zeso Cristo pocca iquerrenezape Deo iaza nema inanazanaponitoui. Pouaza: —Bica tinani, deni tirrani! −ihizanapo nana, onarraro. Parrissa nema nana.

1 Pedoro 2:15

Deopa timadimananissa taniuarrine touini narrari. Nema tiquenezape Deocca zossenirri ssamoqquiri narrarideni ticcadeni madie bica tani qqui toquenazapa arrama quenauitoui.

1 Pedoro 4:2

Nezape arrirraro namiza timadimanaqquezape uaidira tanicca touini tiquenerreraza timadimananitoui. Deo Poua touini nauiccara titinanemana nanitoui.

Apocalipsis 11:15

Deocca zozosse tabaqqui memeuarricca 7 nauicca rrori rrori nanarra memeuarri attideni mouiqquiri naha uati uati toquenarrari: —Rridapanape zama bazima ia Zozossede Deocca cacauehe torra, Cristo-Mesiacca cacauehe torra narraro. Pouadenina zossede nama zanapomanauitoui −quenarrari.

Apocalipsis 12:10

Nezape memeuarri touatti mouini omittarraro attipa: —Rridapanana ia Zozossede Deo ia tonassiuauabaqquiuicca uima bacco tani. Rridapanana Deocca dacorehe, pocca cacauehe iaza auato tani. Deo pocca Cristo-Mesia poua zosse zosse nauicca uima bacco tani. Arrana, imecotedeni tauimari pouama uatirride rabote Tocorime-Taminepa coro inaronarrari. Zome, ssiuarra, zome, ssiuarra icca Abi Deo tezerrema imecotedenicca uima uati uati nanarra naraha rridapanape pocca uima rricani.

Apocalipsis 19:6

Nezape memeuarricca madirra bazima attideni moui omittanerre bica tarraro, pina ueni ssahaha canarrarissa narrari. Mouini onihi naqui pina ttottorode mouini dacorarrarossa narraro. Attidenipa: —Areroia, Ia Zozossede Deo dacorabotepa deni torraui! Rridapana bazima ecauabaqquiuiuarrine pocca cacauehe bacco tani.

Apocalipsis 20:4

Qqui onanarra taminedenicca uiuittariza rrassi taririzarrari qqui onabaqquirrari. Pouadenipa uima icattememananiuarrine Deocca zossehe carrimanarrari. Nauiza naco madirra mattodeni ca ca torrizemaneri naporrarideni qqui onabaqquirrari. Narraridenipa Zeso Cristo tauimari nauatoqquiri narrarideni Deo Atti ecomerarize-manarrarorrine inarricabaqqui-manaporrari. Pouadenipa bani siri rrizaboteza, poua corimeza naco uauatizemana narrarade. Bani siricca nanarrano uassarideniza, zepedeniza carrimana-rrararrari. Narrarideni nauatonimanaui qqui onabaqquirrari. Nazapa uarrano 1.000 naha Cristo tezerre zama bazima zossede toquerrenarizarrari.