Mateo 5:5 - Kulina New Testament Brazil

⁵ —Tiadeniza uima uaidira tanicca bacco teraha tedimana-rrereza tibodideni: “Niza Deo oua acco canauitoui” tiquenezape Deopa tibodideniza uatizeheri inanarraro. Niza Deorrine zama zati torreza narrarope ticcadeni cacauehe torranitoui.

Culina Mádija

⁵ —Tiadenidsa ima tabaccora tanicca bacco taraha tedimana-jeradsa tibodideni: “Nidsa Dio ohua acco camahitohui” tiquinadsapi Diopa tiadenidsa ima bicani inanajaro. Nidsa Diojine dsama dsati tojadsa najaropi ticcadeni cacahuehe tojanitohui.

Mateo 5:5 Iomraidhean Croise

Mateo 11:29

Occa marinarra tiadeniza torraniuarrinepe ouaza tiadeni teccoremanarri, ouaza iboraqquiri tiquenaniuarrine, onarraro. Ouaza ticauatterarri. Tiadeni Maride ouape rrone onani, bica onani. Tibodideni onabicabaqquinitoui.

Mateo 21:5

—Oza panani Sioza madimanarrarideniza arrima tarri: “Qqui tiquenanarra, ticcadeni tamine bicabote tiadeniuarri bacco naui. Pouapa rrone taui, rrazire toui narraraui. Arrana, borro imehiza uittarirrona-rraraui. Borro namizaza tozepetarri rrorrorede bedi ideza uittarirronaui” −napoui nade Zacaria.

Romanodenidsa 4:13

Maittaccazama Deopa Abarahaoza uati taporrari: —Tiaza, tipotemaniza uima bicani onananitoui. Tiadeniza zama nemanehe da onanitoui −naporrari. Naraha pocca uatinarrape Abarahao Deocca zossenirri ecauanissa tarrarorrine rrerani. Abarahaopa Deoza parrissa narrarirrinena pouaza torrarraro. Pocca rrehenirrirrinena manaco Deo Attia: —Abarahaopa bica taui −nanarra narrari.

Carasiadeniza 5:23

—Iana deni iquerrenani −inerrerarraro. Uimasiri inane-rreraniuarrine ia ecauarraro. Narraro uima bicani bazimape Deo Corimerrine icarrirraro. Narraro uima bazimaza Deo naco, madirra naco: —Uaidira tani, oppina tani −quena-rraraui.

Epesodeniza 4:2

Tibodideniza: —Ouape arrimani orrani −tiquenani bica tani. Rroneqquiri tiqueneza tettideni bica teza uati uati tiquenana. Timecotedeni tezerre tetideni cauanerara caneza amazati tedimana-rrerana. Madirra tiadeniza nacassera taza naco pina mouaraza tinauanemanana, onarraro.

Corosadeniza 3:12

Deo tiadeni tocatterrizabaqquirraripa pocca madirra bicaqquiri tiquenaniuarrine. Deopa tiadeniza uati uana tarrari. Nema nezape tiadeni naqui madirraza tetideni uanaqquiri neza acco acco titicanabaqquimana narro. Bicaqquiri tiquenaza uima bicanira titinanemana narri. —Ouana deni orrani −tiquenerrerarri. Rroneqquiri tiquenaza madirraza catizeqquiri tiquenarri. Tizepedeni irrirrarocca narro teza naqui nebomana terrerarri. Madirra mari ticanemanaza naco touatta-rrarazapa tedimane-rrereza mouaraza mari ticanemanapomana, onarraro.

1 Timoti 6:11

Naraha Timoti, Deocca madirra tirrani. Pouaza tizepe irrizape uima uaidira taniccaza tiarrini narri. Ticca madie Deocca zossenirriza parrirenissa taniuarrinepe damera tinarri. Deoza ibora tinezape Zesoza rrehe tizanaponiuarrine damera tinarri. Deoza teti uana, madirra bazimaza teti uana taniuarrine naqui damera tinana. Ocasserehe tiaza ssonariraha orri terrereza tinauanarri. Rrone tinehe timadiniuarrine naqui damera tinarri.

2 Timoti 2:25

Deoza iboqquiri narrarideni naco mouaraza mari icanabaqqui-zanapona. Nama nazapa Deorrine bodideni cacarriqquimerauiuarrine uitide. Nazana marinarra parrisseheccazara parrissa quenauiuarrine.

Titodsa 3:2

Ticca mamari tabaqqui naco madirraza tatamasso quena-rrarana. Rroneqquiri nana, pina arrauarri uati arrauarri uati quena-rrarauiuarrine. Bicaqquiri naza attideni bica tauiuarrine. Bodidenipa: —Ouape deni orrarrerani −quenaza naco madirra bazima accode iboraqquiri nauiuarrine, onarraro.

Satiacocca 1:21

Nezape arrirraro namicca uaidirehe onihi, onihi narraro bazima tineborizemanarri. Mouaraza Deo Attizara iboraqquiri tiquenana. Deo Atti timittemana, Zeso Cristo tauimari timittemana narraroa tibodideniza madizarraroparri. Narraro Zeso Cristo tauimaripa tiadeni tonassiuauabaqquiuiuarrine dacorarrari.

Satiacocca 3:13

Nerrecorrari tiadeniza Deorrine nauato taha madirrari? Parrissa nauato tazapa pocca madieza auato inanana. Deorrine nauatoqquiri tiquenezape uima bicani tinanemanarri. Rroneqquiri tiqueneza: —Ouape arrimani orrani −titiquena narri.

1 Pedoro 3:15

Pina tibodideniza arrima tiquenarri: —Zeso Cristo, tiape oua Zozossede. Tiazara ibora ozanaponiuarrine −titiquena nana. Madirra tiadeniza attideni: —Timadinissa tezape nerrecora ticarriniuarrine touini timadirraro? –quenazapa pouadeniza tecomeremananiuarrine tibodideniza narrorapozape pouadeniza tetecomeremana narri, onarraro.

1 Pedoro 3:4

Bicaqquiri tiquenaniuarrinepe tibodidenina parri. Tettideni bica teza rroneqquiri tiquenana. Narraro biquehepe touaidirarera tani. Narrarona Deoza denima bica tarraro.