Mateo 5:39 - Kulina New Testament Brazil

³⁹ Neraha ouattipe tiadeniza arrima onarraro: madirrapa tiadeniza uaidirehe inanezape “Manaco” tiquenerrerarri. Madirra tipano idaniza naco “Ouaccone manaco odana” tiquenerrerana, onarraro.

Culina Mádija

³⁹ Naraha ohuattipi tiadenidsa ajima onajaro: madijapa tiadenidsa tabaccorehe inanadsapi “Manaco” tiquinejeraji. Madija tipano idanidsa naco “Ohuaccone manaco odana” tiquinejerana, onajaro.

Mateo 5:39 Iomraidhean Croise

Mateo 5:40

Madirra attipa: “Ouaza uima tinanani” naza uima cattemadeuarri tia touaccaza tamine attipa: “Uima tinanarraro manaconi pouaza ticca tetepicca da tinarri” nazapa pouaza da tinarri. Ticca tetepicca onihi ssiriniuarrine uatini ccara teraha narraro naqui nema nehe pouaza da tinarri, onarraro.

Roca 22:64

Nocco ssoque iquenaza naco pouaza uati toquenarrari: —Rrari nerrecorrari tia idarrari? Tecomerarro! −quenarrari.

Roca 6:7

Naraha zodeodenicca marinarra maridedeni, marinarra parizeoza rrehe quenarrarideni tezerre Zeso inoccozemanarrari. Zesopa rrassinarracca uadaza madirra inanomibaqquizapa pouadeniza pina rrassinarracca uada rrerarraroza zepe irrirrarissa narrari, quenarrari. Pouadeni bodipa: —Rridapana rrassinarracca uadaza zepe siri inanomizapa Zesoza uima inauananiuarrine −quenarrari.

Huano 18:23

Naraha Zeso attia: —Rrehe, rridacca uati uati onarraro ouatti uaidira tezape bazima mittemanauiuarrine uati tinarri. Naraha rridacca uati onarraro uaidira terrerezape nerrecotoui opano tidanirraronerre? −nade Zeso atti.

1 Corintodeniza 6:7

Naraha Deoza rrehe quena-rrararrarideniuarri timecotedeniza uima tinassonarimanezape ticcadeni uimana touaidirarraro. Nazama ticcadeni uima touaidirani noppinenipe pina arrima tinanemananina bica tani: Timecotedeni tiadeniza uima inanemanezape nema nehe tinauanemanarri. Ticarrirrarocca nemanehe timecote ibotiza naqui: —Peperriua, rrehe quena-rrararrarideniuarri poua ouacca-rrarana −tiquenarri.

1 Tesaronicadeniza 5:15

Madirra tiadeniza uima inanezape: —Manaco pouaza uima onanana −tiquenerrerarri. Uaidirehe tinanemana terrerarri. Uima bicanira tinanemananiuarrine dameraqquiri tiquenarri. Timecotedeniza, madirra ouaha bazimaza naqui uima bicanira titinanarizemana nana, inarraro.

Ebreodenidsa 12:4

Zesopa uaidirehe tonauanaza zoqquerrari. Naraha tiadenipe uaidirehe tinauanemanaza tizoqquerre canima-rreraccani. Nezape dacoco tirrirarri, onarraro.

Satiacocca 5:6

Tiadenipe madirra uima cappiremanarrarideniza tetideni uaneraqquiri narraro. Pouadenipa rroneqquiri narrari, pouadeni acco canemanauiuarrine cappiremanaraha pouadeniza ponima uima tinassonarimaneza tinarriquemanarrari.

1 Pedoro 3:9

Nazama madirra tiadeniza uaidirehe inanemaneza naqui manaco pouadeniza uaidirehe tinanemana-rrerarri. Tiadeni totamasso-baqquimanaza naco manaco titamassobaqquimana-rrararro. Arrima tinanemananina bica tani: Pouadeniza uima bicanira tinanemanarri. Tettideni bica teza pouadeniza uati uati titiquena nana. Nema tinanemanezape Deo tiadeniza uima bicani inananitoui. Narrarorrine tiadeni tocatterrizabaqquirrari.