Mateo 5:30 - Kulina New Testament Brazil

³⁰ Nazama pina tizepe nauatoniccaza uimasiri tinanabote neraha daco tirrireza poni tarri, uimasiri tinana-rreraniuarrine. Nema tezape pina tizepe nauatonicca ca ticarrizarrarossa narraro. Tizepe carrarie amossi caneraha peperri! tessirema tissiuauanitoui. Rrororoni rriquerreraniuarri tirra-rreranitoui −nade Zeso.

Culina Mádija

³⁰ Nadsama pina tidsepe nahatoniccadsa imasiri tinanabote naraha daco tijiradsa poni taji, imasiri tinana-jeranijine. Nema tadsapi pina tidsepe nahatonicca ca ticajidsajarossa najaro. Tidsepe cajarie amossi canaraha ¡epeje! tessirema tissiajanitohui. Jororoni jiquejeranihuaji tija-jeranitohui −nahi nade Jeso.

Mateo 5:30 Iomraidhean Croise

Mateo 11:6

—Arra madirra mota attidenipa: “Zesopa Cristo-Mesia rraraui, pocca uimape onihi, Cristo-Mesiacca uimassa nerrerani” quenaraha madirra mota nama quena-rrararrari attidenipa: “Parrissa Zesopa icca Mesia” quenaza pouadenizana Deo pocca biquehe inananitoui. Arrirraro uima bazima Zouaoza uati tinanimanana −nade Zeso atti.

Mateo 13:21

Pouadenipa Deoza rrehe zanapomanauiuarrineraha Deo Atti pouadeni bodiza torra-rrerarrarope pina siba ccababa taniza nocco moro taraha rrabo uapiuarrira toccabaqquirraricca uimassa narraro. Nazama arra marri ppoconerrine boterraricca uimape Deo Attiza rrehe quenarrarirrine pouadeniza narrizoue ssonariza, ocasserani auemanazapa rrehe quezati attidenia: “Peperriua, Deo Attipe inebona” quenarrari.

Mateo 16:23

Naraha Zeso tauide uarraniza Pedoroza uati tarrari: —Parri, otezerremape! Oua teccocco terrerarri, onarraro. Tettipe pina maizehe rrinede Tocorime-Tamine attissa nani. Deocca zossenirriza ibora onaniuarrineraha tettizara ibora onezape Deo nacassa tauicca onana-rreranitoui. Tiape Deo nacassa tauicca ssamo tinani. Madirra touini quenarrariccana nauato tinarraro −naui nade Zeso Pedoroza.

Mateo 17:27

Neraha iape zama onihicca madirra iquerrena-rrereraha Deoza dada toqquimacca ziniro nanaccadedeniza uima ocassera terreraniuarrine pouadeniza ziniro da inana. Rrari, aba corode corizauarri tiqquezipparri. Taidecca uana taporrari arrariza qqui tana. Nanizape ziniro qqui tinanitoui. Narraro ziniro tidiza ziniro nanaccadedeniza da tinezape occa, ticca naqui parrirenissa tanitoui −nade Zeso. Nazapa Pedoro Zeso attissa inanarraro.

Mateo 18:8

—Nazama uimasiri tinana-rreraniuarrinepe tibodi daco tirrireza poni tarri. Pina tizepeza uimasiri tinanabote neraha daco tirrireza poni tarri. Nema tezape pina tizepe ca ticarrizarrarossa narraro. Tizepe carrarie amossi caneraha Deocca cacaueheza timadizape tetizenitoui. Naraha uimasiriza damera tinezape pina tizepe capamehe ticarrirrarossa neraha rrororoni rriquerreraniuarri tia coro tozimauitoui. —Nazama uimasiri carri taniuarri ticcaniuarrine naqui touini teraha poni tarri. Nema tezape pina temori ca ticarrizarrarossa narraro. Temori carrariraha Deocca cacaueheza timadizape tetizenitoui. Neraha uimasiriza damera tinezape pina temori capamehe ticarrirrarossa neraha rrororoni rriquerreraniuarri tia coro tozimauitoui.

Mateo 22:13

Nazapa tamine pocca zozosse tabaqquiza: “Rrari, arrarrari madirra isso rrore, birri rrore tiquenarro. Arricca amossini ziziniuarri coro tininemanarro. Nauiuarripa ocasserani aua-zanapozapa pano tozaui naza orri orri nauitoui” narrari.

Mateo 25:20

Nazapa ccarara 5 mil nehe carrirrari ccarronarrari. Ccarara 10 mil nehe rrinedeza da inanirraro. Pouaza da inaniza poua attipa: “Oua zossede, ouazape ccarara 5 mil nehe da tade. Neraha qqui tanerre, ozepe irririzanissa tezape denima 5 mil nehe torrarraro” narrari.

Mateo 26:31

Naniza bacco imorezana Zeso iaza uati tarrari: —Arrirraro zomeza tiadeni bazima oua tinebomananitoui. Pina Deo Atti dozo naporrarossa nanitoui: “Niza eueue cacauade zoqquezapa pocca eueue torraribaqquiuitoui.”

Mateo 5:22

Naraha tiadeniza uati onana: Timecoteza titesseza naqui tedizape uima ticarrinitoui. Uima cacattemauarri: “Ticca uimape uaidira tani” quenauitoui. Ticca uadie tinebo-rrereza timecoteza denima tatamasso tezape uima cacattemadedeni deni toquerrenarraridenipa tiaza uima inassonarimananitoui. Ticca uadie deni torrezape timecoteza uaidirehema tatamasso teraha ticca uimana denima uaidira tarraro. Niza ticca uimape Deo mittauitoui. Ticca uima nema nezape manaco rrororoni rriquerreraniuarri tirranitoui.

Mateo 5:29

—Nazama uimasiri tinana-rreraniuarrinepe tibodiza daco tirrireza poni tarri. Poni terrerezape uima oppina tani tiaza ssonarinitoui. Nazama pina tinocco nauatoniccaza touini tanicca qqui tinezape narraroza uimasiri tinananiuarrine touini teraha daco tirrireza poni tarri, uimasiri tinana-rreraniuarrine. Nema tezape pina tinocco nauatonicca uari, rroca, rreo, coro tinarrarossa narraro, uimasiri tinana-rreraniuarrine. Tinocco orrarie amossi neraha peperri! tessirema tissiuauanitoui. Rrororoni rriquerreraniuarri tirra-rreranitoui.

Maraco 9:43

—Nazama uimasiri tinana-rreraniuarrinepe tibodi daco tirrireza poni tarri. Poni terrerezape uima oppina tanicca tiaza ssonarinitoui. Pina tizepeza uimasiri tinanabote neraha daco tirrireza poni tarri. Nema tezape pina tizepe ca ticarrizarrarossa narraro. Tizepe carrarie amossi caneraha Deocca cacaueheza timadizape tetizenitoui. Naraha uimasiriza damera tinezape pina tizepe capamehe ticarrirrarossa neraha rrororoni rriquerreraniuarri ticcanitoui. Narraro rrororonipe ouiuira tani.

Roca 12:5

Naraha Deozana ticappinemanarri. Pouapa: “Tirricarri” nazapa tirricanitoui. Narrarina tirricani nattini naco tiadeni tonarrizo-baqquiuiuarrine nauato tarrari. Pouapa arri rrororoni rriquerreraniuarri tiadeni ua tozimabaqquiuiuarrine naco nauato tarrari. Madirrazape ticappinemana terrerarri naraha Deozana ticappinemanarri, onarraro −narrari Zeso.

Roca 17:2

Nazama madirra orrariarrine ouaza rrehe quenarrari uimasiri inanemanezape pouaza narrizoue oppina tanicca ssonarinitoui. Erredeni ouaza rrehe quenarrarideni naco madirra uimasiri mamariderrine uimasiri tocauatterazapa arra uimasiri mamaride pouaza narrizoue oppina tanicca ssonarinitoui. Pina arrirraro uimassa narraro: Siba ccanarrabote poua mattoza ssoque zaneza ueni imehiuarri rre tauiuarrine cco tozippazapa oppina taraha narrizoue denima oppina tanicca pouaza ssonarinitoui.

Romanodenidsa 9:33

Narrarope Deo Atti dozo naporraroza arrima narraro: —Ticattomama canarri! Oza panani Siouarripe siba ouattarraro. Narraro sibape madirra inassonaribaqquiuitoui. Narraro sibaza parrissa quenarraridenipa niza zotode ponicca mamaiza tabaqqui toquerrena-rrarauitoui −naponi nade Deo Atti dozo naniza.

1 Corintodeniza 8:13

Ouape arrima onarraro: Orriparraroccazaha ouimecotedeni orrine uimasiri inanemanezape ouara bani bazima orripapoma-rreranitoui, naui ouimecotedeni uimasiriza oneuedimabaqqui-rrarauiuarrine.

Carasiadeniza 5:11

Ouimecotedeni, tibodideni uatome-manarri. Tiadeniza: —Zopori cotani eteroni uissinarra ticarrimanarri −ohonariza nezape zodeodeni ouaza nacasseraqquiri narrarauitouiraha. Zeso Cristo aua porimacossaniza itoui zoqquerrari tauimari mari mari onarrarorrine zodeodeni ouaza nacasseraqquiri narrari.

1 Pedoro 2:8

Deo Atti dozo nani onihi naqui: —Narraro sibape madirra inauedimabaqquiuitoui −naponi nade Deo Atti dozo naniza. Rrehe, Deopa nama naporraria arra madirra Zeso Cristo tauimariza parrissa quena-rrarazapa pina sibaza touedime-manarrarissa quenauitoui. Deopa nama quenauiuarrine taide nauato tapozapa pouadeni tezerremacca uima inanarroraporraro.