Mateo 5:22 - Kulina New Testament Brazil

²² Naraha tiadeniza uati onana: Timecoteza titesseza naqui tedizape uima ticarrinitoui. Uima cacattemauarri: “Ticca uimape uaidira tani” quenauitoui. Ticca uadie tinebo-rrereza timecoteza denima tatamasso tezape uima cacattemadedeni deni toquerrenarraridenipa tiaza uima inassonarimananitoui. Ticca uadie deni torrezape timecoteza uaidirehema tatamasso teraha ticca uimana denima uaidira tarraro. Niza ticca uimape Deo mittauitoui. Ticca uima nema nezape manaco rrororoni rriquerreraniuarri tirranitoui.

Culina Mádija

²² Naraha tiadenidsa huati onana: Timecotedsa titessedsa naqui tedidsapi ima ticajinitohui. Ima cacattemahuaji: “Ticca imapi tabaccora tani” quinahitohui. Ticca huadie tinebo-jeradsa timecotedsa denima tatamasso tadsapi ima cacattemadedeni deni toquejenajaridenipa tiadsa ima inassonarimananitohui. Ticca huadie deni tojadsapi timecotedsa tabaccorehema tatamasso taraha ticca imana denima tabaccora tajaro. Nidsa ticca imapi Dio mittahitohui. Ticca ima nema nadsapi jororoni jiquejeranihuaji tijanitohui.

Mateo 5:22 Iomraidhean Croise

Mateo 10:17

Parri, tinoccodeni panarri! Madirra uadiqquiri narrari anirizaui. Narraridenipa tiadeni tadamemanazapa zodeodenicca taminedeniuarri tiadeni touaqquezimabaqqui-manauitoui. Zodeodenicca Deo Atti mamariuarri naqui tiadeni tacossimanauitoui.

Mateo 10:28

—Nazama otauimariza tiquerrenarrarorrinepe madirra tiadeni tonarricabaqquiuiuarrine touini quenaraha narrarideni noppinedenipe ticappinemana terrerarri. Narraridenipa timedeni rricaniuarrine parriremanaraha niza tirricani nattinipe arri rrororoni rriquerreraniuarri ticorimedeni ua tozimabaqquiuiuarrine ssamoqquiri nauitoui. Deona tiadeni tonarricabaqquiuiuarrine parrireui. Arri rrororoni rriquerreraniuarri ticorimedeni ua tozimabaqquiuiuarrine naco parrireui. Nazama Deo noppinena ticappinemanarri, onarraro −nade Zeso.

Mateo 12:24

Naraha parizeodeni narraro uima mittemanaza maizemanaza attidenia: —Arrana, Zesopa tocorimedenicca tamine Beheosebocca dacorehe carrirrarirrinea pocca zozosse tabaqqui zosse ininebaqquirrariparra −quenarrari.

Mateo 17:5

Pedoro uati uati nanarra pouadeni tetepiuarri esseni zibehi tarraro ccaronarraro. Ccaronezape pouadeniza irriuarranirraro. Nazapa naui esseni bodiza atti qquenarraro: —Arrarraripa occa erredeni. Pouaza ouati uana tarraro. Pocca uima bica tarrarorrine ouatizerraro. Poua atti timittemananissa tarri −naui nade Deo.

Mateo 18:21

Nazapa Pedoro Zesoza touarriressiza pouaza uati tarrari: —Oua Zozossede, ouimecotepa ouaza uaidirehe inanarraro. Zotode naqui ouaza uimasiri inanarraro. Zotode naqui ouaza uaidirehe inanapomarraro. Nama zanaporrari. Neraha ouape: Pouaza ouadi-rrerani, onarraro. Zotode naqui ouadipoma-rrerani. Zotode naqui ouadipoma-rrerani. Nema onapomarraro. Nema onapomarraro. Neraha nema ozanaponiuarrinequi? onarraro. Arri pocca nacasserehe ouaza onihi, onihi, onihi 7 nehe bacco tezape nezana pouaza ouadiniuarrinequi? −nade Pedoro.

Mateo 18:35

Nazapa Zeso denima mari icanabaqquirrari: —Arra, occa Abi memeuarri madirrari naco tiadeniza nama nauitoui. Timecote tiadeniza nacasserehe inaneraha tiadenipe: “Manaco, manaco” tiquenezape Abi Deo naco ticcadeni uaidirehe peperri inana-rreranitoui, onarraro. Titessedenicca uima tiadeniza ocassera teraha peperri tiquenarri. Pouadeniza pina tetideni uanaqquiri narri, onarraro −nade Zeso.

Mateo 23:15

—Rraho, zodeodenicca marinarra maridedeni, marinarra parizeoza rrehe tiquenarraro, tiadenipe uauattarro tiquerrenanitoui. Maizarridede tirrirani. Madirra ouaha zodeodenicca marinarraza toquerrenauiuarrine maride dameraqquiri tiquenezape zama onihiuarri, zama onihiuarri maride rrarraui tirrariza narraro. Ueni imehi rrippeuarri naqui maride rrarraui tirrariza narraro. Madirra ouahadenipa: “Zodeodenissa inana, Deoza iquerrenaniuarrine” quenaraha tirrinedenina ticcadeni marinarrazara toquerrenarrari. Narrarorrinena poccadeni uima denima touaidirarraro. Ticcadeni uima uaidira tezape rrororoni rriquerreraniuarri tiquerrenanitoui. Tirrinedeni poccadeni uima denima touaidirezape pouadeni naco rrororoni rriquerreraniuarri toquerrenauitoui.

Mateo 23:33

—Tiadenipe pina maccassa tiquenani. Ticcadeni uima uaidira tarraro. “Deocca narrizoue zori icanirenitoui” tiquenarraroqui? Zori ticanire-rreranitoui! Rrororoni rriquerreraniuarri tiquerrenanitoui.

Mateo 25:41

—Naraha obirri ssamouarri domo uarraridenizape ouatti arrima onanitoui: “Arri ouazape uarrirri tinarri! Deopa tiadeniza narrizoue inanarraro. Rrororoni rriquerreraniuarri rraui tirrarri! Narrarope poua uauadide Tocorime-Tamineza, Tocorime-Taminecca zozosse tabaqquideniza narroraporraro.

Mateo 26:59

Nazapa dada toqquimade taminedeni, zodeodenicca uima cacattemadedeni deni toquerrenarrarideni tezerre Zesoza uima inassonarimananiuarrine touini quenaza madirra maizehe uati toquenauiuarrine toui qqui narizemanarrari. Arra madirra attidenipa: —Zesopa icca marinarraza oppina tanicca inanaparra −quenaza taminedeni: —Rrehe, narraro uimaza Zeso zoqqueuiuarrine parrireui −quenauiuarrine.

Mateo 3:17

Nazapa memeuarri atti mittaronarrari: —Arrarraripa occa Erredeni. Pouaza ouati uana tarraro. Pocca uima bica tarrarorrine ouatizerraro −narrari Deo.

Mateo 5:34

Naraha ouattipe arrima onarraro: “Parrissa arrima onanana” tezape ticca parrissehepe touatti onihi tazarrani uati tina terrerarri. Madirrapa maizemanaza: “Parrissa uati onarraro” quenazapa touatti onihi tazarrani inatassaqquiza pina parrissehessa narraro uati toquenaraha maizemanarrari. Pouadeni attissa inanemana-rrereza: “Oppinera tani, Deo oniza uati onapo-rrerade” quenaraha Deopa attideni mittarrari. Arrana madirra attidenipa: “Occa uimape parrissa, memeuarricca nauato taui” quenauipa bica terrerani. Memeuarripe Deocca uiuittari. Deopa mittaui.

Mateo 5:44

Naraha ouattipe arrima onarraro: Tiadeni uauadidedeniza naqui pina tetideni uanaqquiri narri. Tiadeni narrizodedenipa Deo pouadeni bodi acco icanabaqquiuiuarrine Deoza uati uati tiquenana, onarraro.

Maraco 14:55

Nazapa dada toqquimade taminedeni, zodeodenicca uima cacattemadedeni deni toquerrenarrarideni tezerre Zesoza uima inassonarimananiuarrine touini quenaza madirraza uati narizemanarrari. Arra madirra attidenipa: —Zesopa icca marinarraza oppina tanicca inanaparra −quenaza taminedeni: —Rrehe, narraro uimaza Zeso zoqqueuiuarrine parrireui −quenaraha uima oppina tanicca bacco iquena-rrerani.

Maraco 15:1

Ssiuarrezape dada toqquimade taminedeni, ime rrocouideni, zodeodenicca marinarra maridedeni, zodeodenicca uima cacattemadedeni bazima queriqquimanaza pouadenira uimahaha canarrari. Rrehe canirezapa Zeso birri rrore iquenaza tamine Piratouarri iaqquemanarrari, —Zeso zoqquena −quenauiuarrine. Tamine Piratopa rromanodeni. Pouapa zodeodenicca zama cacauade torrarrari.

Roca 12:5

Naraha Deozana ticappinemanarri. Pouapa: “Tirricarri” nazapa tirricanitoui. Narrarina tirricani nattini naco tiadeni tonarrizo-baqquiuiuarrine nauato tarrari. Pouapa arri rrororoni rriquerreraniuarri tiadeni ua tozimabaqquiuiuarrine naco nauato tarrari. Madirrazape ticappinemana terrerarri naraha Deozana ticappinemanarri, onarraro −narrari Zeso.

Roca 22:66

Ssiuarrezape zodeodeni ime rrocouideni, dada toqquimade taminedeni, zodeodenicca marinarra maridedeni quenaza queriqquimanarrari. Nazapa zodeodenicca uima cacattemadedeni deni toquerrenarrarideni quequeriqquimana nauiuarri Zeso iaqquemanarrari. Nauiuarri bazima rraui torrezimaza pouaza uati toquenarrari:

Huano 11:47

Nanarra parizeodeni, dada toqquimade taminedenipa narraro uima mittemanazapa poccadeni uima cacattemadedeni deni toquerrenarrarideniza uaua quenarrari, pouadeniza queriqquimanauiuarrine. Queriqquimanazapa pouadeniza uati toquenarrari: —Iape nerrecoma inapazerre? Zeso canauatoriri canaui. Pocca deni torrehe auato tani −quenaui nade.

Huano 15:25

Nazama poccadeni uimape pina Deo Atti dozo naporrarossa narraro inanemanarraro: “Uaidirehe onana-rrereraha pouama ouaza uattarrorro tarrari” narraro Deo Atti dozo naniza.

Huano 7:20

Nazapa madirra bazima Zesoza uati toquenade: —Tiape tocorime ticarrirrarorrine mona tirrarraro nitiderra. Naraha nerrecorrarideni “Tia inanazoqquena” quenarrari? −quenade.

Huano 8:48

Naraha manaco zodeodeni Zesoza uati toquenade: —Tiape samaritano tirrani. Tiaza nacasseraqquiri inani! Rridacca uati inaporrarope parrissa. Tocorime siri ticarrirraro nauatoqquiri inani −quenade Zesoza.

Tahimarideni 17:18

Nazapa madirra mota marinarra epicorioza rrehe quenarrarideni, marinarra estoicoza rrehe quenarraridenipa Paoro tezerre arrauarri uati arrauarri uati quenarrari. Nazapa mota attidenia: —Arrarrari attirriderabotepa nerreco uimara iaza uati uati tarrarinarra? −quenarrari. Madirra ouaha attideni naco: —Zama onihicca madirradeni cacauade tauimari eccorarizarraro ranerre! −quenarrari. Nama nama quequenanarrari. Paoropa uima bicani icassiuaueraniuarrinecca uati uati tarrari, Zeso nauatonirrari tauimari naco uati uati tarrariraha pouadenipa mittemana-rrararrari.

Tahimarideni 22:30

Uada ssiuarrapa rromanodenicca isso teppeppedenicca tamine atti: —Nerrecotoui zodeodenipa Paoroza boqueqquiri narrari? −nazapa Paoro cadeiaza dicca inaza pouaza uati tarrari: —Niza, uaua onabaqquiza queriqquimanazana ticca uima icattememananiuarrine −narrari. Nazapa dada toqquimade taminedeni, zodeodenicca uima cacattemadedeni deni toquerrenarrarideni tezerre queriqquimanaza rromanodenicca isso teppeppedenicca tamine Paoro iaqquezimazapa taminedeni baccodeniuarri uarrari.

Tahimarideni 23:1

Nazapa Paoro zodeodenicca uima cacattemadedeniuarri tocatta naza uati tarrari: —Ouimecotedeni, ouape obodi bica teza omadinissa tarraroa arri rridapana omadirraroparri. Deoza naqui occa madie auato tarraro −narrari Paoro.

Tahimarideni 24:20

Naraha Asiauarricca zodeodeni noue querazapa arraza domo uarraridenina rridapana tiaza uati toquenana, onarraro. Naui zodeodenicca uima cacattemadedeni deni toquerrenarrarideniza oqquezimeza uaidira tanicca onanarraro qqui toquenarrari uati toquenana, onarraro.

Tahimarideni 4:15

Nazapa Pedoro, Zouao, isso siri tobicaui quenaza taminedeni zosse ininebaqqui-manarrari. Nazapa rraui torrenaui nattidenipa pouadenira uimahaha canarrari:

Tahimarideni 5:21

Nazapa poua attiza iboraqquiri nazapa izamassa Deoza dada toqquimauarri rraui torrezimaza madirra mari icanabaqquimanarrari. Naraha dada toqquimadedenicca tamine deni torrarraripa pouaza queriqquimanarrarideni naco Zesocca zozosse tabaqqui toponi cocoroza rrauinineui ssamoqquiri narra narrari. Nazapa zodeodenicca uima cacattemadedeni deni toquerrenarrarideni queriqquimanauiuarrine uaua inabaqquimanarrari. Nazapa dada toqquimadedeni mota, ime rrocouideni mota naco, arra zodeodenicca marinarra maridedeni mota rrauirronaza queriqquimanarrari. Nazapa poccadeni zozossedeni zosse inabaqquimanarrari toponi cocorouarri. —Zesocca zozosse tabaqqui teccanibaqqui-manarro −quenarrari.

Tahimarideni 5:27

Nazapa uima cacattemadedeni queriqquimanauiuarri eccanibaqqui-manazapa dada toqquimadedenicca tamine deni torrarrari pouadeniza uati uati tarrari:

Tahimarideni 6:12

Nazapa uimasiri uauatidedeni rraui torrarizazapa narraro uima madirra bazimaza uati narizemanarrari. Ime rrocouideniza, zodeodenicca marinarra mamaridedeniza naco uati toquenarrari. Nazapa boquemanaza domo ccarronarrari, Estevao dama iquenazapa zodeodenicca uima cacattemadedeni deni toquerrenarrarideniuarri iaqquemanarrari, izauemanaui uarrine.

Tahimarideni 6:15

Nazapa arra uima cacattemadedeni, Estevaoza uadimanarrarideni naco bazima Estevao icattomemana nazapa poua pano tozibehia, pina Deocca zozosse memeuarricca panossa naui qqui toquenarrari.

Tahimarideni 7:37

Icca idideni Izarraeodeniza arrama naporrari: “Niza Deorrine icca madirra orraria Poua Atti cacomerabote torrauitoui, pina ouassa inanauitoui” naui nade.

Romanodenidsa 12:10

Zeso Cristoza rrehe tiquenarrarope pina tia timecote tezerre tetideni cauanerarrarossa tiquenarri. Timecotedeni bica tauicca carrimanapouiuarrine naco tetizemaneza: —Ouape zotode −tiquenana. Timecote uima bicani inaneza naqui pouaza: —Rrehe, tirrine bica tani −tiquenana. Nema ticanirere canezape bica tani.

1 Corintodeniza 6:10

Arra bobotidedeni, zepedeni sseqquiri nauiuarrine touini quenarrarideni, noccodeni rranoqquiri nauiuarrine zerridede rarrarideni, madirra pouadeni tesseza uima ponimacca uatirridede rarrarideni, zinirotoui mamaizadedeni naco Deocca cacaueheuarri madimana-rrarauitoui.

1 Corintodeniza 6:6

Naraha timecotedeni tezerre ticauadireza uima ticarrimanezape uima cacattemade-deniuarri titiaccabaqquimana narrari. Narraridenipa Deoza rrehe quena-rrararrarideniraha.

1 Tesaronicadeniza 4:6

Timecote Zeso Cristoza rrehe narraricca amonerre, amonerre onihi naqui tirremana terrerarri. Timecotecca amonerre tirrezape pina timecoteza nanarrizo tarrarossa narraro. Neza tiadeniza uati inapode: —Parri, nema narraro uimape oppina tani −ihinanapode. Nema narraro uima tinanemanezape manaco Deo tiadeni tonarrizo-baqquiuitoui.

Titodsa 3:2

Ticca mamari tabaqqui naco madirraza tatamasso quena-rrarana. Rroneqquiri nana, pina arrauarri uati arrauarri uati quena-rrarauiuarrine. Bicaqquiri naza attideni bica tauiuarrine. Bodidenipa: —Ouape deni orrarrerani −quenaza naco madirra bazima accode iboraqquiri nauiuarrine, onarraro.

Ebreodenidsa 12:25

Nema nezape Deo tiadeniza uati tazapa timittemananissa tarri. Poua Atti tettarromana-rrerarri. Arrana maittaccazama madimanarraridenipa Moize pouadeniza Deo Atti uati uati tarrariraha ettarromanezape Deocca narrizoue zori tocanire-rrararrari. Nema nezape Deo memeuarri iaza uati naronaza Atti ettarrozape pocca narrizoue denima oppina tanicca zori icanire-rreranitoui.

Ebreodenidsa 5:9

Pocca iborehe Deoza parrirenissa taza Deorrine madirra Tonassiuauade torrauiuarrine inaparrireuissa tarrari. Bazima pouaza iboraqquiri narrarideniza tossiuauehe rriquerreranicca inanarizarraro.

Satiacocca 2:20

Tiape ssamo tina-rrerarri! Arrirraro uima tiattarri. Zeso Cristoza rrehe teraha uima bicani tinana-rrerezape ticca rrehenirri ponima torrarraro.

Satiacocca 3:6

Arri ebenope pina zippossa narraro, oppina tani. Imeza touariraha uimasiri irrirrarorrine essire nemanehe inauaidira tani. Narrizoue rriquerreranicca rrororoni ebeno iessizape dirri zanapo tani. Nema nezape icca madie nemanehe touaidira tani.

1 Pedoro 2:23

Itamassomanaza naco pouapa tatamasso narrarade. Narrizoue tonauanaza naco manaco pouadeniza rrara rrara narrarade. Imehi Deoza: —Abi, oua tecauarri −nanarra nazapa didi narrari. Deo Pouana madirra bazimacca uima cattemade nauato tarrari. Pouarrine parrirenissa tarraro.

1 Pedoro 3:9

Nazama madirra tiadeniza uaidirehe inanemaneza naqui manaco pouadeniza uaidirehe tinanemana-rrerarri. Tiadeni totamasso-baqquimanaza naco manaco titamassobaqquimana-rrararro. Arrima tinanemananina bica tani: Pouadeniza uima bicanira tinanemanarri. Tettideni bica teza pouadeniza uati uati titiquena nana. Nema tinanemanezape Deo tiadeniza uima bicani inananitoui. Narrarorrine tiadeni tocatterrizabaqquirrari.

1 Zouao 2:9

Madirra attidenipa: —Iape ssiuarraniza imadirraro −quequenanaraha pouadeni imecoteza nacasseraqquiri nazapa ziziniza madimanauiparra naccarrari.

1 Zouao 3:10

—Nerrecorraridenina Deocca erredenideni? Nerrecorraridenina Deoza uauadide Tocorime-Taminecca erredenideni? −titiquena naraha nauatoqquiri tiquenaniuarrinepe arrima narrarona parri: Madirra uima bicani ihinanemana nerrerarrarodenipa Deocca erredeni querrena-rrararrari. Madirra pouadeni imecotedeniza uatideni uaneraqquiri narrarideni naco Deocca erredeni querrena-rrararrari. Narraridenina Deoza uauadide Tocorime-Taminecca erredeni querrenarrari.

1 Zouao 5:16

Uaidirehe bazimape uimasiri. Uimasiri onihi onihipe Deo peperri inananiuarrine touini taui. Nezape timecote uimasiri inanani qqui tiquenezape pouatoui Deoza uati uati titiquena narri, naui Deo pocca uimasiri peperri inaneza pouaza camittehe da inaniuarrine. Naraha uimasiri onihipe Deoza denima uaidira tarraro. Narrarope Deo peperri inananiuarrine touini narraraui. Madirra narraro uimasiri tonanaza Deopa pocca uimasiriza peperri inane-rreranitoui. Niza poua zoqquezapa narrizoue rriquerreraniuarri parra torrariuitoui. Timecote narraro uimasiri arri Deo peperri inananiuarrine nacassera tauicca inanani qqui tiquenezape pouatoui Deoza uati tiquenarri onerrerarraro.

Jodacca 1:9

Naraha Deocca zozosse tabaqquideni memeuarricca tamine Miqueopa nama narraraui. Maittaccazama Moize zoqqueza Deoza uauadide Tocorime-Taminepa Moize assire accone Miqueo tezerre cauadirezapa arrauarri uati, arrauarri uati quenarrari. Naraha Miqueopa Deo noppine cappinaza Tocorime-Tamineza tatamasso narrararrari. Poua atti arrima narrarora uati tarrari: —Oua Zozossede Deona tia narrizouitoui −narrari nade Miqueo.

Apocalipsis 20:14

Madirra pouadeni oni camittehe carrimana-zanapouiuarrinecca papeoza nouerazapa coriza rrororo cananiza ua tozipparrari. Zoqquehe coriza imeni rrororo cananiuarri coro tozipparraro. Zoqquehecca cacauehe naqui coro tozipparraro. Narraro coriza imeni rrororo canarrarocca uimape zoqquehe zotodecca.