Mateo 5:10 - Kulina New Testament Brazil

¹⁰ —Deoza dameraqquiri tiqueneza Poua Attissa tinanemanezape rrehe quena-rrararrarideni tiadeni tonarrizo-baqquimanaraha Deopa tibodideniza uatizeheri inanarraro. Deocca cacauehe tiadeniza torranitoui.

Culina Mádija

¹⁰ —Diodsa disseraqquiri tiquinadsa Pohua Attissa tinanamanadsapi jehe quina-jarajarideni tiadeni tonajidso-baqquimanaraha Diopa tiadenidsa ima bicani inanajaro. Diocca cacahuehe tiadenidsa tojanitohui.

Mateo 5:10 Iomraidhean Croise

Mateo 10:23

Neraha tiadeniza nacasseraqquiri narrarideni tiadeni tonarrizo-baqquimanazapa uassinarra oza panani onihiuarri tidomodeni toccana! Tiadeni tonarrizo-baqquimanapomaza naco oza onihiuarri tidomodeni toccapomana! onarraro. Parrissehera tiadeniza uati onarrarope: Niza Izarraeo potemauidenicca oza panani uapimaza maride rraui tirrarizani rriquerreraraha Madirra Bedi oua ouatomani-pomanitoui, onarraro −nade Zeso.

Mateo 19:14

Naraha Zeso poua uatimadedeni attideni mittazapa: —Poni, nema tiquenerrerarri! Pouadeni rrauirronana, onarraro. Eccarronabaqqui-manauiuarrine tecossemana terrerarri. Madirrapa pina arrarrari erredenidenissa quenarrarina Deocca cacaueheza toquerrenauitoui −nade.

Mateo 25:34

—Nezape oua tamine orreza arra madirra obirri nauatoniuarri domo uarrarideniza uati onanitoui: “Nirra, occa Abi tiadeniza uima bicani inanarizarraro. Pocca cacauehe tiadeniza torrani. Narrarope zama nauato-rreraqquezama tiadeniza narroraporraro.

Mateo 5:3

—Tiadeni motta tibodideni tobicaniuarrine tiparriremane-rrerani nauatoqquiri tiquenezape Deopa tibodideniza uatizeheri inanarraro. Deocca cacauehe tiadeniza torranitoui.

Maraco 10:14

Naraha Zesopa poua uatimadedeni erredeni tezerremadeni uacossemanaui qqui tazapa boquerrari. —Poni, nema tiquenerrerarri! Pouadeni rrauirronana, onarraro. Eccarronabaqqui-manauiuarrine tecossemana terrerarri. Madirrapa pina arrarrari erredenidenissa quenarrarina Deocca cacaueheza toquerrenauitoui.

Maraco 10:30

Nazapa niza zotode bazima poua ineborizarrarossa nehe Deo pouaza da inarizazapa carripomauitoui. Rridapana arrirraro namiza poua madiccaza uemani carriuitoui. Pouaza pina pocca oza touapirrarossa nanitoui. Poua imecotedeni naco touapirizauitoui, pouaza pocca amissa narraro carririzanitoui. Erredeni ouahadeni pina pocca erredeni toquerrenarrarissa narizauitoui. Zama naqui pina pocca zamassa narraro pouaza torrarizanitoui. Naraha otauimari pouaza torrarrarorrine pouaza narrizoue ssonarinitoui. Nema nanitouiraha niza zama zati torrezape camittehe rriquerreraniccaza madi-zanapouitoui. Parrissa −naui nade Zeso.

Roca 21:12

—Naraha arri uima bazima uati uati onarrarocca torra-rreraqquezama tiadeniza uima torrarizaponitoui. Madirra boqueqquiri narrarideni tiadeni tadamemanazapa tiadeni tonarrizobaqqui-manauitoui. Zodeodenicca Deo Atti mamariuarri tiadeni touaqquezimabaqqui-manauitoui, toponi cocoroza naqui tiadeni coro tozima-baqquimanauitoui. Otauimari tiadeniza torrarraro acconi uadimanaza zama onihicca zama onihicca madirra tamine deni toquerrenarrariuarri tiadeni touaqquezimabaqqui-manauitoui. Zama cacauadedeniuarri naco tiadeni touaqquezimabaqqui-manauitoui.

Roca 22:29

Nema narraroa arri oua tiadeniza onananiuarrinepe pina arri occa Abi ouaza inanarrarossa narraro. Ouazama tiadeni naqui madirra zossede tiquerrenanitoui, onarraroparri. Pina occa Abi ouaza uati taporrarissa narraro, oua cazosserrarissa narraro: “Niza madirra zama uapimacca zossede tirranitoui” napode.

Roca 6:20

Zeso pocca zozosse tabaqqui icattabaqqui naza uati tarrari: —Tiadeni motape ticappiremaneraha Deotouira tiquenezape Deopa tibodideniza uatizeheri inanarraro. Deocca cacauehe tiadeniza torranitoui.

Roca 6:22

—Ouape Madirra Bedi orrarraroa occa madirra tiquerrenarrarorrinepe madirra ouaza nacasseraqquiri narraridenipa pouama tiadeniza naco nacasseraqquiri nauitoui. Narraro uima tiadeniza torrezape Deopa tibodideniza uatizeheri inanarraro. Madirra ouaza nacasseraqquiri narraridenipa arra tiadeniza naco: “Iaza ticarrimemana terrerarri” quenazapa tiadeni zosse zosse tatanibaqquimana nauitoui. Narraro uima tiadeniza torrezape Deopa tibodideniza uatizeheri inanarraro. Nazama madirra tiadeni totamasso-baqquimanaza naco Deopa tibodideniza uaitizeheri inanarraro. Nazama tiadenipe oua oniza tecanimanarrarorrine arra ouaza nacasseraqquiri narraridenipa tiadeni oniza naco: “Imittana inerrerani, uaidiraqquiri naui” quequenanauitoui. Narraro nacasserehe tiadeniza torreza naqui Deopa tibodideniza uatizeheri inanarraro.

Huano 15:20

Arri tiadeniza uati onaporrarocca tetideni uatome-manana. Zozossedenipa pouadeni zozossedeza deni toquerrena-rraraui. Ouaza rrara rrara quenazapa tiadeniza naco rrara rrara quequenanauitoui. Occa marinarraza rrehe quenazapa ticcadeni marinarraza naco rrehe quenauitoui.

Tahimarideni 5:40

Nazapa Camarieo atti mittemanazapa paparra quenaza Zesocca zozosse tabaqqui rrauizimaniuiuarrine uaua quenarrari. Nazapa itacossimanaza izauabaqquimanarrari. —Rridapanape Zeso Cristo tauimari mari maripe tinebomanarri −quenazapa zosse inanibaqquimanarrari.

Tahimarideni 8:1

Nazapa Saoro Estevao zoqqueui qqui tazapa uatizerrari. Naraha madirra Zesoza dameraqquiri narraridenina Estevao zoqquezapa ppa izemanarrari. Nazapa Estevao toui uatideni uanaqquiri naza bazima orri quenarrari. Nezape narraro uadaza Estevao zoqquezapa Zerozarecca Zesoza rrehe quenarrarideniza narrizoue torrarizarraro. Nazapa rrehe quenarrarideni bazima nanarrizo toquerrenazapa torraribaqquirrari. Naraha Zesocca zozosse tabaqqui 12 quenarraridenipa domo toccabaqqui-rrararrari. Arra domo toccabaqquirraridenipa zama arobeni Zodeauarri rraui torra, zama arobeni Samariauarri rraui torra narrari.

2 Corintodeniza 4:17

Arrirraro namiza ocasserani errarope bazira tani, rricaca tani. Naraha narrarorrine Deocca biquehe, pocca deni torrehe rricaquera tanicca denima denima iaza torrazanaponitoui.

Piripodeniza 1:28

Tiadeniza uadiqquiri narrarideni noppinedeni ticappinemana-rrerarri. Nema tiquenezape pouadeniza auato tanitoui: Pouadenipa narrizoue rriquerreraniuarri toquerrenauitoui. Naraha tiadenipe ticassiuaueraniuarrine. Narraroa Deorrinena parri.

2 Timoti 2:12

Ocasserehe inauanezape niza zotode poua tezerre zama bazima zossede iquerrenanitoui. Ettipe: —Zeso Cristocca orrarrerani −inezape manaco Zeso iaza: —Occa madirra tirra-rrerani −nauitoui.

2 Timoti 3:11

Arri oza panani Atioquiaza, Iconioza, Listaraza naqui nanarrizo onauanarizani nauato tinani. Naraha oua Zozossede Deopa oua tonassiuauarraride.

Satiacocca 1:12

Madirrapa uima ocassera tanicca pouaza ssonari, ssonari naraha mouaraza Deocca dacorehema inauanezape Deo pouaza uatizehe da inarraro. Deo pouaza: —Rrehe, tirrine bica tani −nazapa camittehe rriquerreranicca da inanitoui. Narrarope Deo uati taporrari, arra: —Madirra ouaza uatideni uanaqquiri narrarideniza da onanitoui −naporrari.

Satiacocca 5:11

Arra ocasserehe tonauanemanarrari tauimarideniza ibodi uatozape: —Uatizehe imeni carrimanaui. Deopa pouadeniza uima bicani inananitoui −ihinanarraro. Tiadenipe madirra oni Zocca uima nauatoto tinani. Zopa ocasserani auaraha mouaraza inauanarrari. Narraro ocasserehe rriquezana Deorrine tonomirrari, bica tanicca naco carripomarrari. Poua tauimariza Deocca touati uanehepe auato tarraro. Ia Zozossede Deopa ocasserani auemanarrarideniza uati cauanari canarrari.

1 Zouao 3:12

Iape pina Caimi uati uanera tarrarissa inerrerana. Caimipa Tocorime-Tamineccarra narrari. Narraria arra poua imecote inanazoqquerrariparra. Nerrecotoui poua imecote inanazoqquerraritta? Poua imecotepa pina Deocca zossenirrissa inanezape uima bicani inanarraro. Naraha Caimipa pina Deocca zossenirrissa inane-rrerezape uaidirehe inanarraro.

Apocalipsis 2:10

Niza otauimari acconi ocasserani temanezape ticappinemana terrerana. Tocorime-Taminerrine tiadeni mota sibera tinehe toponi cocoroza tiquerrenanitoui. Nama nauiuarrinepa tiadeni bazima tiadeni nattome tabaqquiuitoui. Uada 10 nehe pouarrine ocasserani temaneraha otauimaripe tinebomana terrerarri. Dameraqquiri tizanapomanarri. Otauimari tinebomana-rreraza tizoqquemanani bacco tiquenezape tiadeniza occa camittehe rriquerreranicca da onanitoui.