Mateo 5:1 - Kulina New Testament Brazil

¹ Zesopa madirra bazima pouaza queriqquiui qqui tazapa ssonouarri toqquemorarrari. Nauizana maride uittarirrari. Zesocca mamari tabaqquipa pouauarri uarrirrira canarrari.

Culina Mádija

¹ Jesopa madija huapima pohuadsa queriqquihi qqui tadsapa ssonohuaji toqquemorajari. Nahidsana maride huittarijari. Jesocca mamari tabaqquipa pohuahuaji huajijira canajari.

Mateo 5:1 Iomraidhean Croise

Mateo 13:2

Madirra uapi taha naui pouauarri rrauizippaza Zeso mari icanabaqquiuiuarrine darroniza toqquezazapa darronicca uiuittariza uittarirrari. Nazama madirra bazimapa naui coriza inidicca ssiquiza domo uarrari.

Mateo 15:29

Rrehe, Zeso toccanizapa Carireacca corizauarri toqquezippanipomarrari. Coriza poni uapi toccabacossarrari, ssonouarri toqquemorazapa naui ssonoza uittarrari.

Mateo 4:25

Nani Carireauarricca madirizemanarrarideni mota, zama arobeni onini Decaporiuarricca madirizemanarrarideni mota, oza panani Zerozarecca madimanarrarideni mota, zama arobeni onini Zodeauarricca madirizemanarrarideni mota, ueni Zorodao marri ccarronauiuarri madirizemanarrarideni mota naco bazima Zesotoui dameraqquiri naza rrauirronana canarrari.

Mateo 5:2

Nazapa mari icanabaqquirrari.

Maraco 3:13

Zesopa corizauarri madirra mari icanabaqquia rricazapa ssonouarri toqquemorarrari. Nazapa Zeso poua nacassa tauicca madirra ua inarronabaqquizapa pouaza queriqquimanarrari.

Maraco 3:20

Nazapa Zeso oza bacco tanizapa madirra pouaza toqueriqquini-manapomarrari. Madirra pouaza dameraqquiri nazapa pocca mamari tabaqqui tezerre zepedeni irrimanauissa tarrari. Nama quenazapa rripemanauiuarrine ssamo tarrari.

Maraco 4:1

Zesopa coriza inidiza maride torrapomarrari. Madirra ouaha ouaha quenaha pouaza toqueriqquirrari. Madirra pouaza panauicca torrazapa Zeso corizacca darronizana toqquezazapa darronicca uiuittariza uittarirrari. Nazama madirrapa naui coriza inidicca ssiquiza domo uarrari.

Roca 6:12

Nazapa narrari abazicoza Zesopa Deoza uati tauiuarrine ssonouarri toqquemorarrari. Nauiza zome Deoza uati uati taha cassiuarra narrari.

Roca 6:17

Nazapa Zeso pocca zozosse tabaqqui 12 quenarrarideni tezerre qquezippaniraha nani tabodi uamo taniuarripa madirra bazima Zeso pouatoui madimanarrari. Nauiuarri Zesocca zozosse tabaqqui bazima queriqquimanarrari. Nauiza naco zama arobeni Zodeacca madirra, oza panani Zerozarecca madirra, ueni imehi inidiza madimanarrarideni, arra oza panani pamehe Tirocca, Sidouarricca rrauirronana canarrari.

Roca 6:20

Zeso pocca zozosse tabaqqui icattabaqqui naza uati tarrari: —Tiadeni motape ticappiremaneraha Deotouira tiquenezape Deopa tibodideniza uatizeheri inanarraro. Deocca cacauehe tiadeniza torranitoui.

Roca 9:28

Zeso poua tezerremacca uima uati tapoui rricani uada 8 nani nattinipe arrirraro uima torrarraro. Zeso pocca Abi Deoza uati tauiuarrine ssonouarri toqquemorazapa Pedoro, Zouao, Tiaco quenarraridenira iaqquemorabaqquirrari. Rraui torremorazapa ssono tetepiuarri bacco tomoremanarrari.

Huano 6:15

Nazapa madirra attideni: —Rrari, Zeso dama inaza icca tamine torrauiuarrine iaccanina −quenaraha Zeso pouaza nama quenauiuarrine nauato tapozapa madirra inebobaqquipomaza poua motta madiuiuarrine ssonouarri denima toqquemorade.