Mateo 4:9 - Kulina New Testament Brazil

⁹ Nazapa Tocorime-Tamine Zesoza uati tapomarrari: —Qqui tanerre! Arrirraro zama bazimape tiaza da onaniuarrine. Rrehe, obaccouarri tipitoza titteza ouaza tetizeza: “Occa tamine” tarri. Ouaza nema tezape arrirraro bazimape ticca torraniuarrine, onarraro −narrari Tocorime-Tamine atti.

Culina Mádija

⁹ Nadsapa Satana Jesodsa huati tapomajari: —¡Qqui taneje! Ajijaro dsama huapimapi tiadsa da onanijine. Jehe, obaccohuaji tipitodsa tittadsa ohuadsa tetidsedsa: “Occa tamine” taji. Ohuadsa nema tadsapi ajijaro huapimapi ticca tojanijine, onajaro −najari Satana atti.

Mateo 4:9 Iomraidhean Croise

Mateo 26:15

Poua attipa: —Rrari, Zeso tizepedeniza onanauiuarrinepa nerrecoma nehe ouaza da tiquenaniuarrine? −narrari. Nazapa taminedeni ziniro ccarara prata 30 nehe uatini ccara tanicca Zodaza da iquenarraro.

Mateo 4:10

Naraha manaco Zeso Tocorime-Tamineza uati tarrari: —Tocorime-Tamine, arricca ticcanirri! Peperriua. Ouape tiaza ouatizena onerrerani. Deo Atti dozo nanizape arrima narraro: “Ia Zozossede Deo Pouazara tetizemanani orrari zanaporri. Poua Attizara iboraqquiri tiquenarri” nani Deo Attipe −narrari Zeso.

Huano 12:31

Arrirraro zamacca uima uaidira tezape Deo izaua-baqquiuitoui. Narrizoue naqui narroranitoui. Arrirraro zamacca uaidirehe zozossede Tocorime-Taminepa uauattarro torrauitoui.

Huano 13:3

Zesopa Deo Pouauarri ccaronauicca nauato, Deouarri toccamacossani-uiuarrinecca nauato, Poua Imehicca deni torrehe carriui naco nauato tarrari.

Huano 14:30

Naraha ouape occa uima denima tiadeniza uati ozanapo-rrerana. Arrirraro zamacca zozossede Tocorime-Taminepa bacco nabote naui. Naraha pocca dacorehepe ouaza deni torra-rrerani.

Huano 16:11

Uima onihi: Deo uauattarro inanabaqquiza nanarrizo toquerrenauiuarrine auato inanarrarope taide arrirraro zamacca zozossede Tocorime-Tamine Deorrine uauattarro torraporrariparra −nade Zeso.

2 Corintodeniza 4:4

Narrarideni Zesoza rrehe quena-rrararraripa arrirraro zamacca zozossede Tocorime-Tamine bodideni ecossabaqqui-zanaporrari. Nama quenazapa Zeso Cristo tauimari icassiuaueraniuarrinecca bodideniza tossiuarra-rrerarraro. Cristo bicabote, ssiuarra taui, Imehi Deossa narrari tauimari mari mari inarraro mittemana-rrararrari.

1 Timoti 3:6

Zesoza rrehe quenarrarideni cacauade torrauiuarrinepa madirra Zesoza rrehe zatipa poua. Nama nazapa poua atti: —Ouana deni orrani −narana. Nama nazapa manaco Deopa inarrizorana. Pina maittaccazama Deoza Tocorime-Tamine attipa: —Ouana deni orrarraro, tiape arrimani tirrani −naporrarissa narrarauiuarrine.

Apocalipsis 19:10

Nezape Deocca zozosse baccouarri opitoza ouitta neza pouaza ouatizeniuarrineraha ouaza uati tarrari: —Ouaza nema terrerarri. Oua naqui Deocca zozosse orrani. Pina tia timecotedeni tezerre Zeso Cristo tauimariza dameraqquiri tiquenarrarossa onani. Deozara tetizerri −narrari. Arri Zeso Cristo tauimari bicabotepe Deo Poua Atti cacomeraqquiri narrarideniza inanazana ehecomeremana narronarraroparri.

Apocalipsis 19:16

Pocca eteroza, poua panaccoza naqui dozo nanicca uimape: —Tamine uapi taraha Zesona tamine deni torraui orrariui. Zozosse carrimanaui uapi taraha Zesona ia Zozossede deni torraui orrariui −narraro dozo nani.