Mateo 4:3 - Kulina New Testament Brazil

³ Nazapa Tocorime-Tamine Zeso icamaizauiuarrine pouaza bacco tarrari. Tocorime-Tamine attipa: —Deo Bedi tirrezape, rrari, tirripaniuarrine arrirraro siba pao torrauiuarrine uati tinarri −narrari.

Culina Mádija

³ Nadsapa Satana Jeso icamaidsahijine pohuadsa bacco tajari. Satana attipa: —Dio Bedi tijadsapi, jari, tijipanijine ajijaro siba pan tojahijine huati tinaji −najari.

Mateo 4:3 Iomraidhean Croise

Mateo 14:33

Nani darroniza rrassi izeraha ia bazima ibodipe: —Zeso deni torraui, iape arrimani iquerrenani −ineza Zeso baccouarri ipitoza rrassi izezape pouaza uati inarraro: —Parrissa, tiape Deo Bedi tirrani −inarrarode, ia bazima.

Mateo 16:16

Naraha manaco Pedoro uati tarrari: —Tiape Cristo-Mesia tirrani. Deo camitta tarrari Bedi tirrani −nade.

Mateo 26:63

Naraha Zesopa poua cacoma narrari. Nazapa tamine uati tapomarrari: —Deo camitta tarrari onima uati tinarri onezama iaza tia tecomerarri: Tiape Deo Bedi Cristo-Mesia tirraqui? −naui nade tamine.

Mateo 3:17

Nazapa memeuarri atti mittaronarrari: —Arrarraripa occa Erredeni. Pouaza ouati uana tarraro. Pocca uima bica tarrarorrine ouatizerraro −narrari Deo.

Maraco 1:1

Arrirraro uima bicanipe Deo Bedi Zeso Cristo tauimari icassiuaueraniuarrinecca. Poua tauimari madirra bazimaza torrarizaniuarrine arrima narraro:

Maraco 3:11

Arra madirra bodidenicca tocorime Zeso qqui toquenazapa Zeso baccouarri pouadeni pitoza rrassi taza attideni dacoraza rroua rroua quenarrari: —Tiape Deo Bedi tirrani! −quenaui nade Zesoza.

Maraco 5:7

Naraha Zesopa amazati poua bodiccaza uati tarrari: —Tocorime, narrari madirra tineborro! −narrari. Nazapa tocorime rrazirema uati tarrari: —Zeso nerrecotouira ticcarronarraronerre? Oua narrizode ticcarronarraroqui? Tiape Deo deni torrarraricca Erredeni tirrani. Deo onima oua tinarrizo terrerarri, onaua −narrari.

Roca 1:35

Naraha manaco Cabirieo uati tarrari: —Deo Corimepa tiaza bacco naronauitoui. Deo memeuarri madirraripa tiaza pocca dacorehe inananitoui. Pina meme esseni nauini tiaza uezana narrarossa nezape Deocca dacorehe tiaza torraniuarrine. Narrarorrine erredeni nauatorraripa uimasiri cappira, bodi ssiuarra tauitoui. Pouaza: “Deo Bedi” quequenanauitoui.

Roca 22:70

Naraha pouadeni attia: —Nema tezape tiape Deo Bedi tirraqui? −quenarrari Zesoza. Naraha Zeso poua cacomerarrari: —Rrehe, tiadeni ouaza nema tiquenarraroparri −narrari.

Roca 4:3

Nazapa Tocorime-Tamine Zesoza uati tarrari: —Deo Bedi tirrezape, rrari, tirripaniuarrine arrirraro siba zamatapa torraniuarrine uati tinarri −narrari.

Roca 4:41

Madirra bodideniza Tocorime-Taminecca zozosse tocorime carrimanarrarideni naco Zeso pouadeniza uati tazapa bodidenicca rrauininerrari. Tocorimedenia Zesopa madirra Idinide Cristo-Mesia pouaza nauatoqquiri nazapa rroua rroua quenarrari: —Tiape Deo Bedi tirrani! −quenaraha Zesopa poua tauimari ecomeremananiuarrine nacassera tazapa: —Peperri tiquenarri! −naza didi inanabaqquirrari.

Roca 4:9

Naui zotodepa Tocorime-Tamine Zeso oza panani Zerozareuarri iaccarrari. Nanicca Deoza dada toqquimacca oza tetepiuarri inanarrari. Nauiza Tocorime-Tamine Zesoza uati tapomarrari: —Rrari, tiape Deo Bedi tirrezape ticarropparri, namiuarri tissona-rreranitoui −narrari.

Huano 1:34

Rrehe, narraripa parrissa oua qqui oneza uati onarraro: Arrarraripa Deo Bedi, onarraro −nade Zouao atti.

Huano 1:49

Naraha Natanaeopa: —Ia Maride, tiape Deo Bedi tirrani! Tiape Izarraeo potemauidenicca tamine tirrani! −nade.

Huano 20:31

Nazama arrirraro orrine papeoza dozo narraroza naqui —Parrissa Zesopa Cristo-Mesia, Deo Bedi −tiquenaniuarrine, onarraro. Parrissa tiquenezape ticassiuaueraniuarrine, onarraro.

Huano 9:35

Zodeodeni poccadeni Deo Atti mamariza nocco ssire nimaniui qquezimanipoma-rrarauiuarrine moua iquenaui Zeso mittarraride. Nazapa poua tezerre bacco tocanirepomazapa pouaza uati tade: —Tiape Madirra Bediza parrissa taqui? −nade.

Tahimarideni 9:20

Nazapa Saoro amazati zodeodenicca Deo Atti mamariuarri maride torrarrari. —Zesopa Deo Bedi −narizarrari pouadeniza.

2 Corintodeniza 1:19

Arri oua, Silvano, Timoti ineza Deo Bedi Zeso Cristo tauimari tiadeni mari icanabaqquiza ettipe: —Zeso Cristocca uimape parrissa nitide, parrissa rreranitide −inerrerade. —Poua tauimari nemanehepe parrissa −inarraro. —Pouapa poua attissa inanarizarraro −ihinanarrarode.

Carasiadeniza 2:20

Ouape Zeso Cristo tezerre aua porimacossaniza ipamarronarrarossa neza occa madie rradanibotepe rricarraro. Rridapanapa Cristona ouaza madirrari. Nazama arrirraro namiza ouassirema omadiccazape Deo Bedi Zeso Cristoza rrehe ozanapoza omadirraro. Narrarina otoui uati uana tarraride. Oua tonassiuauauiuarrine zoqqueheza poua ccaccorarraride.

1 Tesaronicadeniza 3:5

Nema nezape ticcadeni uima nauato onaccaraho onezape tiadeniuarri Timoti zosse onanirrariparra. Zeso Cristoza ticcadeni rrehenirri dacoraqui? ohonanarraro. Arra Deoza uauadide Tocorime-Taminepa tiadeni toneuedima-baqquiuiuarrine damera taui. Naraha obodi: Tocorime-Taminecca maizeheza toquerrenaco? oneza ocappinarraro. Nema tiquenezape arri tiadeni mari icanabaqquirraro ponima torrapazerre, onarraro.

Ebreodenidsa 12:16

Arra maqquiderre amonerre uananehe carrimanarrarideni naco tiadeniza carrimemana-rrarana. Madirra Deo noppine cappinemana-rraraza Deocca zossenirri ponima inanemana tani. Narrarideni naco tiadeniza carrimemana-rrarana. Pina maittaccazama Esao Deocca zossenirri ecaua-rreraza ponima inanarrarossa quenazapa bica terrerani. Esaopa taide tossonaporrari. Nama nazapa imehi zoqqueza zepetarripe pouazana torraniuarrineraha Esao pemiuissa taza rrirripa manaco poua ouahaza da inarraro.

Ebreodenidsa 4:14

Deo Bedi Zesopa Imehi madiuiuarri toccamacossanizapa rridapana memeuarri madirrari. Pouapa icca uima Imehi Deoza uauati toqquimade deni torrauicca. Ouaha pina pouassa narrari noueraui. Pouazara parrissa ineza pouatoui dameraqquiri izanapona.

Ebreodenidsa 7:3

Poua tauimari mota nauato ineraha motape ssamoqquiri inani. Poua imehi oni, imeni onini, biridideni oni, midinideni onini naqui ssamoqquiri inani. Poua tossonauicca uada, zoqqueuicca uada naqui ssamoqquiri inani. Nama nazapa poua tauimaripe pina Deo Bedi tauimarissa narraro. Deoza dada toqquimade nama zanapouitoui.

1 Zouao 3:8

Naraha madirra uimasiri totonanadedenipa Deoza uauadide Tocorime-Taminecca madirra. Tocorime-Taminepa taide uimasiri inanarronarraroa rridapana arrirraroparri. Narraricca uaidirehe inarricaniuarrine Deo Bedi ccaronarrari.

Apocalipsis 2:10

Niza otauimari acconi ocasserani temanezape ticappinemana terrerana. Tocorime-Taminerrine tiadeni mota sibera tinehe toponi cocoroza tiquerrenanitoui. Nama nauiuarrinepa tiadeni bazima tiadeni nattome tabaqquiuitoui. Uada 10 nehe pouarrine ocasserani temaneraha otauimaripe tinebomana terrerarri. Dameraqquiri tizanapomanarri. Otauimari tinebomana-rreraza tizoqquemanani bacco tiquenezape tiadeniza occa camittehe rriquerreranicca da onanitoui.