Mateo 4:24 - Kulina New Testament Brazil

²⁴ Pocca uimape zama Siria nemaneheuarri madirizemanarrarideni naco mittarizemanazapa poccadeni zama uarri teraha comaqquiri narrarideni eheccarrona-baqquimana narrari. Zamacoma carrimanarrarideni, isso sirideni, birri sirideni, comani onihi onihi carrimanarrarideni eheccarrona-baqquimana naza bazima Zeso ihinanomi-rizabaqqui narrari. Madirra bodideniza Tocorime-Taminecca zozosse tabaqqui tocorimedeni madizemanarrarideni, arra uatianirri comani carrimanarrarideni, arra madirra idedeni tone biqueraza issodeni siri toquerrenarrarideni naco eheccarrona-baqquimana naza Zeso ihinanomibaqqui narrari.

Culina Mádija

²⁴ Pocca imapi dsama Siria nemanehehuaji madiridsamanajarideni naco mittaridsamanadsapa poccadeni dsama huaji taraha comaqquiri najarideni eheccajona-baqquimana najari. Dsamacoma cajimanajarideni, isso sirideni, biji sirideni, comani onihi onihi cajimanajarideni eheccajona-baqquimana nadsa huapima Jeso ihinanomi-ridsabaqqui najari. Madija bodidenidsa Satanacca dodosse tabaqqui tocorimedeni madidsamanajarideni, aja huatiajojo comani cajimanajarideni, aja madija idedeni tone biqueradsa issodeni ssomi toquejenajarideni naco eheccajona-baqquimana nadsa Jeso ihinanomibaqqui najari.

Mateo 4:24 Iomraidhean Croise

Mateo 12:22

Nazapa madirra poua bodiza Tocorime-Taminecca zozosse tocorime madizarrari. Narrarirrine nocco siri, ebeno siri nazapa qqui tarrararrari, atti naco cappiraha madirrari. Poua tessedenipa Zesouarri eccarronemanarrari. Nazama Zesopa poua bodicca zosse ininezapa tonomirrari. Qqui tapomarrari, atti naco carripomarrari.

Mateo 14:1

Nazapa Zeso canauatori canarizazapa pocca uima torraribaqquirraro. Nazapa zama arobeni Carireauarricca tamine Erodipa Zesocca uima uati uati toquenaui mittazapa

Mateo 15:22

Naniuarricca amonerrepe Canahacca madirra, zodeo rrerani. Narraro amonerre bacco irrizade. Zeso qqui tezape uaua uaua narraro: —Oua Zozossede, tiape maittaccazamacca tamine Dabi Potemaui tirrarraro! Otoui teti uana tarri! −nade, rroua rroua neza. —Occa erredeni tocorime carrirraro. Narrarirrine ponipe ocasserani auazanaporraro −nade.

Mateo 17:15

Poua attipa: —Oua Zozossede, occa erredeniza teti uana tarri. Uatianirri comani carrirrari. Ocasserani imeni inauanarraro. Narraro comani quiza nazapa pitora pitora narizarrari. Zippoza naco ssonizanarra narizapoui nanarra narrari. Passoza naco rre tarra narizapoui nanarra narrari −nade.

Mateo 17:18

Nama nazapa Zesouarri erredeni coma tarrari eccarronemanarrari. Nazapa Zeso erredeni bodicca zosse inineuiuarrine uati tarrari: —Tocorime uaidirabote! Erredeni tineboza tiqquenarri, onarraro! −nade. Nazapa qquenaza amazati erredeni coma tarraripa tonomirrari.

Mateo 4:23

Zesopa Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarri mari mari nanariza narrari. Pouapa Deocca cacauehecca uima bicani ehecomerariza narraro. Comaqquiri narrarideni naco comani onihi, onihi carririzemanaraha bazima ihinanomi-rizabaqqui narrari.

Mateo 8:28

Nazapa coriza rrippeuarri bacco tarrari Zeso. Narraro zama arobeni oninipe Cadara. Nauiuarri madirra pamahapa tonoccobiriuarri mamadimana narrari. Narrarideni madirra bodidenizapa Tocorime-Taminecca zozosse tabaqqui tocorimedeni madizemanarrarirrine uadidi tarrari. Nazapa naui Cadarauarricca madirra bazimapa tocorime carrimanarrarideni noppine cacappinemana naza tonoccobiriuarricca rraui rrarraui torra narrararrari. Naraha Zeso toqquemorazapa pouadeni pamaha tonoccobiriuarri uedarronarrari, Zesoza bacco quenarrari.

Mateo 8:33

Nazapa poroco cacauadedeni qqui toquenaza oza pananiuarri domo toccanirrari. Bacco tanimanazapa uima bazima uati narizemanarrari: —Tonoccobiriuarri madimanarrarideni bodidenicca tocorimedeni Zesorrine rrauinineparra! –narizemanaui nade.

Mateo 8:6

—Oua Zozossede, occa zozossepa occa ozauarri coma taha porirrari. Comene dacoraza siri torramaroza poriparra −narrari.

Mateo 9:26

Nazapa narraro zama arobeniuarri madimanarrarideni bazima mittarizemanarrari. Erredeni camittemaninicca uima torraribaqquirizarrarode.

Mateo 9:35

Nazama Zesopa oza panani onihi, onihi narizarraroza, oza capamema narraro onihi, onihi narizarraroza bacco bacco nanariza nazapa poccadeni Deo Atti mamariuarri mari mari nanariza narrari. Zesopa Deocca cacauehecca uima bicani mari mari nanariza narrari. Comani onihi, onihi carririzemanarrarideni naco ihinanomi-baqquiriza narrari.

Maraco 1:28

Nezape Zesocca uima amazati torraribaqquirraro. Carireacca zama pouadeni uinoricca uarrirema nauicca madirizemanarrarideni naco poua tauimari mittarizemanarrari.

Maraco 1:32

Nazapa marri tonauiza madirra comaqquiri narrarideni, arra madirra bodideniza Tocorime-Taminecca zozosse tocorime carrimanarrarideni naco eccarronabaqquirrari nade.

Maraco 2:3

Nazapa madirra ide tone biqueraza isso siri torrauipa poua taboroza zorro icanarronemanarrari. Poua tesse arrauarri pama, arrauarri pama narronemanaui nade.

Maraco 2:4

Naraha madirra siba tazapa Zeso bacco iquenauiuarrine parriremana-rraraza oza tetepiuarrina iaccamaromanarrari. Zeso uezaui tetepiza oza icataborrizemanarraro. Nauizana madirra isso siri torraui poua taboroza poriza oza bodiuarri tappa icanaronemanarrari.

Maraco 2:9

—Rrari, tibodideni uatome-manarri nerrecoma narraro uimana tiadeniza denima narrora tani? Arra madirra coma tarraricca uimasiri onanamossini narrora taqui? Coma tarrari onanabicauina denima narrora tarrarorane?

Roca 2:2

Nazapa Acostorrine zama uapimacca madirra onideni dozode taidecca dozo iquenarrari. Narrari uarranoza poua birri accode onipa Quirinio zama Siriauarri cacauade torrarrari.

Roca 4:14

Zesopa zama arobeni onini Carireauarri Deo Corimecca dacorehema ccanirrari. Nazapa nauiuarricca madirra bazima Zeso tauimari uati narizemanarrari.

Roca 4:38

Nazapa Zeso arra zodeodenicca Deo Atti mamariuarri qquenaza toccarrari, Simaocca ozauarri toqquezimarrari. Nanizape Simao massodini coma tarraro, uapini ppocorarraro. Nazapa Zesoza uati toquenarrari: —Poni tinanomirri −quenarrari.

Roca 5:15

Naraha Zeso poua tauimaripe ssarra tarizarraro. Narrarorrine madirra bazima Zeso poua atti mittade rrauirronana canarrari, madirra tocanomireuiuarrine naco rrauirronana canarrari.

Roca 5:24

Naraha arri oua Madirra Bedi orrarrarope madirracca uimasiri onanamossiniuarrine Deocca dacorehe ocarrini nauatoqquiri tiquenaniuarrinepe, arri namiza naqui ouatti ocarrini nauatoqquiri tiquenaniuarrine coma tarrariza uati onana –narrari Zeso. Nazapa madirra isso siri torrauiza uati tarrari: —Tiaza uati oneza: Titemarri! Titaboro tidiza ticca ozauarri ticcanirri! −narrari.

Roca 7:17

Nazapa Zesorrine zabisso camittemaniuicca uima torrarizezape zama Zodeauarri madimanarrarideni bazima mittemanarizarrari. Poccadeni zama rricaqquiniuarri naqui uima bacco tarizarraro.

Huano 10:21

Naraha madirra motapa: —Madirra tocorime siri carrizapa atti nama narraraui. Tocorime siripa madirra nocco siri nocco ssire inana taco? −quenade.

Tahimarideni 15:23

Nazapa pouadeniza uima teppe zosse iquenarrarope arrima narraro: —Nirra imecote zodeo tiquerrena-rrerarrarodeni bicaqquiri tiquenaqui? Iape Zesocca zozosse tabaqqui oza panani Zerozareuarri Zesoza rrehe quenarrarideni cacauadedeni ineza tiadeniza icca uima dozo inarraro. Arri oza panani Atioquiaza timadimanarrarodeniza, zama Siriaza timadimanarrarodeniza, arri zama Sirisiaza timadimanarrarodeniza naqui icca uima zosse inarraro.

Tahimarideni 15:41

Touedazapa zama Siriaza bacco toquenaza maride toquerrena, denimacca zama Sirisiaza bacco toquenaza maride toquerrena zanaporrari. Nauiuarricca Zesoza rrehe quenarrarideni inauatizebaqquirra zanapoui narrari.

Tahimarideni 28:9

Nama naui mittemanazapa narraro zamacca comaqquiri narrarideni bazima rrauirronaza Deorrine tocanomirerizade.

Tahimarideni 8:7

Arra canauatori canazapa madirra bodideniza Tocorime-Taminecca zozosse tabaqqui tocorime mona carrimanarrari naco inanomibaqquirrari. Madirra bodidenicca tocorime siri rrauininezapa rroua rroua quenarrari. Madirra isso sirideni naco inanomibaqquirrari. Madirra idedeni tone biqueraza issodeni siri toquerrenarrarideni naco inanomibaqquirrari.