Mateo 4:23 - Kulina New Testament Brazil

²³ Zesopa Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarri mari mari nanariza narrari. Pouapa Deocca cacauehecca uima bicani ehecomerariza narraro. Comaqquiri narrarideni naco comani onihi, onihi carririzemanaraha bazima ihinanomi-rizabaqqui narrari.

Culina Mádija

²³ Jesopa Carireahuaji ccaridsa ccaridsa naridsajari. Nani Isaraeri potemahi jodiodenicca Dio Atti mamari onihi onihi naridsanihuaji mari mari nanaridsa najari. Pohuapa Diocca cacahuehecca ima bicani ehecomeraridsa najaro. Comaqquiri najarideni naco comani onihi, onihi cajiridsamanaraha huapima ihinanomi-ridsabaqqui najari.

Mateo 4:23 Iomraidhean Croise

Mateo 11:5

—Arrima tiquenana: “Madirra nocco sirideni nocco ssire tocanireui. Madirra isso sirideni naco tocanomireza rrauirizaui. Madirra zamacoma onini leprarrine uapideni rrazimarorrarideni naco imedeni tobicarizaui. Madirra uaribodeni didiqquiri narrarideni naco uaribodeni ssire tocanirerizaui. Madirra uatiarrarideni naco camittemani-rizemanaui, madirra touati nauanaqquiri narrarideni naco icassiuaueraniuarrinecca uima mari icanabaqquimanaza mittarizemanaui” tinanimanana tiadeni marideza −nade Zeso.

Mateo 12:9

Nauiza Zeso toccazapa Deo Atti mamariuarri toqquezimarraride.

Mateo 13:19

Nocco uira inarizarrari mota rrauiuarri catorrarraripa pina madirra Deocca cacauehe tauimarini mittemanaraha rra quena-rraraza pina mittemaneraui nazapa bodideniza Deo Atti toqquezima-rrerarrarossa narraro. Arra ppiriri nocco saca inarizarraripa pina maizehe rrinede Tocorime-Tamine ccarronaza bodideni inassamobaqquirrarissa narraro. Nazapa Deo Atti pouadeniza nouerarraro.

Mateo 13:54

poua napiuiuarrina toccanirraride. Oza panani Nazareti bacco tanizapa poccadeni Deo Atti mamariuarri toqquezimaza mari icanabaqquirrari. Naraha nauicca madirrapa Zeso canauatoriri canaui qqui toquenapo-rraraza uarro canireza attidenipa: —A nerrecouarri touattarraritta? −quenade. —Nerrecorraricca nauatohe Zesoza torrarrarotte? −quenade.

Mateo 14:14

Nazapa Zeso darroni uana tocaneza toqquemorarrari. Nanarra madirra pouatoui rraui torrarrarideni bacco toquenapoza domo uaui qqui inabaqquirrari. Nazapa pouadenitoui uati cauanari canazapa comaqquiri narrarideni inanomiriza-baqquirrari.

Mateo 24:14

Neraha zama rriquerreraccazama Deo pocca cacauehecca uima bicani zama bazimaza ecomerarize-manaccanitoui. Narraro uimape otauimari madirra tocassiuauerauiuarrinecca zama nemaneheza madirizemanarrarideni mittarizemanauitoui. Nazana zama rricanicca uada bacco tanitoui −nade Zeso.

Mateo 3:2

Mari mari ihicanabaqquiriza nazapa arrama nanariza narrari: —Ticcadeni uimasiri tineborizemanarri! Deotouira tizanapomanarri! Deocca cacauehepe iaza bacco narronabote nani −nanarra narrari Zouao.

Mateo 9:35

Nazama Zesopa oza panani onihi, onihi narizarraroza, oza capamema narraro onihi, onihi narizarraroza bacco bacco nanariza nazapa poccadeni Deo Atti mamariuarri mari mari nanariza narrari. Zesopa Deocca cacauehecca uima bicani mari mari nanariza narrari. Comani onihi, onihi carririzemanarrarideni naco ihinanomi-baqquiriza narrari.

Maraco 1:14

Naraha Zouao Batista toponi cocoroza coro izimemanaui nattipa Zeso zama arobeni Carireauarri toccanirrari. Nauiuarri Deocca uima bicani icassiuaueraniuarrinecca mari icanabaqqui-rizarrari.

Maraco 1:21

Nazama Zesopa poua uatimadedeni tezerre Capenaouarri bacco toquenarrari. Nauiza rrassinarracca uadaza Deo Atti mamariuarri rraui torrezimaza Zesopa madirra mari icanabaqquirrari.

Maraco 1:39

Nazapa zama Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarricca mari icanabaqqui-rizarrari. Madirra bodicca tocorime qquenarizauiuarrine naco zosse zosse ihinineriza narrari nade.

Maraco 3:10

Arra comaqquiri narrari inanomibaqquizapa ouaha tonomi, ouaha tonomi narizemanarrarirrine pouaza rrauirronezati naco Zesoza bara quenauiuarrine pouauarri rro tozimaui narrari.

Maraco 6:2

Oza panani Nazareti bacco tanizapa rrassinarracca uadaza Deo Atti mamariuarri toqquezimaza mari icanabaqquirrari. Nazapa nauicca rrassi tarirrarideni mittemanazapa uarro canirezapa: —A nerrecouarri touattarraritta? −quenarrari. —Nerrecorraricca nauatoue Zesoza torrarrarotte? Nerrecoma naza madirra ihinanomi narrari? Pouapa canauatoriri canaui qqui qqui ihinana-rraraccade −quenarrari.

Roca 10:9

Nauicca madirra comaqquiri narrarideni naco tinanomibaqquimanarra narizapoui nana. Pouadeniza uati tiqueneza naqui: “Tiadeniza Deocca cacauehepe uarrira tani” titiquena nana, onarraro −narrari Zeso.

Roca 13:10

Nazama zotodepa rrassinarracca uadaza Zesopa Deo Atti mamariuarri toqquezimazapa madirra mari icanabaqquirrari.

Roca 16:16

—Maittaccazama Moizecca marinarra nemanehe, Deo Atti cacomeraqquiri narraridenicca dozonirri naqui mari mari quenarra narronapoui narraria arra Zouao Batistaparra. Nazana Deocca cacauehecca uima bicani madirraza torraniuarrine Zouao Batistapa taide mari mari narronaporrari. Rridapana oua naqui maride nema onarronarraroa arrirraroparri. Naraha madirrapa Deocca cacauehecca uimaza nacasseraqquiri naza pouadenirrine narrizoue ssonari ssonari narroneraha namanaha madirra Deocca cacaueheza totoquerrena narrariparra.

Roca 20:1

Zesopa uada uarrirriraza Deoza dada toqquimauarri madirra bazima mari mari ihicanabaqqui narrari. Uima bicani icassiuaueraniuarrinecca Zeso madirra mari icanabaqquiraha pouaza nacasseraqquiri narrarideni arra dada toqquimade taminedeni, zodeodenicca marinarra maridedeni, zodeodeni ime rrocouideni quenaza Zesoza touarriressimanarrari.

Roca 4:14

Zesopa zama arobeni onini Carireauarri Deo Corimecca dacorehema ccanirrari. Nazapa nauiuarricca madirra bazima Zeso tauimari uati narizemanarrari.

Roca 5:17

Zotodepa Zeso madirra maride torrazapa zodeodeni mota marinarra parizeoza rrehe quenarrarideni, zodeodenicca marinarra maridedeni naco mittade rrassi taririzarrari. Narraridenipa zama arobeni Carireauarricca oza uapimacca rrauirronarizarrari, zama arobeni Zodeauarricca oza bazimacca naco rrauirronarizarrari, oza panani Zerozarecca naco rrauirronarizarrari. Nazama Zeso maride torraza, madirra inanomibaqquiuiuarrine naqui Deocca dacorehepe Zesorrine auato tarraro.

Roca 6:17

Nazapa Zeso pocca zozosse tabaqqui 12 quenarrarideni tezerre qquezippaniraha nani tabodi uamo taniuarripa madirra bazima Zeso pouatoui madimanarrari. Nauiuarri Zesocca zozosse tabaqqui bazima queriqquimanarrari. Nauiza naco zama arobeni Zodeacca madirra, oza panani Zerozarecca madirra, ueni imehi inidiza madimanarrarideni, arra oza panani pamehe Tirocca, Sidouarricca rrauirronana canarrari.

Roca 6:6

Rrassinarracca uada onihiza naqui Zesopa Deo Atti mamariuarri toqquezimazapa mari icanabaqquipomarrari. Naraha nauizapa madirra zepe nauatonicca ccara tocarrani uittarirrari.

Roca 7:21

Arra pouadeni Zesoza uati toquenazama Zeso poua zepe irri irri naui qqui toquenarrari. Madirra comaqquiri narrarideni comani onihi, onihi carririzemanarrari inanomibaqquirrari. Madirra bodidenicca tocorime ouaha ouaha narizarrarideni naco Zesorrine rrauininerizarrari. Madirra nocco sirideni naco nocco ssire inanarizarrari.

Roca 7:22

Nazapa Zouao zosse inarronabaqquirrarideniza Zeso poua cacomerarrari: —Rrehe, ticadaniza Zouaoza uati tinanimanarri. Arri qqui tiquenarraro, arri timittemanarraro pouaza uati tinanimanana −narrari Zeso. —Arrima tiquenana: “Madirra nocco sirideni nocco ssire tocanireui. Madirra isso sirideni naco tocanomireza rrauirizaui. Madirra zamacoma onini leprarrine uapideni rrazimarorrarideni naco imedeni tobicarizaui. Madirra uaribodeni didiqquiri narrarideni naco uaribodeni ssire tocanirerizaui. Madirra uatiarrarideni naco camittemani-rizemanaui. Madirra touati nauanaqquiri narrarideni naco icassiuaueraniuarrinecca uima mari icanabaqquiza mittarizemanaui” tinanimanana tiadeni marideza −narrari Zeso.

Roca 8:1

Naui zotodepa Zeso oza panani onihiuarri onihiuarri mari mari narizarrari. Deocca cacauehecca uima bicani uati uati narizarrari. Pocca zozosse tabaqqui 12 quenaha pouaza rrauirizarrari.

Roca 9:11

Nazama madirradenipa Zeso toccaui nauatoqquiri nazapa zotode rraui torramissarrari. Bacco toquenazapa Zeso pouadeniza uati tarrari: —Nirra, bacco tarronemanarraroqui? –narrari. Nazapa Deocca cacauehecca uima mari icanabaqquirrari, arra comaqquiri narrarideni naco inanomiriza-baqquirrari.

Roca 9:60

Naraha Zeso pouaza uati tarrari: —Madirrapa Deocca camittehe cappiremanarrarideni carri taui. Pouadenina poccadeni madirra zoqqueza ppa izemanauiuarrine parriremanaui. Naraha tiape ouaza ticcarizarri. Deocca cacauehecca uima tecomerarizaniuarrine. Icca bobode inarrorani −narrari Zeso.

Huano 18:20

Naraha Zeso uati tade: —Naza madirra bazima mittemanauiuarrine mari mari ohocanabaqquiriza nade. Zodeodeni quequeriqquimana nauiuarri arri icca Deo Atti mamariuarri, arri Deoza dada toqquimauarri mari mari ohocanabaqquiriza nade. Ouape cacomeheza uati uati ohonana-rrerade.

Huano 6:59

Narraro uimape Capenaouarricca Deo Atti mamariuarri Zeso madirra mari icanabaqquirraride.

Huano 7:1

Naui zotodepa zama arobeni Carireazana Zeso madiccaza oza onihi, onihiza mari mari narizarraride. Zama arobeni Zodeauarripa zodeodeni Zeso poua zoqqueuiuarrine toui quenazapa nauiuarri madide nacassera tarrari.

Tahimarideni 18:4

Nazapa Paoro rrassinarracca uadaza zodeodenicca Deo Atti mamariuarri zodeodeni, zodeo querrena-rrararrarideni tezerre quequeriqquimana naza Zeso tauimariza rrehe quenauiuarrine mari mari ihicanabaqqui narrari.

Tahimarideni 20:25

—Nazama uima onihi obodiza nauato onarraro naqui. Arri tiadeni occa mamari tabaqqui Deocca cacauehe tauimarini tiadeni mari mari ohocanabaqqui narrarope oua qqui timanimanapoma-rreranitoui.

Tahimarideni 28:31

Poua qquide rrarrauirrona naza naco Deocca cacauehe tauimarini, ia Zozossede Zeso Cristo tauimari naco mari mari ihicanabaqqui nade. Paoropa cappina-rraraza poua attiza naco ssonacossade noueraza mari mari ihicanabaqqui narraride.

Romanodenidsa 10:15

Nazapa nerrecoma naza pouadeni maride torrauiuarrine? Mamaride zossede nouerazapa maride torra-rraraui. Narraroa arri Deo Atti dozo naporrarozape arrima narraro: —Madirra uima bicani icassiuaueraniuarrinecca maride bacco nazapa uatizehe torrarizani −nani nade.