Mateo 4:14 - Kulina New Testament Brazil

¹⁴ Zeso nauiuarri madiuiuarrinecca uimape maittaccazama Deo Atti cacomerabote Izaia dozo inaporraro. Poua attipa:

Culina Mádija

¹⁴ Jeso nahihuaji madihijinecca imapi maittaccadsama Dio Atti cacomerabote Isahia dsodo inapojaro. Pohua attipa:

Mateo 4:14 Iomraidhean Croise

Mateo 1:22

Narraro uima bazima uima torraponiuarrinepe maittaccazama Deopa Poua Atti cacomerabote Izaiaza uati taza Izaiana uati iqquimarraro.

Mateo 2:15

Ezitouarri bacco toquenazapa tamine Erodi madiccaza nauiza madimana-zanapoccarrari. Narraro uimape maittaccazama Deo uati tapoza Poua Atti cacomerabote Ozea dozo inaporrarope arrima narraro: —Occa Erredeni Ezitouarri madiraha pouatoui uaua onarraro −narrari Deo Atti Ozearrine dozo naniza. Nazapa tamine Erodi zoqqueui uima mittemanazana poccadeni zamauarri rrauinirrari.

Mateo 2:23

Rraui torrazapa Carireauarri bacco toquenarrari. Nazapa oza panani Nazaretiza madimanarrari. Narraro uimape pina Deo Atti cacomeraqquiri narrarideni madirra Idinide Cristo-Mesia tauimari uati toquenaporrarissa narraro: —Pouaza: “Nazaretiuarricca” quequenanauitoui −quenapoui nade Deo Atti dozo naniza.

Mateo 26:54

Naraha nema onezape pina Deo Atti dozo naporrarossa onana-rreranitoui. Arri, ouaza uima oppina tanicca torraniuarrinepe maittaccazama Deorrine dozo iquenaporraro. Peperri! Deo Atti nemanehe onaparrirenissa taniuarrine. Oua accodetoui uaua onerrerana onarraro −nade Zeso atti.

Mateo 26:56

Neraha peperri, ouaza uima tinanemananiuarrinepe pina arri Deo Atti cacomeraqquiri narrarideni dozo iquenaporrarossa narraro torraniuarrine −nade Zeso. Naraha ia pocca zozosse tabaqqui bazimape Zeso ineboza idomo toccade. Nazapa Zeso poua motta orrari naha iaccanimanaui nade.

Mateo 4:13

Naraha Zesopa oza panani Nazaretiza tomadinipoma-rrararrari. Oza panani Capenaouarrina madiuiuarrine toccarrari, naui Carireacca coriza inidiuarri. Zesopa nauiuarri madiuiuarrine toccazapa Izarraeo bedi Zaborona potemauidenicca zamaboteza ccariza, Izarraeo bedi Natari potemauidenicca zamaboteza naco ccariza narrari.

Mateo 4:15

—Zaborona potemauidenicca zamaboteuarri, Natari potemauidenicca zamaboteuarri naqui uima bicani carrini. Ia Idinide nauiuarri madimanarrarideniza bacco tarrari, pina ssiuarranissa narrari. Nauiuarripa zodeo querrena-rrararrarideni carri taui. Coriza uapicca zama, ueni Zorodao marri toccauiuarricca zama onini Carireazapa Deoza ssamoqquiri naha madimanarrari.

Mateo 8:17

Arri Zesorrine nema narrarope pina taide Deo Atti cacomerabote Izaia itezerremacca uima ecomeraporrarossa inanarraro. Narraroa arri: —Pouana icomene onihi onihi narizarraro idirizarraro. Icca zamacoma naqui idirizeza pouaza torrezape inarricanitoui −napoui nade Izaia.

Roca 22:37

Nezape otezerremacca uima tiadeniza uati onana: Deo Atti dozo naponiccape parrissa ouaza torranitoui. Poua Atti cacomerabote Izaia dozo inaponipe arrima narraro: “Niza madirra attidenipa: ‘Arrarraripa uaidiraqquiri narraridenizama carrimarrari’ quenauitoui” napoui nade Izaia. Narrarossa narrarope ouaza madirra attideni nama quenauitoui −narrari Zeso.

Roca 24:44

Nazapa pouadeniza uati tarrari: —Arri uima ouaza torrarrarope pina tiadeniza occarizaponi uati onaporrarossa narraro torrarraro. Narrarope Deo Atti dozo naponiccassa narraro. Arri Moize otauimari dozo inaporrarope narrarossa narraro. Deo Atti cacomeraqquiri narrarideni naco otauimari dozo iquenaporraro. Arrie rrirriridedeni naco otauimari dozo iquenaporraro. Narraro bazimape maittaccazama dozo iquenerre narronaponi narraro. Narrarossa narraro Deorrine ouaza torrarraro −narrari Zeso.

Huano 15:25

Nazama poccadeni uimape pina Deo Atti dozo naporrarossa narraro inanemanarraro: “Uaidirehe onana-rrereraha pouama ouaza uattarrorro tarrari” narraro Deo Atti dozo naniza.

Huano 19:28

Pouadeniza uati taha rricazapa Zeso pouarrine bazima inaparrirenissa tani nauato tarrari. Deo Atti dozo naporrarossa inananiuarrine naqui uati tade: —Obacco rroconi −nade.