Mateo 4:11 - Kulina New Testament Brazil

¹¹ Nazapa Tocorime-Tamine toccanirrari. Nanarra Deocca zozosse tabaqquipa memeuarricca narroremanaporra naza Zeso acco icanemanauiuarrine rrauironarrari.

Culina Mádija

¹¹ Nadsapa Satana toccanijari. Nanaja Diocca dodosse tabaqquipa najoramanapoja nadsa Jeso acco icamamanahijine jahironajari.

Mateo 4:11 Iomraidhean Croise

Mateo 26:53

—Rraho tibodi ssamo tarraroqui? Oua nacassa oneza Abi Deoza uati onezape pocca zozosse tabaqqui memeuarricca oua acco icanemananiuarrine pina issoteppeppedenissa narrari 72 mil quenaha zosse inaronabaqquiuitoui.

Mateo 4:6

Nauiza Tocorime-Tamine Zesoza uati tapomarrari: —Rrari, Deo Bedi tirrezape ticarroppacossarri, namiuarri tissona-rreranitoui −narrari. —Arri Deo Atti dozo nanizape arrima narraro: “Deopa pocca zozosse tabaqqui memeuarriccaza uati tauitoui, tia ecauemananiuarrine. Pouadeni birriza tia dama irrizemanezape temori naqui sibaza cauatidi-rreranitoui” nani Deo Atti dozo nanipe −narrari Tocorime-Tamine Zesoza.

Maraco 1:13

Zeso madiui uinorizapa bani boqueqquiri nauicca carri tarrari. Nauiza Zeso uada 40 naha madizana (uimasiri totonanade) Tocorime-Taminepa Zeso nattome inarrari. (Pouapa Zeso uimasiri inananiuarrine damera taraha Zesopa Tocorime-Tamine attiza rrehe narrararrari.) Nazapa Deocca zozosse tabaqqui memeuarricca Zeso acco icanemanarrari.

Roca 22:43

Nanarra naui Zeso poua Deoza uati uati tauiuarri Deocca zozosse memeuarricca auatorrari. Narraripa Zeso acco icanaza inadacorarrari.

Roca 22:53

Neza tiadenizama uarrirriraza Deoza dada toqquimauarri ohocarrima neraha oua dama tiquenehe nerrerade. Neraha ouaza uima tinanemananiuarrinepe zizinizara rraui tirrarronarraro. Rridapanape tirrinedeni zizini rrinede deni torrarrari −narrari Zeso. Nazapa Zeso dama iquenarrari.

Roca 4:13

Uima onihiza uima onihiza Tocorime-Tamine Zeso icamaizarizaraha Zesopa Deoza ibora tauissa tazapa uimasiri inanerre canima-rrerarraro. Nazapa Tocorime-Tamine maizehe onihi bodi uatoma-rrarazapa toccanirrari. Toccaniraha zotode Zeso icamaizapomauiuarrine madirrari.

Huano 14:30

Naraha ouape occa uima denima tiadeniza uati ozanapo-rrerana. Arrirraro zamacca zozossede Tocorime-Taminepa bacco nabote naui. Naraha pocca dacorehepe ouaza deni torra-rrerani.

1 Timoti 3:16

Rrehe, pocca parrissehepe bica tani, deni torrani, inarraro. Taidepe iaza auatora taporaha rridapanana iaza auato tarraro. Narrarope Zeso Cristo tauimariparri. Narraroza parrissa inarraro. Pina rriri rriri inarrarossa narraro: Pouapa assire torrazapa pina madirra iassa naha torrarrari. Iaza Deo Corime Attipa: —Deo Bedipa Imehi Attiza ibora tarrari. Pouapa Imehiza pocca uima inaparrirenissa tarraro −narrari. Deocca zozosse tabaqqui memeuarricca naco Deo Bedi qqui toquenaui. Narrari tauimari madirra bazimaza ecomerarizarraro. Nazama arrirraro zamaza madimanarrarideni poua tauimariza parrissa quenarrari. Poua naco Deorrine memeuarri toccamacossanirrari.

Ebreodenidsa 1:14

Arra, pocca zozosse tabaqquipa assiredeni qqui inabaqqui-rraraui. Pina madirra iassa quena-rraraui. Deo pocca madirra tocassiuauerarrarideni acco canadedeni arrauarri zosse, arrauarri zosse ihinarizabaqqui narrari. Narraridenipa bicaqquiri naraha arramani toquerrenarrari. Deo Poua Bedina deni torrarrari, onarraro. Peperri.

Ebreodenidsa 1:6

Pocca erredeni taidecca pina madirra iassa naha tossonauiuarrine iauarri zosse inaronarrari. Nazapa Poua Attipa: —Occa zozosse tabaqqui bazimapa occa erredeniza: “Deni tirrani” quenana. Pouazana uauatizemana nana, onarraro −naui nade Deo.