Mateo 3:9 - Kulina New Testament Brazil

⁹ —Neraha tibodideniza arrima tiquenanitide: “Icca idipa Abarahaorra narrari, Deopa ia touattarrobaqqui-rrarauitoui” titiquena neraha tiadeni ticamaizanimanarraro. Deopa madirrassa narraraui. Poua nacassa tazapa arri siba uiuitteri narizarraroza naco Deopa Abarahao potemauissa naha inauatorizauiuarrine parrirerrari. Parri tiadenipe: “Abarahao potemaui iquerrenani” tiqueneraha Deoza iboraqquiri tiquenerrerezape tiadeni touattarro-baqquiuitoui.

Culina Mádija

⁹ —Naraha tibodidenidsa ajima tiquinanitide: “Icca idipa Abarahaoja najari, Diopa ia tohuattajobaqqui-jarahitohui” titiquina naraha tiadeni ticamaidsanimanajaro. Diopa madijassa najarahi. Pohua jipa tadsapa aji siba huihuitteri naridsajarodsa naco Diopa Abarahao potemahissa naha inahatoridsahijine pajirajari. Paji tiadenipi: “Abarahao potemahi iquejenani” tiquinaraha Diodsa iboraqquiri tiquinejeradsapi tiadeni tohuattajo-baqquihitohui.

Mateo 3:9 Iomraidhean Croise

Maraco 7:21

Arrina, uaidirehe bazimape madirra poua bodiza auatomeza poua tozossenizapa uimasiri inanarraro. Narrarope pina madirra uimasiritoui poua bodi uatorrari, maqquiderre tabiraraha amonerre arrade touini narrari, amonerre tabiraraha maqquiderre narrade touini narraro, botie touini narrari, madirra inanazoqqueuiuarrine touini narrari. Narraro uima madirra poua bodiza auatomezape uimasiri torra tani.

Roca 12:17

Nazapa zepe sse tarrari bodipa: “Nerrecoma onaniuarrine? Occa uizarracca tirico mota cacauauiuarrine oza onihi ocappirani” narrari.

Roca 16:24

Nazapa Abarahaoza uaua narrari: “Idi Abarahao, ouaza teti uana tarri! Razaro oua acco canauiuarrine poua zepe cote passoza iqueuezippa neza zosse tarronarro, ouebeno tonauini naniuarrine. Ouape arri rrororoni ppocoraniza ocasserani ouani” narrari.

Roca 19:40

Naraha Zesopa pouadeniza uati tarrari: —Tiadeniza uati onana: Arra occa zozosse tabaqqui zamarrama onanabaqquizapa arri rraui inidicca sibana Deorrine moua moua quenanitoui. Occa uima uati toquenanitoui −narrari Zeso.

Roca 3:8

Neraha tettideni arrima tiquenezana bica tani: “Uimasiri onebona. Deotouira obodi uauatoma naniuarrine” tiquenezape tibodideni cacarriqquimeranicca uima auato taniuarrine uima bicanira tinanemanarri, onarraro −narrari Zouao. —Naraha tibodideniza arrima tiquenanitide: “Icca idipa Abarahaorra narrari, ia touattarrobaqqui-rrarauitoui” titiquena neraha tiadeni ticamaizanimanarraro. Deopa madirrassa narraraui. Poua nacassa tazapa arri siba uiuitteri narizarraroza naco Deopa Abarahao potemauissa naha inauatorizauiuarrine parrirerrari. Parri tiadenipe: “Abarahao potemaui iquerrenani” tiqueneraha Deoza iboraqquiri tiquenerrerezape tiadeni touattarro-baqquiuitoui.

Roca 5:22

Naraha Zesopa pouadeni bodicca uima nauato tazapa pouadeniza uati tarrari: —Nerrecotoui tibodideniza nema tiquenarraro? −narrari.

Roca 7:39

Naraha arra parizeo Zesoza uaua narraripa narraro amonerre Zesoza nema nani qqui taza poua bodipa: —Arrana, Zesopa Deo Atti cacomeraqquiri narraridenissa nazapa madirra bodidenicca uima nauato tanarra. Narraro amonerre pouaza mari zanarrarope madierini uaidira tarraro. Poniza: “Uarri tinarri” nauitouiraha −narrari.

Huano 8:33

Naraha manaco Zesoza uati toquenade: —Iape Abarahao potemaui iquerrenarraro. Zozosse iquerrene-rrerehe nema inarronarraro. Naraha nerrecotoui iazara: “Zozosse tiquerrene-rreraniuarrine” tarraro? −quenade.

Huano 8:37

Rrehe, tiadenipe Abarahao potemaui tiquerrenani nauato onani. Naraha ouattiza parrissa tiquenerrerezape oua tinanazoqquemanabote nani.

Huano 8:53

Arrina tiape icca idi Abarahaoza deni tirrarrarorane? Abarahaopa zoqquepoui. Deo Atti cacomeraqquiri narrarideni naco rricarizapoui. Naraha tiape tibodi: “Ouape deni orrani” tarraroqui? −quenade Zesoza.

Tahimarideni 13:26

—Rrehe ouimecotedeni, arri tiadenipe Abarahao potemaui tiquerrenani titauaribobo canarri. Arri motape madirra ouaha tiquerreneraha Deo Attiza iboraqquiri tiquenani titauaribobo canarri. Deopa ia bazimaza pocca uima icassiuaueraniuarrinecca inanarizarraroparri.

Tahimarideni 15:14

Simao-Pedoro iaza uati taporraricca uimape arrima narraro: “Deopa zodeo querrena-rrararrarideniza pocca touati uanehe auato inanaporraro. Pouarrine zodeo querrena-rrararrarideni mota pocca madirra toquerrenauiuarrine icatterriza-baqquiporrari” nade Simao-Pedoro.

Romanodenidsa 4:1

Icca idi Abarahaopa nerreco uimazara Deoza tobicarraritta?