Mateo 3:7 - Kulina New Testament Brazil

⁷ Naraha zotode madirra uapi taha rrauirronaui Zouao qqui tarrari. Pouadenipa Izarraeo potemaui zodeodeni mota marinarra onini parizeoza rrehe quenarrarideni, mota marinarra onini sadoseoza rrehe quenarrarideni passo dopaniza niquide toui quenaza Zouaouarri rrauirronarrari. Naraha Zouaopa pouadeniza uati tarrari: —Tiadenipe pina maccassa tiquenani. Ticcadeni uimape uaidira tarraro! Tiadenipe tibodideni cacarriqquimera-rrereraha: “Zouao ia passo dopaniza niqui tozanabaqquizapa Deocca narrizoueza zori icanirenitoui” tiquenarraroqui? Neraha tibodideni cacarriqquimera-rrerezape zori ticanire-rreranitoui.

Culina Mádija

⁷ Naraha dsotode madija huapi taha jahijonahi Huano qqui tajari. Pohuadenipa Isaraeri potemahi jodiodeni mota marinaja onini pariseodsa jehe quinajarideni, mota marinaja onini sadoseodsa jehe quinajarideni totopa tohui quinadsa Huanohuaji jahijonajari. Naraha Huanopa pohuadenidsa huati tajari: —¡Tiadenipi pina maccassa tiquinani. Ticcadeni imapi tabaccora tajaro! Tiadenipi tibodideni cacajiqquimera-jeraraha: “Huano ia topa todsanabaqquidsapa Diocca najidsohuedsa dsori icanirenitohui” ¿tiquinajaroqui? Naraha tibodideni cacajiqquimera-jeradsapi dsori ticanire-jeranitohui.

Mateo 3:7 Iomraidhean Croise

Mateo 12:24

Naraha parizeodeni narraro uima mittemanaza maizemanaza attidenia: —Arrana, Zesopa tocorimedenicca tamine Beheosebocca dacorehe carrirrarirrinea pocca zozosse tabaqqui zosse ininebaqquirrariparra −quenarrari.

Mateo 12:34

Rraho, maizaqquiri tiquenani. Tebenodenipe pina macca ebenossa tiquenarraro. Tibodideni uaidiraqquiri nezape uima uaidira tarrarozara tebenodeniza atti atti titiquena narraro. Arra madirra bazimapa pouadeni bodiza uima carri tezape narraro uimara uati uati totoquena narrari.

Mateo 15:12

Nezape ia pocca zozosse tabaqqui iquerrenarrarope madirra atti atti quenaui imitteza manaco Zesoza uati inarrarode: —Nirra, rridacca uati tinarrarocca uima parizeodeni mittemanazapa tettiza nacasseraqquiri naui nauato tinaqui? −inade.

Mateo 16:1

Zesopa zama Macadaoza bacco taza nauicca Izarraeo potemaui zodeodeni mota marinarra onini parizeoza rrehe quenarrarideni, marinarra onini sadoseoza rrehe quenarrarideni tezerre poua qquide rrauirronarrari. Pouadeni bodipa: —Zeso nattome inana, pocca uima tossamoniuarrine −quenazapa Zesoza uati toquenarrari: —Zeso, parrissa Deocca dacorehe ticarrizape memeuarricca nauatohe bicabote auato tinanarri. Qqui inana −quenade.

Mateo 16:6

Nazama nani darroniza rrassi izeza Zeso iaza uati tarraride: —Tetideni uatorri. Marinarra onini parizeo, marinarra onihi onini sadoseo naqui pina pao ssarra tauiuarrine cacarrima tauimarissa narraro. Parri, narraro tiadeniza torra-rreraniuarrine tiadenipe dacoco tirrirarri, onarraro −nade Zeso.

Mateo 22:15

Zotodepa Izarraeo potemaui zodeodeni mota marinarra parizeoza rrehe quenarrarideni touarrimanaui naza pouadenira uimahaha canarrari. —Nerrecoma inanaza Zeso atti inassamoza pouaza uima inassonariniuarrine? −quenaui nade.

Mateo 22:23

Narraro uadaza Izarraeo potemaui zodeodeni mota marinarra onini sadoseoza rrehe quenarrarideni Zesouarri bacco quenarrari. Poccadeni marinarrape: —Izoqquezape inauatoniniuarrine nouerani −quequenanarrari. —Narraro uimaza Zeso atti irrine tossamoza icamaiza nana −quenaza Zesoza narraro uima uati toquenade:

Mateo 22:34

Marinarra parizeoza rrehe quenarraridenipa uima mittemanarrari: —Zesopa marinarra sadoseoza rrehe quenarrarideni attideni arrimani inanarraro −quenaui uima mittemanazapa pouadenira queriqquiza uimahaha canarrari: —Rrari, ia naqui Zesoza uati inana −quenaza Zesoza uatide rraui torrarrari.

Mateo 23:33

—Tiadenipe pina maccassa tiquenani. Ticcadeni uima uaidira tarraro. “Deocca narrizoue zori icanirenitoui” tiquenarraroqui? Zori ticanire-rreranitoui! Rrororoni rriquerreraniuarri tiquerrenanitoui.

Mateo 5:20

Tiadeniza uati onarraro: Deocca cacaueheza tiquerrenaniuarrinepe Deo Poua nacassa tarraricca tinanemanezana pocca cacaueheza tiquerrenaniuarrine tiparriremanani. Arra zodeodenicca marinarra maridedeni, marinarra onini parizeoza rrehe quenarrarideni tezerrepa Deocca zossenirri cacauade dameraqquiri narrari. Tiadeni naqui pina narrarideni dameraqquiri narrarissa tiquenana. Naraha tiadenipe denima tinaparriremananissa tana. Nema tiquenezape Deocca cacaueheza tiquerrenanitoui, onarraro −naui nade Zeso.

Maraco 12:13

Nazapa zodeodenicca taminedenipa marinarra parizeoza rrehe quenarrarideni pama, tamine Erodicca madirra pama quenaha zosse inarronabaqqui-manarrari, Zesocca uima inassamomaneza pouaza uima inassonarimananiuarrine.

Maraco 12:18

Nazapa Izarraeo potemaui zodeodeni mota marinarra sadoseoza rrehe quenarrarideni Zesouarri bacco quenarrari. Poccadeni marinarrape: —Izoqquezape inauatoniniuarrine nouerani −quequenanarrari. —Narraro uimaza Zeso atti irrine tossamoza inanarrizona −quenaza Zesoza narraro uima uati toquenarrari:

Maraco 8:15

Nazama naui darroniza rrassi zaza Zeso pouadeniza uati tarrari: —Tetideni uatorri. Zodeodenicca marinarra onini parizeo, arri tamine Erodicca uima naqui pina pao ssarra tauiuarrine cacarrima tauimarissa narraro. Parri, narraro tiadeniza torra-rreraniuarrine tiadenipe dacoco tirrirarri, onarraro −naui nade Zeso.

Roca 16:14

Zeso maride torraza marinarra parizeoza rrehe quenarrarideni naco nauiza carrimemanaza tauaribobo canarrari. Pouadenipa zinirozana uatideni uanaqquiri narrari. Naraha Zeso atti nama naui mittemanazapa pouaza ssamoni uaua quenarrari.

Roca 18:11

Nazapa marinarra parizeoza rrehe narrari uaza Deoza uati tazapa arrama narrari: “Rrehe Abi Deo, tiaza bica onarraro, ouape pina madirra ouahadenissa onerrerani. Pina bobotidedenissa, pina mamaizadedenissa, pina amonerrecca cauassibotedenissa onerrerarraro. Pina arrarrari rromanodenicca taminecca zossenirri ziniro nanaccadessa onerrerani. Bica onarraro” narrari.

Roca 7:30

Naraha zodeodenicca marinarra parizeoza rrehe quenarraridenipa, zodeodenicca marinarra maridedeni tezerre nama quena-rrararrari. Zouaocca marinarraza uaribodeni didiqquiri nazapa passo dopaniza niquinarra toui quena-rrararrari. Deopa pouadeniza uima zati bicani inananitouiraha pouadenipa ettarromanarraro.

Huano 1:24

Arra Zouaoza uati toquenarrarideni zosse narronadedenipa Izarraeo potemaui zodeodeni mota marinarra onini parizeoza rrehe quenarrari. Nazapa poccadeni zozosse tabaqqui Zouaoza uati toquenapomarrari.

Huano 8:44

Ticcadeni abipa Deoza uauadide Tocorime-Tamine. Pouaza tiquerrenani. Poua nacassa tauiccaza dameraqquiri tiquenarraroparri. Tocorime-Taminepa irrine auauiuarrineraha nazama touattaporra narrari. Parrissa uati tauiuarrinepa ssamo taui. Pouapa maizehe rrinederra narrari. Narraria maizeheza uati uati nanarra narrariparra.

Huano 9:40

Naraha zodeodeni mota marinarra parizeoza rrehe quenarrari nauiza queriqquimanarrarideni Zeso atti mittemanarrari. Nazapa Zesoza uati toquenade: —Nanerre inocco sirirane? −quenade Zesoza.

Tahimarideni 15:5

Naraha zodeodeni taide parizeocca marinarraza rrehe quenaporaha, naza zotode Zesoza rrehe quenarrari, narrari deni mota Paorodenicca uima mittemanazapa totememanaza uati toquenarrari: —Arri ettipe madirra ouahadeni naco zodeo querrena-rrararaha ia Zozossede Zesoza rrehe quenazapa uissinarra carrimanana, inarraro. Moizecca marinarraza iboqquiri nazapa oppina tani −quenarrari.

Tahimarideni 20:31

—Nema nezape tiadeni bazimaza ouattipe: Parri! Poccadeni maizeheza parrissa tiquena terrerarri. Tibodideni uatome-manarri. Ouape tiadeniza omadizape tiadeni ouacauabaqquinissa tade. Uarrano 3 naha tiadeni maride orrezape zomema mamari, ssiuarrama mamari onade. Timadimananissa taniuarrine oneza occa orriema tiadeniza uati uati onarrarode.

Tahimarideni 26:5

Rrehe, pouadenipa taidezama ouaza nauatoqquiri narronaui. Marinarra onini parizeoza rrehe onaporrarocca uima naqui nauatoqquiri naraha tiaza uati toquena-rrararrari. Iape marinarra parizeoza rrehe inarrarope pina zodeo motadenissa inerrerani. Iape zodeodeni icca marinarraza denima dameraqquiri inarraro.

Tahimarideni 5:17

Naraha arra dada toqquimadedenicca tamine deni torrarraripa pocca madirra tezerre comaqquiri narrarideni tocanomireui uima mittemanazapa boquemanarrari. Arra pouadenipa marinarra onini sadoseoza rrehe quenarra narrari.

Romanodenidsa 1:18

Madirra uimasiri totonanadedeni animanaui. Niza Deocca narrizoue oppinabote memeuarri ccaroneza pouadeniza ssonarinitoui. Narraridenipa poccadeni uaidireherrine parrissehecca uima tocauatterauiuarrine ssamoqquiri naui.

Romanodenidsa 5:9

Icca uimasiri manaconi Cristo emene toccarrarorrinena Deo iaza: —Rridapanape ticcadeni uima ouaza tobicani −narrari. Niza pocca narrizouecca uada bacco tezape uima bicani denima icarrinitoui. Pocca narrizoue iaza ssonari-rreranitoui.

1 Tesaronicadeniza 1:10

Deo Bedi memeuarri ccaronapomauitoui tinarroremanarraro naqui iaza uati toquenaza imittade. Narraripa Zeso zoqqueraha Imehi Deorrine nauatonirrari. Niza Deocca narrizoue oppina tanicca bacco tezape Zeso pouarrinena zori icanireza icassiuaueranitoui, inarraro.

Ebreodenidsa 11:7

Maittaccazama Noe naco Deoza rrehe nauissa tarrari. Pouaza oppinehe tauimarini Deo uati tarrari: —Narraroza bazima onarricarizauitoui −narrari. Madirra bazimapa nema nanicca qqui toquenapo-rrararaha Noena: —Parrissa Deopa Poua Attissa inananitoui −narrari. Nazama Noepa pocca madirra tocassiuauerauiuarrine darroni imenibote icanauatorraro, pina Deo poua icazosserrarissa inanarraro. Deo Attiza parrissa nazapa arrirraro namicca madirradeniza: —Deo Attiza parrissa tiquenerrerezape tirricanitoui −narrari. Deo naco Noeza: —Ouaza parrissa tanissa tezape tia onassiuauanitoui −narrari. Nazapa ppani ccarronaza Noe pocca madirrapa tocassiuauerarrari. Naraha madirra bazimapa Deocca narrizoueza rricarrari.

Ebreodenidsa 6:18

Rrehe, Deo iaza uati tazapa: —Tiadeniza arrima onananitoui −nazapa pocca uatinarra cacarriqquimeraniuarrine ssamo tani. Poua Atti: —Oua onima uati onarraro, omaize-rrerani −naza naco cacarriqquimeraniuarrine ssamo tani. Deopa maizera taui. Pouana ia touacaua-baqquiuiuarrine touini inezape Pouaza iquerrenarraro. Parrissehera uati tarraricca uima imittezape etizerraro. Poua uati taporraricca iaza parrissa torraniuarrine touini imadirraro.

1 Zouao 3:10

—Nerrecorraridenina Deocca erredenideni? Nerrecorraridenina Deoza uauadide Tocorime-Taminecca erredenideni? −titiquena naraha nauatoqquiri tiquenaniuarrinepe arrima narrarona parri: Madirra uima bicani ihinanemana nerrerarrarodenipa Deocca erredeni querrena-rrararrari. Madirra pouadeni imecotedeniza uatideni uaneraqquiri narrarideni naco Deocca erredeni querrena-rrararrari. Narraridenina Deoza uauadide Tocorime-Taminecca erredeni querrenarrari.