Mateo 3:2 - Kulina New Testament Brazil

² Mari mari ihicanabaqquiriza nazapa arrama nanariza narrari: —Ticcadeni uimasiri tineborizemanarri! Deotouira tizanapomanarri! Deocca cacauehepe iaza bacco narronabote nani −nanarra narrari Zouao.

Culina Mádija

² Mari mari ihicanabaqquiridsa nadsapa ajama nanaridsa najari: —¡Ticcadeni imasiri tineboridsamanaji! ¡Diotohuira tidsanapomanaji! Diocca cacahuehepi iadsa bacco najonabote nani −nanaja najari Huano.

Mateo 3:2 Iomraidhean Croise

Mateo 10:7

Narraridenizara rraui tirrarizeza otauimari tecomerarizemananissa tarri. “Deocca cacauehepe iaza bacco narronabote nani” tarizemanana, onarraro.

Mateo 11:20

Zesopa oza panani onihi onihi narizarrarocca madirra poccadeni iboue tauimarini uati tarrari. Poccadeni oza pananiuarri Zeso poua canauatori canauicca denima inauatorizaraha bodideni cacarriqquimere-manaha narrarazapa poccadeni uimasiriza paparra quena-rrararrari.

Mateo 12:41

—Nezape niza madirra bazimacca uima cattemaniuarrinecca uada bacco tezape Deo poua baccouarri tidomodeni uanitoui. Nauizapa oza panani Ninibiuarri madimanarraridenipa ticcadeni uima tiadeniza inassonarimananiuarrine uati toquenauitoui: “Iape Zonacca uima imitteza ibodi cacarriqquimerade. Naraha tiadenizapa Deo Atti cacomerabote deni torrarrari madiraha poua atti mittade iboqquiri tiquenarraro. Nema tiquenezape Deo tiadeni touattarro-baqquizapa bica tani, inarraro” quenauitoui Ninibicca madirra −nade Zeso.

Mateo 13:11

Naraha Zeso iaza ecomerade: —Rrehe maittaccazama Deocca cacauehecca uima zati narroraporaha madirra inauattabaqqui-rraraccade. Neraha rridapanana Deo Pouarrine pocca cacauehe tauimarini zati tiadenizana auato tani. Naraha madirra motapa Deo Pouarrine pouadeniza auatora teza mittemana-rrararrari −nade.

Mateo 13:24

Zesopa pocca marinarra arrirraro namiza imadinicca uima tazarrani madirra mari icanabaqquipomarrari: —Rrehe, Deocca cacauehe tauimarini onihi naqui pina uizarra rrinede pocca uizarrauarri zamatapa nocco bicaui uira inarizarraricca uimassa narraro.

Mateo 13:31

Nazapa Zeso pocca uima uati tapomauiuarrine arrirraro namiza imadinicca uima tazarrani mari icanabaqquipomarrari: —Deocca cacauehepe pina mostada noccocca uimassa narraro. Madirrapa pocca uizarraza mostada nocco ppa izarrari.

Mateo 13:33

Nazapa Zeso poua tauimari arrirraro namiza imadinicca uima tazarrani mari icanabaqquipomaza naco: —Rrehe, Deocca cacauehe tauimarini onihi naqui pina pao ssarra tauiuarrinecca uimassa narraro. Amonerre pao inauatouiuarrinepa pao ssarra tauiuarrine cacarrima fermento tirico sica nauiza icanarrimarrari. Ssarra tauiuarrine cacarrima bazira taraha tirico sica naui farinha de tirico 3 quilopa ssarra taui motararrari. Naraha ssarra tauiuarrine cacarrima tirico sica naui farinha de tiricoza torraribaqquizapa ssarra tarrari. Arri Deocca cacauehecca uima naqui narraro uimassa narraro. Taidepa madirra pamaraha zotodena Deocca cacauehecca uima zama uapimaza torraribaqquiza madirra bazimaza torrarizarraro −nade Zeso.

Mateo 13:47

—Rrehe, Deocca cacauehe tauimarini onihi naqui pina aba cocoro imenibote ueni imehiuarri tappa icazippemaneza rroca icanimoranimanezape aba ouaha, ouaha naha uemarrari.

Mateo 13:52

Nazapa iaza Zeso attia: —Nema nezape zodeodenicca marinarra maridedeni Deocca cacauehe tauimarini zatiza toquerrenazapa pina oza rrinedessa quenarrari. Oza rrinedepa poua zepetarri oza bodiuarri ecauarrari. Tozepetarri rradaui carri, tozepetarri zati naco carri narrari. Nazapa poua bodi nauato taza tozepetarri rradaui zorro inine taui. Tozepetarri zati naco zorro inine tani. Nazama arra Deo Atti maridedeni madirra maride toquerrenazapa Deo Atti dozo naporrarocca, Deocca cacauehe tauimarini zati tazarrani maride nauatoqquiri narrari −nade Zeso.

Mateo 18:23

Zesopa arrirraro namiza imadinicca uima tazarrani mari icanabaqquirrari. Poua attipa: —Rrehe, Deocca cacauehecca uimape pina tamine poua birri accodedenicca conta icattemarizaniuarrinecca uimassa narraro.

Mateo 20:1

Zesopa pocca marinarra arrirraro namiza imadinicca uima tazarrani mari icanabaqquirrari. Poua attipa arrama nade: —Deocca cacauehecca uimape pina uizarra rrinedecca uimassa narraro. Pocca uizarraza ppa taui uva pouara ppa narizarrari. Uizarra rrinedepa izamassa qquenaza pocca uizarrauarri tarabaia quenauiuarrine madirratoui toccarrari.

Mateo 22:2

Poua attipa: —Deocca cacauehecca uima onihipe pina arrirraro uimassa narraro. Tamine deni torrarraripa pocca erredeni amonerre carriuiuarrinecca rripaqquie inauatorraro.

Mateo 23:13

Nazapa Zeso zodeodenicca marinarra maridedeniza, marinarra parizeoza rrehe quenarrarideniza uati tarrari: —Rraho, tiadenipe uauattarro tiquerrenanitoui. Maizarridede tirrirani. Deo Atti madirra mari ticanabaqquimanauissa tazapa madirra Deo Atti tocauatterauiuarrineraha. Deo Atti mari ticanabaqquimanauissa tarraraza, ticcadeni marinarra narro tanicca tinauarimanezape tirrinedeni madirra Deo Atti tocauattera-rrararrari. Nema tiquenezape pina Deocca cacauehecca totoqquezima ticauacossemanarrarossa narraro. Nazapa madirra Deocca cacaueheza rraui torrezima-rrararrari. Tiadeni naqui pocca cacaueheza rraui tirrezima-rrerarraro.

Mateo 25:1

Nazapa Zeso madirra denima mari icanabaqquirrari: —Deocca cacauehe torrezape pina arrirraro uimassa nanitoui: Zouato 10 quenarrarope zabisso zouato cacarrireuicca rripaqquietoui narroremanezape ponidenicca rrorrororo equidirizemanaza zabisso uenabote narrari bacco irrizemanauiuarrine zome rraui torrarraro.

Mateo 25:14

Zesopa uima onihi uati tarrari: —Deocca cacauehe torrezape pina arrirraro uimassa nanitoui. Madirra pocca bobode toccauiuarrinepa pocca zozosse tabaqqui queriqquiuiuarrine ua inabaqquirrari. Queriqquizapa pocca ziniroza zepedeni irrimanauiuarrine pouadeniza da inarizarraro. “Arra occa ziniro tinauapimaneza niza occanizape ouaza nemanehe da tanimananiuarrine” narrari.

Mateo 4:17

Nauiuarri Zeso bacco tazana Deo Atti maride taide torraporrari. Madirra mari mari ihicanabaqqui naza poua attipa: —Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca cacauehepe iaza bacco narronabote nani −nanariza narrari Zeso.

Mateo 4:23

Zesopa Carireauarri ccariza ccariza narizarrari. Nani Izarraeo potemaui zodeodenicca Deo Atti mamari onihi onihi narizaniuarri mari mari nanariza narrari. Pouapa Deocca cacauehecca uima bicani ehecomerariza narraro. Comaqquiri narrarideni naco comani onihi, onihi carririzemanaraha bazima ihinanomi-rizabaqqui narrari.

Mateo 5:10

—Deoza dameraqquiri tiqueneza Poua Attissa tinanemanezape rrehe quena-rrararrarideni tiadeni tonarrizo-baqquimanaraha Deopa tibodideniza uatizeheri inanarraro. Deocca cacauehe tiadeniza torranitoui.

Mateo 5:3

—Tiadeni motta tibodideni tobicaniuarrine tiparriremane-rrerani nauatoqquiri tiquenezape Deopa tibodideniza uatizeheri inanarraro. Deocca cacauehe tiadeniza torranitoui.

Mateo 6:10

Ticca cacauehe bazimaza tinanarizana, inarraro. Pina memeuarri Tiaza madimanarrarideni bazima Tettiza iboraqquiri zazanapomana narrarissa quenauiuarrine arri namiuarri imadirraro ia bazima naqui Tettiza iboraqquiri inana, inarraro.

Mateo 6:33

Deocca cacauehecca uimaza tibodideni uatomarizaniuarrine Deotouira tatarizemana narri. Deo Poua nacassa tauiccazara tetetizemana narri, onarraro. Nema tiquenezana Deorrine ticappiremananicca tiadeniza inanarizanitoui, onarraro −naui nade Zeso.

Maraco 1:15

Poua attipa: —Rridapanape Deocca cacauehe iaza bacco narronabote nani. Pina Deo uati tapouissa narraro. Ticcadeni uima Deoza tecomeremaneza ticcadeni uimasiri tinebomanarri. Deotouira tizanapomanarri. Deocca uima bicani ticassiuaueraniuarrineccazara rrehe tiquenanissa tarri −naui nade Zeso.

Maraco 1:4

Narraria arra madirra oni Zouaopa zama uamoni ssono carri, siba carri taniuarri madirra maride torrarrariparra. Pouaza: Batista, quequenanarrari. (Ettizape: Passo dopaniza niniquide, inarraro.) Poua attipa: —Ticcadeni uimasiri tineborizemanarri! −nanariza narrari. —Tibodideni arrima tiquenarri: “Occa uimasiri onebona. Rridapanape Deotouira ozanapona” tiquenarri. Nazana passo dopaniza niquide ticarririzemanarri. Nema tiquenezape Deo ticcadeni uimasiriza: “Peperri, ouati rrimani” nauiuarrine −naui nade Zouao.

Maraco 6:12

Nazapa pocca zozosse tabaqqui rraui torrarrari. Madirra bodideni cacarriqquimere-manauiuarrine mari icanabaqqui-rizemanarrari. Pouadeni attipa: —Ticcadeni uimasiri tinebomanarri. Deozara tiquerrenarri −quenaui nade.

Roca 1:16

Pouapa arrama nauitoui: Niza Deocca uima ecomerarizezape Izarraeo potemaui zodeodeni mota uapi taha ia Zozossede Deoza toquerrenani-pomauitoui. Nama nauitoui pouapa.

Roca 11:20

—Naraha ouape Deocca dacorehe ocarrirre narraro Tocorime-Taminecca zozosse tabaqqui zosse zosse ohoninebaqquiriza narrari. Nema onanezape tiadeniza auato onanarraro: rridapana Deocca cacauehe tiadeniza bacco narronarraroparri, onarraro −narrari Zeso atti.

Roca 13:3

Naraha uimape nema nerrerani. Tiadeni bazima Deo Attiza ibobo tineza tibodideni cacarriqquimere-rrerezape zoqquehe rriquerreranicca bacco tiquenanitoui −narrari Zeso.

Roca 13:5

Naraha uimape nema nerrerani. Tiadeni Deo Attiza ibobo tineza tibodideni cacarriqquimere-rrerezape zoqquehe rriquerreranicca bacco tiquenanitoui −narrari Zeso.

Roca 15:10

—Nazama ouape tiadeniza uati onana: Narrarossa narraroa madirra uimasiri sse tarraripa: “Deoza orraniuarrine, occa uima onebona” nazapa Deo pocca zozosse tabaqqui memeuarri tezerre uatizemana taui −narrari Zeso.

Roca 15:7

Nazama parrissehera tiadeniza uati onarraro: Narrarossa narraro madirra uimasiri sseqquiri narraridenipa pina eueue rrano torraza amossi narrarissa quenarrari. Naraha orraria: “Deoza orraniuarrine, occa uima onebona” nazapa Deopa pocca zozosse tabaqqui memeuarricca tezerre uatizemana taui. Arra madirra taide Deoza toquerrenaporraridenicca uimaza naco memeuarriccapa uatizemana taui. Naraha arra madirra Deoza torrezatizapa denima uatizemana taui −narrari Zeso.

Roca 16:30

Naraha zepe ssebote attia: “Rrehe idi Abarahao, narraro dozo nani carrimanaraha narraroza parrissa quena-rrararrari. Naraha madirra zoqquerrari nauatoniza pouadeniuarri uatide toccanizana parrissa quenauitoui, poccadeni uimasiri inebomananiuarrine” narrari zepe ssebote atti.

Roca 21:31

Pina narraro uimassa narraro arri zama rricani tauimarini uati uati onarraro qqui tiquenezape: “Rrehe, Deocca cacauehe touarrirarronani” tiquenana, onarraro −narrari Zeso.

Roca 24:47

Narraro poua tauimari ecomerarize-manezape madirra bodideni cacarriqquimere-manauiuarrine naco uati toquenauitoui. Nazapa madirra pouadeni bodi cacarriqquimere-manaza: “Occa uimasiri onebona” quenazapa Deo poccadeni uimasiri peperri inananitoui. Narraro uima bicanipe madirra bazima mittarizemanauiuarrine Cristo-Mesiapa pocca zozosse tabaqqui mari narizemanauiuarrine zosse inarizabaqquiuitoui. Taidepa Zerozareza mari icanabaqquimanauitoui, zotodepa zama bazimaza maride rraui torrarizauitoui. Narrari Cristo-Mesiapa oua. Otauimari maridepa oua occa madirra zosse onabaqquiuiuarrine −narrari Zeso.

Roca 6:20

Zeso pocca zozosse tabaqqui icattabaqqui naza uati tarrari: —Tiadeni motape ticappiremaneraha Deotouira tiquenezape Deopa tibodideniza uatizeheri inanarraro. Deocca cacauehe tiadeniza torranitoui.

Roca 9:2

Pouadeni motta rraui torrarizauiuarrine Zesopa pouadeni zosse inabaqquirrari: —Deocca cacauehecca uima tecomerarizemanana. Madirra comaqquiri narrarideni tiadeniza bacco quenaza naco titinanomi-baqquimana nana −narrari.

Tahimarideni 11:18

Nezape narraro uima Zodeacca madirra arra zodeodeni Zesoza rrehe quenarrarideni mota mittemanazapa poccadeni boquehe nebomanarrari. Nazapa Deoza uatizemanarrari: —Rrehe, zodeo querrena-rrararaha Deopa pouadeniza naco uati uana tarrari. Deorrine bodideni cacarriqquimeraza Zesoza parrissa quenazapa camittehe rriquerreranicca carririzemanaui. Deopa bica taui! Deopa deni torraui! −quenarrari.

Tahimarideni 17:30

Madirrapa Deoza ssamoqquiri naporaha Deo pouadeni inarrizobaqquirra narronapoui narrararrari. Deo Pouana madirracca uimasiri inauanarronaporaha rridapanape zama bazimacca madirraza Poua Attia: “Ticcadeni uimasiriza peperri tiquenarri, tibodideni tecarriqquimera-rizemanarri” narrariparra Deo.

Tahimarideni 2:38

Nazapa Pedoro pouadeniza uati tarrari: —Ticcadeni uimasiri tinebomanarri, Deozara tiquerrenaniuarrine. Nazana Deo ticcadeni uimasiri peperri inanezape passo dopaniza niquide ticarrimanani bica tani. Zeso Cristo oniza passo dopaniza niniqui ticarrimanarri. Nazana Deo Poua Corime tibodideniza torrarizauiuarrine.

Tahimarideni 20:21

Arri zodeodeni, zodeo querrena-rrararrarideniza naqui Zeso Cristo tauimari mari mari onarizezape ouatti arrima ohonanarrarode: “Ticcadeni uimasiripe tinebomaneza Deozara iboraqquiri tiquenarri. Ia Zozossede Zeso Cristoza parrissa tiquenarri” ohonanarrarode.

Tahimarideni 26:20

Taidepa oza panani Damascouarri Deoza toquerrenauiuarrine uati onabaqquiporraride. Zotode oza panani Zerozarecca naco uati onabaqquirraride. Arrirraro zama Zodea bazimacca naco uati onabaqqui-rizarraride. Zodeo querrena-rrararrarideni naco uati onabaqqui-rizarraride. “Tibodideni tecarriqquimeremaneza ticcadeni uimasiri tinebomanarri. Deozara tiquerrenarri” ohonanade. “Ticcadeni rrehenirri, tibodideni cacarriqquimere-manani auato taniuarrinepe Deo Attizara iboraqquiri tiquenarri. Uima bicanira tinanarizemanarri” oneza mari mari ohocanabaqqui narraride.

Tahimarideni 3:19

—Narrarorrinea tiadeniza ouattipe: Rridapanape tibodideni cacarriqquimerarri, Deoza tiquerrenarri, onarraro. Nema tiquenezape Deo ticcadeni uimasiri sse inanitoui. Nazapa ia Zozossede Deo tibodideni rrassi tonanabaqquiuitoui.

2 Corintodeniza 7:10

Rrehe orri tiquenarrarorrine tibodideni cacarriqquimeraza Deoza tiquerrenani-pomarrarope Deoza bica tarraro. Narraro orriezape: —Rraho orriepe uaidira tani −tiquenerrerarri. Narraro orrierrinena ticassiuaueranitoui. Naraha arrirraro namicca uimaza dameraqquiri narrarideni orri orri quenaraha zoqquemanazapa narrizoue rriquerreraniuarri toquerrenauitoui.

Corosadeniza 1:13

Ziziniza imadipozape uimasiri iaza dacorapode. Naraha Deo ia rroca toninebaqquiza pocca erredenicca cacaueheza ia tonanabaqquirraride. Deopa Poua Bediza uati uana tarrari.

2 Timoti 2:25

Deoza iboqquiri narrarideni naco mouaraza mari icanabaqqui-zanapona. Nama nazapa Deorrine bodideni cacarriqquimerauiuarrine uitide. Nazana marinarra parrisseheccazara parrissa quenauiuarrine.

Ebreodenidsa 6:1

Rrehe, Deocca marinarra denima icauatterana, pina rradauideni tocauattera-zanaporrarissa inana, onarraro. Zeso Cristoza rrehe inapozape Deocca marinarra narrora tanicca iattaporraro. Naraha: —Narrarora imittazanapona −inerrerana. Arri marinarra taidecca imittaporrarope arrima narraro: Icca uimasirirrinepe zoqquehe rriquerreranicca narrizoueza iquerrenaniuarrineraha icca uimasiri ineboza Deoza rrehe inezape icassiuaueranitoui.

2 Pedoro 3:9

Ia Zozossede Deopa nama naraha madirra mota attidenipa: —Deo Poua uati taporrarissa inananiuarrine narro taui. Arrana, Zeso Cristo ccaniuicca uada tonarroni −quenarrari. Naraha Deopa narro-rraraui. Mouaraza titouideni madiccarrari. Pouapa madirra bazima parra rricariuiuarrine touini narraraui. Orraria zoqqueuiuarrine naco nacassera tarrari. Pouapa madirra bazima bodideni cacarriqquimeraza Pouaza toquerrenauiuarrine touini narrari.

Apocalipsis 2:21

Ouape poni bodini cacarriqquimeraniuarrine touini omadi omadi zanaporaha bodini cacarriqquimeraniuarrinepe touini nerrerani. Ponicca uananehe neboniuarrine nacassera tarraro.

Apocalipsis 2:5

Tibodideni uatome-manarri. Arri ouaza tetizemanaporrarocca uima tetideni rrimemana terrerarri. Tibodideni cacarriqquimera-pomarri. Ouaza tetideni uanaqquiri napomarri. Nema tiquenerrerezape naniuarri oqqueza ticcadeni rrorrororo pinine odiniuitoui.