Mateo 3:14 - Kulina New Testament Brazil

¹⁴ Naraha Zouao attipa: —Ouape arrimani orrani. Tiana oua passo dopaniza niqui tizanani bica tani −narrari.

Culina Mádija

¹⁴ Naraha Huano attipa: —Ohuapi ajimani ojani. Tiana ohua topa tidsanani bica tani −najari.

Mateo 3:14 Iomraidhean Croise

Mateo 3:13

Nazapa Zeso zama arobeni onini Carireaza madiraha ueni Zorodaouarri qquezipparrari. Zouao madiuiuarri bacco zippazapa Zouaoza: —Oua passo dopaniza niqui tizanarri −narrari Zeso.

Mateo 3:15

Naraha Zesopa: —Peperri, nema nehe oua passo dopaniza niqui tizanarri. Arrirrarope Deo pocca zossenirri nema inaniuarrine −narrari Zeso. Nazapa Zouao rrehe narrari.

Roca 1:43

—Nazama ouape arrimani orreraha oua Zozossedecca ami ouaza ticcarronarraro.

Huano 1:16

Nazama pocca biquehepe pouarrine iaza uapi tehe torrerre zanaponi narraro.

Romanodenidsa 1:13

Ouimecotedeni, nauatoqquiri tiquenaniuarrine oneza uarrirriraza ouape nani occaniuarrine occa bobode ohonarrora naraha occa bobode uarrirriraza tossamo tossamo zanaponi. Niza tiadeniuarri oqqueza tiadeni mari ocanabaqquizape ticcadeni madirra ouaha naco Zeso Cristoza toquerrenauiuarrine, onarraro. Arrana zodeo querrena-rrararrarideni zama onihiuarricca, zama onihiuarricca mari ocanabaqquirizapozapa Zeso Cristoza toquerrenana canade. Tiadeniuarri uima narrarossa naniuarrine nacassa onarraro.

Romanodenidsa 3:23

Madirra bazimape uimasiri icarririzerre narraro. Deocca deni torreheza iquerrenaniuarrine iparrirenissa terrerarraroparri.

Romanodenidsa 3:25

Deopa Poua Bedi Zeso Cristo zoqqueuiuarrine eccorazapa madirra bazimaza nohue inarraro: Pouapa uimasiriza boque tarrari. Aua porimacossaniza Zeso emene toccarrarope icca uimasiri manaconi da inarrari. Itoui Zeso zoqquerrari tauimariza parrissa inezape Deo iaza: —Rridapanape ticcadeni uimasiriza ouati rrimani −narrari. Deopa nama narraria iaza nohue inarraro: Pouarrine parrirenissa tani. Arra taide Zeso Cristo zoqque-rraraccazama Deopa madirracca uimasiri qqui taraha pina qqui toraui narrari.

Carasiadeniza 3:22

Naraha Deo Attiza uima imittarrarope ia bazima uimasiriza pina tozepe iquerrenarrarossa narraro. Narraro uimasiriza ia tappa tabaqquiuiuarrinepa Zeso Cristona orrariui. Madirra bazima pouaza rrehe quenarrarideniza Deocca uima bicani torranitoui.

Carasiadeniza 4:6

Nazama Deo pocca erredeni iquerreneza naqui Poua Bedi Corime iaza madiuiuarrine ibodiza zosse izimarraride. Narrarirrinena ettipe: —Parrissa, Tiape icca Abi Deo −inarraro.

Ebreodenidsa 7:23

Taidecca Deoza dada toqquimade toquerrenauipa uapi tarrari. Ouaha ouaha narronemanarrari. Zoqquezapa ouaha torra, zoqquezapa ouaha torra narronemanarrari. Zozoqquemaneri narronarrarirrine orraria madi-zanapoza zepe irrizanapouiuarrine ssamo tani.