Mateo 28:6 - Kulina New Testament Brazil

⁶ Naraha arraza poza-rraraui. Pouapa nauatonipa. Pina poua zoqque-rraraccazama “onauatoninitoui” nanarra naporrarissa narrari. Rrari, poua pozauiuarri qquide ticadezimarri.

Culina Mádija

⁶ Naraha ajadsa podsa-jarahi. Pohuapa nahatonipa. Pina pohua dsoqque-jaraccadsama “onahatoninitohui” nanaja napojarissa najari. Jari, pohua podsahihuaji qquide ticadedsimaji.

Mateo 28:6 Iomraidhean Croise

Mateo 12:40

Narraroa arri Zona pina uatiarrarissa naza aba imehi bodiza uada pama torrari nehe madizarrarissa narrari arri oua Madirra Bedi orrarrarope niza ouatiheza nami bodiuarri uada pama torrari nehe omadinitoui. Pina Zonacca uimassa narraro ouaza torranitoui −nade Zeso.

Mateo 16:21

Zotode Zeso pocca zozosse tabaqqui ia mari tocanabaqquizapa arrama narraride: —Occa Abicca zossenirriza oza panani Zerozareuarri occanitoui. Naniza zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenirrine narrizoue imeni ocasserani onauananitoui. Nezape oua inanazoqque-mananitoui. Neraha oua ppa izemaneraha uada pama torrari nezape Abi Deo oua nauatoniuitoui −nade Zeso.

Mateo 17:23

Nezape oua inanazoqque-mananitoui. Oua ppa izemaneraha uada pama torrari nezape Abi Deo oua nauatoniuitoui −nade Zeso. Narraro uima uati tazapa ibodi qqueza nade.

Mateo 17:9

Nazapa ssonouarri rrauizippaniza Zeso pouadeniza uati tarrari: —Arri ssono tetepiza qqui tiquenarrarocca uimape tecomemanaccana. Ouape Madirra Bedi orrarraroa niza ozoqqueni nattini onauatonizana narraro uima tecomeremananiuarrine bica tani −naui nade.

Mateo 20:19

Zotodepe madirra ouaha zodeo querrena-rrararrarideniza oua da iqueneza narraridenina oua rrarra icanaqquimanarraro, oua cossi inaqquimanarraro nanitoui. Nezape aua porimacossaniza oua inanazoqque-maneza oua ppa izemananitoui. Naraha uada pama torrari neza onauatoninitoui −nade Zeso iaza.

Mateo 27:63

Bacco toquenazapa attidenia: —Ia zossede, ibodi uatomarraro, arra maitta maizarriderabotepa zoqque-rraraccazama poua attipa: “Niza ozoqquezape uada 3 neza onauatoninitoui” nanarra nade.

Maraco 16:6

Zabissopa ponideniza uati tarrari: —Ticappinemana terrerarri! Tiadenipe Zeso Nazaretiuarricca qquide rraui tirrarronarraro. Narraripa aua porimacossaniza coba izanemanaza zoqqueraha nauatonirrari. Arrazapa noueraui. Rrari, poua ibezemanauiuarri qqui tiquenarro.

Maraco 8:31

Zesopa poua uatimadedeni mari icanabaqquizapa arrama narrari: —Arri ouape Madirra Bedi orrarraroa niza zotode narrizoue imeni ocasserani ouanitoui. Zodeodeni ime rrocouideni, dada toqquimade taminedeni, zodeodenicca marinarra maridedeni quenarraridenipa oua ettarromananitoui. Nezape oua inanazoqque-mananitoui. Naraha oua ppa izemaneraha uada pama torrari nezape Abi Deo oua nauatoniuitoui −naui nade Zeso.

Roca 24:12

Naraha Pedoropa nama naha Zeso noccobiriuarri rroppa tarrari. Bacco tazapa tonoccobiri bodiuarri tocattezima nanarra Zeso assire rrorrore naqqui eteroa pozerre nanira qqui tarrari. Nazapa Pedoro pocca ozauarri bodi uatoa toccanirrari.

Roca 24:23

Naraha poua assire qqui quena-rraraui. Nazama amonerredenipe rrauiniza uati nanimanarraro: “Deocca zozosse tabaqqui memeuarricca qqui inabaqquipa. Iaza attidenipa: ‘Zesopa nauatoniui’ quenaparra” quenarraro.

Roca 24:44

Nazapa pouadeniza uati tarrari: —Arri uima ouaza torrarrarope pina tiadeniza occarizaponi uati onaporrarossa narraro torrarraro. Narrarope Deo Atti dozo naponiccassa narraro. Arri Moize otauimari dozo inaporrarope narrarossa narraro. Deo Atti cacomeraqquiri narrarideni naco otauimari dozo iquenaporraro. Arrie rrirriridedeni naco otauimari dozo iquenaporraro. Narraro bazimape maittaccazama dozo iquenerre narronaponi narraro. Narrarossa narraro Deorrine ouaza torrarraro −narrari Zeso.

Huano 10:17

—Oua ouaccoreza ozoqqueraha occa camittehe ouaza torrapomanitoui. Narraro uima onananiuarrine ibora onezape occa Abipa ouaza uati uana tarrari −nade.

Huano 2:19

Naraha pouadeniza Zeso uati tade: —Rrari, arrirraro Deocca oza ticanarrizomanehe carricanerre uada 3ʼpe ocanauatomanie carricanitoui −nade.

Tahimarideni 2:24

Zesopa zoqqueraha Deorrine nauatonirrari. Zoqquehe comanipe pouaza mari zaneraha Deorrinena Zeso tappa inarrari. Zoqquehepe pouaza mari zananiuarrine ssamo tani.