Mateo 28:18 - Kulina New Testament Brazil

¹⁸ Nazapa Zeso zaboraza iaza uati tade: —Abi Deopa pocca nauatohe bazima memeuarricca, namiuarricca naco ouacauarizauiuarrine pocca dacorehe ouaza inanarraro.

Culina Mádija

¹⁸ Nadsapa Jeso dsaboradsa iadsa huati tade: —Abi Diopa pocca nahatohue huapima memehuajicca, namihuajicca naco ohuacahuaridsahijine pocca dacorehe ohuadsa inanajaro.

Mateo 28:18 Iomraidhean Croise

Mateo 11:27

Nazapa Zeso iaza uati tapomarrari: —Occa Abipa ouaza pocca nauatohe uapima inanarizarraro. Occa Abina poua motta ouaza nauato taui orrari narrari. Occa Abipa nazama Poua orrari naha ouaza nauato taha nama narronarrari. Ouape Abi Deocca Erredeni orrani. Oua naqui nezama. Oua orrari onehe Pouaza nauato onarronarraro. Nezama oua Deo Bedi orrezape madirradeni ouaza toquerrenarraripa pouadeniza nacassa onezape orrine pouadenipa Deo Pouaza noccodeni torrizerauitoui −nade Zeso.

Mateo 16:28

Ouape parrissehera tiadeniza uati onarraro: Arriza tidomodeni uarraro motadenipe tizoqquemana-rreraccazama arrirraro titezerremadenicca uima qqui tiquenanitoui. Narraroa arri oua Madirra Bedi orrarraroa nizaranibote madirra ouacauabaqquiuiuarrine occa deni torrehema occaronapomanitoui, onarraro −nade Zeso.

Mateo 26:64

Nazapa Zeso: —Rrehe, tiadeni ouaza nema tiquenarraroparri. Neraha tiadeniza uati onarraro: Ouape Madirra Bedi orrarraroa niza zotode Deo Dacorabote oua deni tonanazapa Poua uinori nauatoniuarri ouittarini qqui tiquenanitoui. Niza meme essenima occaronapomani qqui tiquenanitoui −naui nade Zeso.

Roca 10:22

Nazapa pocca mamari tabaqquiza uati tapomarrari: —Occa Abipa ouaza pocca nauatoue bazima inanarizarraro. Occa Abina poua motta ouaza nauato taui orrari narrari. Occa Abipa nazama Poua orrari naha ouaza nauato taha nama narronarrari. Ouape Abi Deocca Erredeni orrani. Oua naqui nezama. Oua orrari onehe Pouaza nauato onehe nema onarronarraro. Nazama oua Deo Bedi orrezape madirradeni ouaza toquerrenarraripa pouadeniza nacassa onezape orrine pouadenipa Deo Pouaza noccodeni torrizerauitoui −narrari Zeso.

Huano 13:3

Zesopa Deo Pouauarri ccaronauicca nauato, Deouarri toccamacossani-uiuarrinecca nauato, Poua Imehicca deni torrehe carriui naco nauato tarrari.

Huano 17:2

Arri oua ticca erredenipe madirra bazimaza tirrine tamine orrarraro. Arra ouaza tinanabaqquirraridenipa pouadeniza camittehe rriquerreranicca da onarizaniuarrine.

Huano 3:31

Nazapa Zouao poua uatimadedeniza denima uati tarrari: —Memeuarri ccaronarraripa arra namiuarricca madirrassa narraraui. Pouapa deni torraui. Arrirraro namiccapa namicca. Arrirraro namicca uimara uati uati totoquena narrari. Memeuarri ccaronarraripa bazimaza deni torrarrari.

Huano 3:35

Imehipa Bediza uati uana tarrari. Poua Bediza pocca nauatonarra uapima pouaza inanarraro.

Tahimarideni 10:36

Deopa ia Izarraeodeniza uima bicani uati narronarrari. Narraroa arri Zeso Cristorrine Deo iaza torronerrariparra. Pouarrinena Deocca uadie zori icanirenitoui. Pouana madirra bazima Zozossededeni.

Tahimarideni 2:36

—Rrehe Izarraeodeni bazima, tiadeniza parrissehera uati onarraro, tibodideni uatomarize-manarri. Zesopa tinanazoqquemanaraha Deorrine nauatonizapa arra ia Zozossede Cristo-Mesia torrarrariparra −narrari Pedoro atti.

Romanodenidsa 14:9

Narrarotoui Cristopa zoqquerrari. Nauatonizapa madipomarrari. Pouapa rricarrarideni, camittaqquiri narrarideni Zozossededeni torrarrari.

1 Corintodeniza 15:27

Deorrine Cristo deni torrazapa bazima arramani toquerrenarrari. Pina poua amori bacconiuarri toquerrenarrarissa quenarrari. Naraha narraro uima timittemanezape: —Deo naco Cristoza arramani torrarrarico? −tiquenanitiderra. Noueraui. Pouarrinena bazima Cristoza toquerrenarrari.

Corosadeniza 2:10

Nama nazapa Cristona bazimaza deni torrarrari. Arra tocorime taminedeni dacorehe carrimanaraha Cristona narrarideniza deni torrarrari. Nazama tiadeni Cristocca tiquerrenarrarope pouaza tiparriremananissa tani. Poua carrirrari bazima naqui ticcadeni.

Ebreodenidsa 1:2

Naraha rridapana zama rricanicca touarrireza iaza uati tauiuarrinepa Poua Bedi zosse inaronarraride. Narrarina iaza Imehi Atti uati uati ihiqquima narrarode. Rrehe, Poua Bedipa taide Imehi tezerre meme, nami, bazima anirizarraricca inauatomanaporrari. Nazama Deopa Poua Bedina cacauade inanarrari. Bazima rrinede torrarrariparra.

Ebreodenidsa 2:8

Nema tinanazape tirrine memeuarricca, namiuarricca bazima naco iaza arramani toquerrenauitoui. Iana poccadeni tamine iquerrenanitoui −nani Deo Atti dozo naniza. Rrehe, madirra orrariapa bazimaza deni torrazapa uapima poua attiza iboraqquiri nauitoui. Poua attiza ibo tauiuarrine nouerauitoui. Rridapanape narraro deni torrehe pouaza torra-rreraccani. Bazimapa poua attiza iboraqquiri narraraccaui.

1 Pedoro 3:22

Zeso Cristo nauatonizapa memeuarri toccamacossanirrari. Bazimaza deni torrazapa Deo uinori nauatoniuarri uittarirrari. Nauiza uittarizapa Deocca zozosse tabaqqui memeuarriccaza zosse zosse narrari. Auatoraqquiri narrarideni deni torrehe carrimana, dacorehe carrimana naraha narrarideniza naco Zeso Cristo zosse zosse narrari.

Apocalipsis 11:15

Deocca zozosse tabaqqui memeuarricca 7 nauicca rrori rrori nanarra memeuarri attideni mouiqquiri naha uati uati toquenarrari: —Rridapanape zama bazima ia Zozossede Deocca cacauehe torra, Cristo-Mesiacca cacauehe torra narraro. Pouadenina zossede nama zanapomanauitoui −quenarrari.

Apocalipsis 17:14

Narraridenina poccadeni madirrama Eueue Bediza rrazire imeni inanemananitoui. Naraha Eueue Bedipa dacorehe deni torranicca carrirrarirrine inarricauitoui. Pouaza toquerrenarraridenipa Deo icatterriza-baqquirrari. Pouaza dameraqquiri narrari. Tamine uapi taraha Eueue Bedi Zesopa bazimacca tamine deni torrauicca orrarirrari. Madirra zozosse totonanadedeni naco uapi taraha pouapa bazima Zozossededeni deni torrarrari −narrari.

Apocalipsis 19:16

Pocca eteroza, poua panaccoza naqui dozo nanicca uimape: —Tamine uapi taraha Zesona tamine deni torraui orrariui. Zozosse carrimanaui uapi taraha Zesona ia Zozossede deni torraui orrariui −narraro dozo nani.