Mateo 27:54 - Kulina New Testament Brazil

⁵⁴ Nazapa ssonouarri isso teppeppe tamine, pocca isso teppeppedeni tezerre Zeso cacauade domo uarraridenipa nami zaroro nani qqui, oppina tanicca uapima qqui toquenazapa uarro quenaza attideni: —Rraho! Parrissa arrarraripa Deo Bediraha −quenaui nade.

Culina Mádija

⁵⁴ Nadsapa ssonohuaji soldado tamine, pocca soldadodeni tedseje Jeso cacahuade domo huajaridenipa nami dsadsa nani qqui, oppina tanicca huapima qqui toquinadsapa jabojo quinadsa attideni: —¡Jaho! Pajissa ajaripa Dio Bediraha −quinahi nade.

Mateo 27:54 Iomraidhean Croise

Mateo 26:63

Naraha Zesopa poua cacoma narrari. Nazapa tamine uati tapomarrari: —Deo camitta tarrari onima uati tinarri onezama iaza tia tecomerarri: Tiape Deo Bedi Cristo-Mesia tirraqui? −naui nade tamine.

Mateo 27:36

Ittomemanaha rricazapa nauiza cacauade rrassi tarraride.

Mateo 27:40

—Arrina, tettipe: “Deoza dada toqquima ocatabozape uada 3 neza ocanauatoninitoui” taterre nade −quenade. —Rrari, parrissa Deo Bedi tirrezape tia tinassiuauarri. Aua porimacossaniza tia tidiniza ticcaronarri −quenade.

Mateo 27:43

—Arrana pouapa Deoza rrehe nauissa tarrari. Deopa parrissa pouaza uati uana tazapa rridapanana poua inassiuauana, inarraro. Arrana, poua attipa: “Ouape Deo Bedi orrani” nanarra nade −quenade, rriza rriza quenaza.

Mateo 27:51

Nanerre Deoza dada toqquima bodiuarricca uauacossa etero sibabote naqui Deorrine sseo naronarraro. Carobe narraro. Nami naqui zaroro narraro. Siba imeni uiuitteri narizarraro naqui caroberizarraro.

Mateo 4:3

Nazapa Tocorime-Tamine Zeso icamaizauiuarrine pouaza bacco tarrari. Tocorime-Tamine attipa: —Deo Bedi tirrezape, rrari, tirripaniuarrine arrirraro siba pao torrauiuarrine uati tinarri −narrari.

Mateo 8:5

Naui zotode Zesopa oza panani Capenaouarri bacco tanizapa rromanodenicca isso teppeppe zossede Zesoza ccarronarrari. Arra ccarronarraripa pocca zozosse tabaqqui 100 quenarrari. Poua bodipa: —Zeso oua acco canauiuarrine −naza Zesoza uati tarrari.

Maraco 15:39

Nazapa Zeso baccouarri isso teppeppe tamine Zeso cacauade uarraripa Zeso uatiaui qqui taza: —Rraho! Parrissa arrarrari maqquiderrepa Deo Bediraha −naui nade isso teppeppe tamine atti.

Roca 22:70

Naraha pouadeni attia: —Nema tezape tiape Deo Bedi tirraqui? −quenarrari Zesoza. Naraha Zeso poua cacomerarrari: —Rrehe, tiadeni ouaza nema tiquenarraroparri −narrari.

Huano 19:7

Naraha zodeodenipa poccadeni uima uati toquenade: —Iape icca marinarra ecauezape Zesopa inanazoqquena, inarraro. Poua attipa: “Ouape Deo Bedi orrani” nanarra naraha narraro uima iaza bica terrerani inarraro −quenade.

Tahimarideni 10:1

Nazama oza panani Zope uarrira taniza oza panani onini Sezareazapa maqquiderre madirrari, poua onipa Conerio. Pouapa rromanodenicca isso teppeppe zossede, pocca zozosse tabaqqui 100 quenarrari. Pouadeniza: —Zama Itariauarricca isso teppeppedeni −quequenanarrari.

Tahimarideni 2:37

Narraro uima mittemanazapa rrazirema bodideni ocassera taza orri quenabote narrari. Nazapa Pedoroza, Zesocca zozosse tabaqqui ouahadeniza naco uati toquenarrari: —Rraho, imecotedeni, iana nerrecoma inapazerre? −quenarrari.

Tahimarideni 21:32

Nazapa isso teppeppedenicca taminepa pocca isso teppeppe zossededeni, poccadeni zozosse tabaqquima uaua inabaqquizapa moua moua quenauiuarri domo toccarrari. Bacco toquenazapa boquemanarrarideni Paoro idaqquimanaraha isso teppeppedenicca tamine, pocca isso teppeppedenima rrauirronaui qqui toquenaza inebomanarrari.

Tahimarideni 23:17

Nazama Paoropa rromanodenicca isso teppeppedeni zossede orrariaza uaua nazapa pouaza uati tarrari: —Rrari, arrarrari zabisso ticca tamineza tiaccanirro, pocca uima uati tauiuarrine −narrari.

Tahimarideni 23:23

Nazapa isso teppeppedenicca tamine arra zama arobeni Zodea cacauade Perisiza Paoro zosse inauiuarrine isso teppeppedeni zossede pamaha uaua inabaqquirrari. Uedarronazapa pouadeniza uati tarrari: —Ticcadeni isso teppeppedeni tinanarrorariza-baqquimanarro. Niza zome 9'za oza panani Sezareauarri rraui tirrarri −narrari. —Isso teppeppedeni 200 quenaha pouadeni amoriza rraui torrana. Cavaro ideniza naco 70 quenaha rraui torrana. Uauarrinama rraui torrauiuarrine naco 200 quenaha rraui torrana. Cavaro orrariazana Paoro toccauiuarrine. Paoro tecauemanauissa taza zama cacauade Perisiuarri bacco tauiuarrine −narrari.

Tahimarideni 27:1

Nazama: —Zama Itariauarri Paoro zosse inana, nauizapa icca tamine deni torrauiccana pocca uima icattemaniuarrine −quenazapa rromadenicca isso teppeppe zossede Zorioza uati toquenarrari. Arra Zorio pocca zozosse tabaqquipa 100 quenarrari. Narraridenipa isso teppeppe 600 quenarrari mota. Pouadeniza: —Tamine deni torrarrari Acostocca isso teppeppedeni −quequenanarrari. Nazapa narrariza uati toquenarrari: —Rrari Zorio, toponi cocoroza domo uezarrarideni, Paoro quenaza Itariauarri tiaccabaqquimanarro −quenazapa arri oua Roca naqui pouadeniza occarrarode.

Tahimarideni 27:43

Naraha rromanodenicca isso teppeppe zossedepa Paoro zoqqueuiuarrine nacassera tazapa rrehe narrarade. Nazapa dicca inabaqquiza zosse inabaqquide: —Rrari, conade nauatoqquiri tiquenezape taide passoza rroppa tizippemanaporri, ssiquiuarri cona cona tiquenaniuarrine −nade.

Romanodenidsa 1:4

Deo Corimerrinena Zeso Cristocca uima auato inanarraro. Zeso zoqquezapa Deo pocca dacorehema inauatonirrari. Narrarorrinena uima auato tarraro: Ia Zozossede Zeso Cristopa Deo Bedi.

Apocalipsis 11:13

Nanerre amazati nami zaroro tarraro narrarope ccarabote oza panani mota barari-rizezape catorrarizarraro. Narrarorrine madirra 7 mil (7.000) quenaha rricarrari. Nazapa tocassiuauerarraridenia cappinemanaza: —Memeuarri madirraripa Deo dacoraui, deni torraui −quenarrari.