Mateo 27:42 - Kulina New Testament Brazil

⁴² Attidenipa: —Arrana, madirra ouaha inassiuauabaqquiraha poua tonassiuauadepa ssamo taui. Pouapa Izarraeo potemauidenicca tamine torrazapa aua porimacossaniza ccaronana. Nazana pouaza parrissa inaniuarrine −quenade.

Culina Mádija

⁴² Attidenipa: —Ajana, madija ohuaha inassiajabaqquiraha pohua tonassiajadepa ssamo tahi. Pohuapa Isaraeri potemahidenicca tamine tojadsapa ahua porimacossanidsa ccaronana. Nadsana pohuadsa pajissa inanijine −quinade.

Mateo 27:42 Iomraidhean Croise

Mateo 2:2

Zerozareza bacco narronemanaza attidenipa: —Nirra? Nerrecouarri Izarraeo potemaui arra zodeodenicca tamine tossonarraritta? −narronemanarrari. —Iape marri ccarronauiuarri imadiza amoua zati qqui icanade. Narraro uimape tamine deni torrarrari tossonauitoui quenaporraricca uima torrarraro. Narrari qquide rrauirrarronarraro. Ipitoza rrassi ineza pouaza: “Icca tamine” inaniuarrine −quenarrari.

Mateo 27:37

Zeso tati tetepiuarri naqui dozo nani coba izanemanarraro. Narraro dozo nanipe: —Arrarraripa Zeso, Zodeodenicca Tamine −narraro.

Mateo 27:40

—Arrina, tettipe: “Deoza dada toqquima ocatabozape uada 3 neza ocanauatoninitoui” taterre nade −quenade. —Rrari, parrissa Deo Bedi tirrezape tia tinassiuauarri. Aua porimacossaniza tia tidiniza ticcaronarri −quenade.

Mateo 27:41

Nazapa dada toqquimade taminedeni, zodeodenicca marinarra maridedeni, ime rrocouideni tezerre Zeso itamassomanarrari.

Maraco 15:31

Nazapa dada toqquimade taminedeni, zodeodenicca marinarra maridedeni quenarraridenipa Zeso itamassomanarrari: —Arrana madirra ouaha inassiuauabaqquiraha poua tonassiuauadepa ssamo taui.

Maraco 15:32

Pouapa Cristo-Mesia Izarraeo potemaui zodeodenicca tamine torrazapa porimacossaniza ccaronana. Nazana qqui inaza pouaza parrissa inaniuarrine −quenarrari. Poua uinoricca naco aua porimacossaniza cobaba zanaraha narraro touattissa narraroza Zesoza atti atti quenaui nade.

Roca 19:38

Attidenipa: —Ia Zozossede onima ccarronarrariza biquehera torrana, torrana! Pouapa ia Izarraeo potemauideni icca tamine! Pouaza biquehera torrana, torrana! −zanapomanarrari. —Memeuarri Deo icca uimaza carroneri canaui, canaui, narraro rronehe torrarizaniuarrine. Memeuarri Deoza madimanarrarideni pouaza: “Tiana deni tirrani!” quenana, quenana! −quenarrari, uaua zanapomanaza.

Roca 23:35

Madirra bazima nauiza cattade domo uarrari. Taminedeni naco nauiza cattade domo uaza attideni uaidira taza Zesoza rriza rriza quenarrari: —Arrana, madirra ouaha inassiuauabaqquiraha rridapanana poua tonassiuauana. Parrissa madirra Tonassiuauade Cristo-Mesia torrauiuarrine Deo icatterrizazapa nama naui qqui inana. Nauato taranarra −quenarrari.

Roca 23:37

Attideni onihi naqui: —Tiape zodeodenicca tamine tirrezape tia tinassiuauarri −quenarrari.

Huano 1:49

Naraha Natanaeopa: —Ia Maride, tiape Deo Bedi tirrani! Tiape Izarraeo potemauidenicca tamine tirrani! −nade.

Huano 12:13

Nazapa poccadeni uatizehe bica taniuarrine birirrari eppe ti quenaza —Zeso bacco irrizana −quenaza rrauirronarrari. Madirra motapa birirrari eppeza rraui bina inarronemanarraro, —Rraui bica taniuarrine –quenaza. Madirra motapa birirrari eppe zorrorro zorrorro canarronaza uaua narronemanarrari: —Deopa deni torraui, deni torraui! Ia Zozossede onima ccarronarrariza biquehera torrana, torrana! −narronemanarrari. —Pouapa ia Izarraeo potemauideni icca tamine! Pouaza biquehera torrana, torrana! −narronemanarraride.

Huano 12:47

Naraha madirra ouatti mittemanaraha pina ouatti mittemanarraraui narrarideni naco ozauabaqqui-rraraui. Ouape madirra zauade occarona-rrerade. Madirra tocassiuauerauiuarrinera occaronarrarode.

Huano 9:24

Nazapa zodeodenicca taminedeni nocco ssire nimaniui pouaza uaua quenapomade. Ccarronazapa pouaza uati toquenade: —Deopa tetti mittaui. Parrissehera iaza uati tinarri. Iape nauatoqquiri inani: Narrari maqquiderrepa uimasiri rrinede −quenade.

Tahimarideni 4:14

Nazapa taminedeni Pedoro Zouao tezerre izauabaqqui-manauitouiraha naui uinoridenizapa isso siri tobicaui uaui parra nazapa paparra quenarrari.