Mateo 27:24 - Kulina New Testament Brazil

²⁴ Naraha Pirato poua bodi uatorrari: —Ouatti parrire-rrerani. Pouadenirrine mouanirri oppina tehe torrabote nani −nade. Nazapa Pirato poua zepe ssaua nauiuarrine passotoui uaua narrari. (Poua zepe ssaua narraricca uimape: —Ouape uima ocappirani −narrarissa narraro.) Nazapa passo zorro icanarronemaneza bazima qqui toquenaza Pirato poua zepe ssauade torrazapa uati tarrari: —Arrarrari madirra zoqqueuiuarrinepe occa uima rrerani. Poua emene toccauiuarrine rrehe onerrerarraro. Narrarope ticcadeni uima −nade Pirato.

Culina Mádija

²⁴ Naraha Pirato pohua bodi huatojari: —Ohuatti pajira-jerani. Pohuadenijine mohuaniji oppina tehe tojabote nani −nade. Nadsapa Pirato pohua dsepe ssahua nahijine passotohui huahua najari. (Pohua dsepe ssahua najaricca imapi: —Ohuapi ima ocappirani −najarissa najaro.) Nadsapa passo dsojo icanajonamanadsa huapima qqui toquinadsa Pirato pohua dsepe ssahuade tojadsapa huati tajari: —Ajajari madija dsoqquehijinepi occa ima jerani. Pohua emene toccahijine jehe onejerajaro. Najaropi ticcadeni ima −nade Pirato.

Mateo 27:24 Iomraidhean Croise

Mateo 26:5

Naraha pouadeni atti onihipe: —Errete torrezape uima noueraccaniuarrine. Zesoza madirra nacassaqquiri narrarideni poua dama inaui qqui toquenazapa moua moua quenarana −quenaui nade.

Mateo 27:19

Piratopa uima cacattemauarricca uiuittariza uittariccaza pocca amonerre pouaza uima zosse inarronarraro. Poni attinipe: —Narrari maqquiderrepa bica tarrari. Pouaza uima tinana-rrerana. Zomeza Zesocca uimarrine occa uada oppina tapa −narraro.

Mateo 27:23

—Naraha nerrecotoui zoqqueuiuarrine? Nerreco uimara inanarraro? −nade Pirato atti. Naraha domo uarrarideni bazima parra rroua toquenariui naza: —Aua porimacossaniza zoqquena, zoqquena! −quenade.

Mateo 27:4

Pouadeniza uati tarrari: —Rraho, uaidirehe onanarraro. Zesopa uimasiri cappiraraha orrine tizepedeniza torrazapa zoqqueuitoui −naui nade Zoda. Naraha pouadenipa: —Peperriua, irrine rrerani. Ticca uimasiripe ticca −quenaui nade.

Mateo 27:54

Nazapa ssonouarri isso teppeppe tamine, pocca isso teppeppedeni tezerre Zeso cacauade domo uarraridenipa nami zaroro nani qqui, oppina tanicca uapima qqui toquenazapa uarro quenaza attideni: —Rraho! Parrissa arrarraripa Deo Bediraha −quenaui nade.

Mateo 27:9

Narraro zama zodeodenicca taminedeni mitta iquenarrarope pina maittaccazama Deo Atti cacomerabote Zeremia dozo inaporrarossa narraro. Narraro uimape arrima narraro: —Izarraeo potemauideni mota attidenipa: “Rrehe, zoqqueuiuarrine eccoraui manaco ziniro ccarara prata 30 nani parrireni” quenauitoui.

Huano 13:9

Naraha Simao-Pedoropa: —Oua Zozossede ouamoria orrari-rrerana, ozepe ssaua, otati ssaua tarri! −nade.

Huano 19:4

Nazapa Pirato qquenapomaza zodeodeniza uati tade: —Rrari, ouattiza Zeso eqquenemana-pomauiuarrine. Poua qqui tiquenazapa nauatoqquiri tiquenaniuarrine: Ouape narrari maqquiderrecca uima omittezape pocca uima uaidira tanicca nouerani −nade.

Tahimarideni 3:14

—Zesopa poua bodi ssiuarra, pocca uima borocco teraha pouaza parrissa tiquenerrerezape tamine Piratoza uati tiquenarraro: “Barrabana tappa tinarro” tiquenarrarode, pouapa toponi nanazoqquederaha.

2 Corintodeniza 5:21

Cristopa uimasiri inana-rrereraha icca uimasirirrinena Cristopa uimasiri ponissa naza Deocca uadie pouaza ssonarirraro. Deo nama narraria ia Cristoza irrariqquirraro icca uima Pouaza parrirenissa taniuarrine.

1 Pedoro 3:18

Zeso Cristopa icca uimasiri manaconi ocasserani auaza zoqquerrari. Zoqqueui orrariraha pouarrine uimasiri manaconi parrirenissa tehe nema zanaponitoui. Pouapa uimasiri cappiraraha uimasiri inanemanarrarodenitoui ocasserani auarrari. Nama narraripa Deoza ia bacco inaniuarrine. Pouapa pina madirrassa naza assire zoqqueraha poua corime Deoza tomadinipomarrari.