Mateo 27:23 - Kulina New Testament Brazil

²³ —Naraha nerrecotoui zoqqueuiuarrine? Nerreco uimara inanarraro? −nade Pirato atti. Naraha domo uarrarideni bazima parra rroua toquenariui naza: —Aua porimacossaniza zoqquena, zoqquena! −quenade.

Culina Mádija

²³ —¿Naraha nejecotohui dsoqquehijine? ¿Nejeco imara inanajaro? −nade Pirato atti. Naraha domo huajarideni huapima paja johua toquinarihi nadsa: —¡Ahua porimacossanidsa dsoqquena, dsoqquena! −quinade.

Mateo 27:23 Iomraidhean Croise

Mateo 27:22

Naraha Piratopa domo uarrarideniza uati tapomarrari: —Rrehe, naraha Zesoza “Cristo-Mesia” quequenanarraripa nerrecoma onanauiuarrine touini tiquenani? −nade Pirato atti. Naraha bazima rrouaua rrouaua canapomarrari: —Narrari Zesona aua porimacossaniza zoqquena, zoqquena! −quenade.

Mateo 27:24

Naraha Pirato poua bodi uatorrari: —Ouatti parrire-rrerani. Pouadenirrine mouanirri oppina tehe torrabote nani −nade. Nazapa Pirato poua zepe ssaua nauiuarrine passotoui uaua narrari. (Poua zepe ssaua narraricca uimape: —Ouape uima ocappirani −narrarissa narraro.) Nazapa passo zorro icanarronemaneza bazima qqui toquenaza Pirato poua zepe ssauade torrazapa uati tarrari: —Arrarrari madirra zoqqueuiuarrinepe occa uima rrerani. Poua emene toccauiuarrine rrehe onerrerarraro. Narrarope ticcadeni uima −nade Pirato.

Roca 23:4

Naraha Piratopa dada toqquimade taminedeniza, nauiza madirra queriqquimanarrarideni bazimaza uati tarrari: —Arrarraripa icca zamacca marinarra inarrizorre canima-rrerani. Uima oppina tanicca inana-rrerani. Tettideniza onarrizouiuarrine oparrire-rrerani −narrari Pirato.

Tahimarideni 13:28

Pouadenipa: “Zeso uima inanarraro manaconi zoqquena” quenaraha uima cappirauissa tarrari. Naraha tamine Piratoza uati toquenaza: “Zeso zoqquena” quenazapa pouadeni attiza rrehe nazapa zoqqueuiuarrine icazossebaqquirrari.

Tahimarideni 23:10

Naraha uadimanaza denima parra moua toquenariui nazapa isso teppeppedenicca tamine cappinarrari. Paoro arrauarri rroca arrauarri rroca iquenaui qqui taza poua bodipa: —A, inatarrorimanaza zoqquerana −naza pocca isso teppeppedeni rrauirronauiuarrine uaua narrari: —Paoro inanazoqque-manabote naui! Qqui tiquenarro! Dama tiquenaza icca ozauarri tiaccanimanarro −narrari. Nazapa poccadeni ozaza uezapomarrari Paoro.

Tahimarideni 7:57

Naraha denima mittemanauiuarrine nacasseraqquiri naza pouadeni uaribo moda quenaza rrouaua rrouaua quenarrari. Estevaoza ssonarimanazapa dama iquenarrari.