Mateo 27:2 - Kulina New Testament Brazil

² Nazapa Zeso birri rrore iquenaza tamine Piratouarri iaqquemanarrari, —Zeso zoqquena −quenauiuarrine. Tamine Piratopa rromanodeni. Pouapa zodeodenicca zama cacauade torrarrari.

Culina Mádija

² Nadsapa Jeso biji jore quinadsa tamine Piratohuaji iaccamanajari, —Jeso dsoqquena −quinahijine. Tamine Piratopa romanodeni. Pohuapa jodiodenicca dsama cacahuade tojajari.

Mateo 27:2 Iomraidhean Croise

Mateo 20:19

Zotodepe madirra ouaha zodeo querrena-rrararrarideniza oua da iqueneza narraridenina oua rrarra icanaqquimanarraro, oua cossi inaqquimanarraro nanitoui. Nezape aua porimacossaniza oua inanazoqque-maneza oua ppa izemananitoui. Naraha uada pama torrari neza onauatoninitoui −nade Zeso iaza.

Mateo 28:14

Nezape narraro uima ticcadeni tamine Pirato mittazapa tiadeniza uadiuitouiraha ia pouaza uati inanissa tezape tiadeniza torroneuitoui −quenaui nade.

Roca 13:1

Zeso mari mari naraha madirra rrauirronarraridenia arra tamine Pirato zama Carireacca madirra inarricarraricca uima Zesoza uati toquenarrari: —Carireacca madirrapa Zerozareuarri Deoza dada toqquimaza poccadeni da naqquinarra iaqquezimemanarrari. Bani bedi Deoza da iquenauiuarrine ssipori uisside toquerrenaraha tamine Piratocca zozosse tabaqquideni bacco tozimemanazapa irrinedeni auemanarrari. Pouadenirrine bani bedi dade toquerrenarrari emenedeni bani bedi emene tezerre carrimarraro −quenarrari Zesoza.

Roca 20:20

Nazapa dada toqquimade taminedeni, zodeodenicca marinarra maridedeni quenaza Zeso inoccozemanarrari. Attidenipa: —Zesopa rromanodeni nacasseraqquiri nauicca uati tazapa rromanodenicca zossenirri cacauadeza uati inaniuarrine, naui poua zepeza torrauiuarrine −quenarrari. Nama quenazapa poccadeni madirra mota Zesoza uati toquenauiuarrine zosse inabaqquimanarrari. Pouadenipa pina parrissa Zeso poua attitouissa quenaraha pouadeni bodiza maizehe narroremanarrari. Nazapa Zesoza touarriressimanarrari.

Roca 23:1

Nazapa zodeodenicca taminedeni nauiza queriqquimanarrari bazimapa totememanaza tamine Piratouarri Zeso iaqquemanarrari. Tamine Piratopa rromanodeni. Pouapa zodeodenicca zama cacauade torrarrari.

Roca 23:12

Taidepa Erodi Pirato tezerre arrauarri nacassera arrauarri nacassera quenaporrari. Naraha Zeso arrauarri zosse, arrauarri zosse iquenazapa narraro uadaza carronerarrari.

Roca 3:1

Zacariacca erredeni Zouaopa Deo poua icazosserrariza zepe irribote naza zama cacauadedeni arrama quenarrari: Oza panani Rromauarri madimanarraridenicca tamine deni torrauicca onipa Tiberio. Pouapa zama bazima ecauarizarraro. Pocca cacauehepe uarrano 15 bacco tarrari. Pocca zossenirrizapa madirra ouaha, madirra ouaha tamine toquerrenarizarrari. Nazama narraridenipa pocca zossenirriza zama cacauade madirizemanarrari. Izarraeo potemaui zodeodeni madimanauicca zama oninipe Zodea. Nauicca taminepa Ponsio-Pirato. Izarraeo potemaui mota madimanauicca zama oninipe Carirea. Nauicca taminepa Erodi. Erodi poua ouaha Piripepa zama onini Itorea ecauarraro. Itorea uinorinicca naqui ecauarraro. Narraro zama oninipe Taraconite. Itorea uinorini onihiuarricca zama oninipe Abirinia. Nauicca taminepa Risania.

Huano 18:12

Nazapa isso teppeppe bazima poccadeni tamine tezerre, zodeodeni mota arra Deoza dada toqquimauarricca cacauadedeni quenaza Zeso dama iquenazapa birri rrore iquenade.

Huano 18:24

Nazapa tamine Anasa attipa: —Manaco Caipauarri toccana −nazapa Zeso birri rrore naui nama naha Caipauarri iaqquemanade. Caipapa dada toqquimadedenicca tamine deni torrarrari.

Huano 18:28

Ssiuarraza izamassape Zeso Caipacca ozaza iaqquenemanazapa manaco tamine Piratocca ozauarri iaqquemanarraride. Tamine Piratopa rromanodeni. Pouapa zodeodenicca zama cacauade torrarrari. Naraha errete Pascoa bacco terre narraro Piratocca oza bodiuarri rraui torrezima-rrarade. Ia zodeodeni icca marinarrape: —Pascoacca rripaqquieza irripa-rreraqqueza zodeo querrena-rrararraridenicca ozauarri iqquezimaniuarrine oppina tani −ihinanarraro. Narraro noppineni cappinemanazapa Piratocca oza bodiuarri rraui torrezima-rrararraride.

Tahimarideni 12:6

Narraro zomeza Pedoropa toponi cocoro bodiza uezarrari. Corriti pamacosseza birri rrore iquenazapa isso teppeppe arrauarri ua arrauarri ua naui nocconiza Pedoro uittizaza uadarrari. Poua cacauade ouahadenipa totoqquezimaza barrari. Uada ssiuarrana Erodipa Pedorocca uima cattemade uaua nauiuarrineraha narraro zomeza Pedoro amossi narrari.

Tahimarideni 21:33

Nazapa isso teppeppedeni bacco narronemanazapa poccadeni tamine attiza Paoro dama iquenaza corriti pameheza rrore iquenarrari. Nazapa Paoro narrizodedeniza isso teppeppedenicca tamine uati tarrari: —Arrarraripa nerreco madirranarra? Nerreco uimara inanarraronerre? −narrari.

Tahimarideni 22:25

Nazapa Paoro cossi quenauiuarrine birri rrore, isso rrore iquenaraha Paoro isso teppeppedeni zossedeza uati tarrari: —Tiape ouaza nauato tinerrerarraro nitide. Ouape rromano madirra orraua. Uima cacattemadeuarri oua tiaqquemana-rrereraha oua cossi tezape oppinera taqui? Oppina teraha −narrari.

Tahimarideni 22:29

Nazapa isso teppeppedeni Paoro cossi quenabote narraridenipa Paoro atti mittemanazapa touarri-baqquiqqui nade. Poccadeni tamine naco cappinarrari. Poua attiza rromano madirra cadeiaza rrore iquenarrari, cossi inaqquimanazapa pouazana uima ssonarinitouiraha. Pouaza oppina teza paparra narrari.

Tahimarideni 24:27

Nama zanapozapa uarrano pamaha tossoniqquimarrari. Nazapa tamine Perisi zama cacauade nebozapa Porsio-Pestona zama cacauade torrarrari. Naraha Perisi pouaza zodeodeni uatizemana-zanapouiuarrinepa Paoro tappa inarrararrari.

Tahimarideni 28:20

Narraro timittemananiuarrine oneza titouideni uaua onarrarode. Rraho, pouadeni qqui onabaqquizapa pouadeniza uati onaniuarrine, onade. Arri tiadenipe rridapanana cadeiaza oua rrore iquenani qqui tiquenarraro. Ia Izarraeodenipe ia Idinide toui inarrorani. Narrariza rrehe onezape oua dama iquenarrarode −nade Paoro.

Tahimarideni 3:13

—Icca Abi Deopa, icca idideni Abarahao, poua bedi Izaqui, poua bedi Zaca quenarraridenicca Deo. Pouarrine isso siri tobicazapa Poua Bedi Zeso deni inanarrariparra. Narrari Zesoa tirrinedeni tozepe torrarraride. Tamine Pirato attipa: “Zeso tappa onaza toccaniuiuarrine” naraha tiadenipe tettarromanaza: “Aua porimacossaniza zoqquena zoqquena!” tiqueneza zoqquerraride −narrari Pedoro.

Tahimarideni 4:27

Narraro uimassa narraro torrarrarode. Arri Zerozareza queriqquimanaza tamine Erodi, tamine Ponsio-Pirato, zama onihicca madirra, icca madirra Izarraeodeni quenaza naco ticca Erredeni Bicabote inanazoqque-manauiuarrine uima narroremanarraride. Narraria arra Zeso tiaza ibora tarrari ticatterrizaporrari, ia Tonassiuauade Cristo-Mesia torrauiuarrineraha pouaza boqueqquiri nade.

Tahimarideni 9:2

Nazapa narrari tamineza Saoro uati tarrari: Arra Zesoza rrehe quenarrarideni otadamauiuarrine oza panani Damascouarri oua zosse tinarri. Oua zosse tinaniuarrine touini tezape ticca uima teppe dozo teza Damascouarri zorro onaniuarrine. Naui Damascouarri zodeodenicca Deo Atti mamari onihi onihicca taminedeniza noue onarizaniuarrine. Nezape Zesoza rrehe quenarrari maqquiderre, amonerredenima otadamaza birrideni rrore onabaqquiza arri Zerozareuarri ouaccani-baqquiuitoui −narrari Saoro.

1 Timoti 6:13

Rrehe Timoti, Deopa bazima madirizemanarrarideni camitta inanabaqquirrari. Zeso Cristopa tamine Ponsio-Pirato baccouarri uaza pocca uima bicani ecomerarrarode. Narrarideni pamahapa ouatti nauatoto taza tia ocazosserraro:

2 Timoti 2:9

Narrari tauimarirrine ocasserani onauanarizarraro. Pina uaidirehe tonanemanarraridenissa onehe cadeiaza oua rrore iquenezape oua coro izimemanarraro. Neraha Deo Attipe rrore iquenaniuarrine ssamo tani.

Ebreodenidsa 13:3

Nazama madirra toponi cocoroza domo uezarraridenitoui tibodideni uauatome-mana narri. Pina pouadeni tezerre ocasserani tinauanemanarrarossa tiquenarri. Madirra nanarrizo toquerrenarraridenitoui naqui tetideni rrimemana terrerarri. Niza zotode tiadeni naqui pouadenissa tiquenaniuarrine nitide.