Mateo 26:58 - Kulina New Testament Brazil

⁵⁸ Naraha Pedoropa uarrima touanamissaza dada toqquimadedenicca tamine deni torrarraricca boroniza bacco tozimarrari. Caipacca zozosse tabaqquidenizama uittarrari. Poua bodipa: —Zeso nerrecoma inanemanauiuarrine? −narrari.

Culina Mádija

⁵⁸ Naraha Pedropa huajima tohuanamissadsa dada toqquimadedenicca tamine deni tojajaricca boronidsa bacco todsimajari. Caipacca dodosse tabaqquidenidsama huittajari. Pohua bodipa: —¿Jeso nejecoma inanamanahijine? −najari.

Mateo 26:58 Iomraidhean Croise

Mateo 26:3

Nazapa Zesoza nacasseraqquiri narrarideni arra dada toqquimade taminedeni, zodeodeni ime rrocouideni tezerre poccadeni tamine deni torrarrari onipa Caipa pocca oza imeniza queriqquimanarrari.

Mateo 5:25

—Nazama madirra ouahaza uima tinaneza naqui poua attipa: “Tia ouaccana uima cacattemauarri” naza naco taide tia touacca-rraraccazama poua tezerre ticcadeni uima ticattememanaporri. Poua uati tinassonaporro, naui tamineuarri tia touacca-rrarauiuarrine. Ticcadeni uima ticattememanapo-rrerezape uima cacattemauarri bacco tinezape uima tinanarraro manaconi tozepe tirranitoui. Toponi cocorouarri tia coro izimemananitoui.

Roca 22:54

Nazapa Zeso dama iquenaza dada toqquimadedenicca tamine deni torrarraricca ozauarri iaqquemanarrari. Naraha Pedoropa Zeso iaqquemanaui nattideni uarrima touanamissarrari.

Huano 18:25

Zesopa oza bodiuarri nanarrizo torraraha Pedoropa boroniza zippo rriuade torrarrari. Nazapa naui zippo rriuade toquerrenarrarideni Pedoroza uati toquenarraride: —Tiape arrarrari maqquiderre uatimade tirra-rreraqui? −quenarraride. Naraha Pedoro poua namaizapomade: —Ouape narraricca orrarrerani −nade.

Huano 19:6

Naraha dada toqquimade taminedeni, Deoza dada toqquima oza cacauadedeni tezerre Zeso qqui toquenazapa parra rroua toquenariui nade: —Aua porimacossaniza zoqquena, zoqquena! −quenade. Naraha Piratopa: —Tiadenina tiaqquemanaza aua porimacossaniza coba tizanemanana! Ouazape pocca uima uaidira tanicca nouerani −nade.

Huano 7:32

Madirra —Zesopa Cristo-Mesia −quenarrari uimahaha canaza zodeodeni mota marinarra onini parizeoza rrehe quenarrarideni mittemanazapa dada toqquimade taminedeni tezerre nauiuarricca cacauadedeni Zeso dama iquenauiuarrine zosse inabaqquimanarrari: —Zeso dama tiquenaza teccanimanana −quenarrari.

Huano 7:45

Nazapa marinarra parizeoza rrehe quenarrarideni, dada toqquimade taminedeni quenaza oza bodiuarri queriqquimanaza naui Deoza dada toqquimacca cacauadedeni Zeso damade rraui torraraha Zeso rriraha bacco nanimanaza taminedeni uati toquenarrari: —Nerrecotoui teccanimana-rrararrari? −quenaui nade.

Tahimarideni 5:22

Nazapa rraui torrarrari, toponi cocorouarri bacco toquenaza qqui toquenaraha Pedorodeni amossiuarra narrari. Nazapa domo ccaniza uima uati nanimanarrari:

Tahimarideni 5:26

Nanarra Deoza dada toqquimacca oza cacauadedenicca tamine, pocca zozosse tabaqqui tezerre uima mittemanazapa Zesocca zozosse tabaqquitoui rraui torrarrari. Bacco inabaqquimanazapa mouaraza rrina inanibaqquimanarrari. Sibaza pouadeni iquenabaqquimanaui noppine cappinemanazapa Zesocca zozosse tabaqqui inarrizobaqquimana-rrararrari.