Mateo 26:39 - Kulina New Testament Brazil

³⁹ Nazapa Zeso tocca-cca naza poua baccouarri namiza pona naza Imehiza uati tarrari: —Abi, arri madirra tocassiuauerauiuarrinecca uima onihi noueraqui? Nouerezape peperri. Madirra bazimacca uimasiri manaconi narrizoue ouaza torrezape ocasserani ouanitoui. Pina zeze bidabote ze onaniuarrinessa narraro. Narraro onauananiuarrine touini onerrereraha, oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −naui nade.

Culina Mádija

³⁹ Nadsapa Jeso tocca-cca nadsa pohua baccohuaji namidsa pona nadsa Imehidsa huati tajari: —Abi, aji ¿madija tocassiejerahijinecca ima onihi nohueraqui? Nohueradsapi epeje. Madija huapimacca imasiri manaconi najidsohue ohuadsa tojadsapi ocasserani ohuanitohui. Pina dsedse bidabote dse onanijinessa najaro. Najaro onahananijine jipera onaraha ohua jipa onanicca tohui onejerajaro. Tia jipa tinaniccana paji. Najarodsana ibora onajaro −nahi nade.

Mateo 26:39 Iomraidhean Croise

Mateo 20:22

Naraha pouadeniza Zesoa: —A, narraro uimape ssamomo tinani. Ouape ocasserani ouabote nani. Ouaza narrizoue ssonarinitoui. Arri tiadenipe narrizoue tinauanemananiuarrine tiparriremanaqui? −nade. Naraha pouadenipa: —Rrehe, ia naqui iparrireni −quenade.

Mateo 24:24

Madirra mamaizadedeni naco tiadeniza rrauirronauitoui. Pouadenipa: “Ouape Cristo-Mesia orrani” quenauitoui. Ouahadeni naco: “Ouape Deocca zossenirri orrani, Poua Atti ouacomeraniuarrine” quenaraha maizemanarrari. Pouadeni bodipa: “Deo icatterriza-baqquirrarideni icamaizabaqquina” quenaza poccadeni maizehe canauatorimana canarizauitoui. Madirra pouadeniza: “Parrissa Deocca zossenirri” quenauiuarrine touini quenaraha Deo Poua icatterriza-baqquirrarideni motapa pouadeniza parrissa quena-rrarauitoui.

Mateo 26:42

Nazapa toccanipomaza Imehiza uati tapomaza naco: —Abi, nauato tinani. Madirra bazimacca uimasiri manaconi ocasserani ouaniuarrine nacassera oneraha tia nacassa tinaniccazana ibora onarraro −naui nade Zeso.

Maraco 13:22

Madirra mamaizadedeni naco tiadeniza rrauirronauitoui. Pouadenipa: “Ouape Cristo-Mesia orrani” quenauitoui. Ouahadeni naco: “Ouape Deocca zossenirri orrani, Poua Atti ouacomeraniuarrine” quenaraha maizemanarrari. Pouadeni bodipa: “Deo icatterriza-baqquirrarideni icamaizabaqquina” quenaza poccadeni maizehe canauatorimana canarizauitoui. Madirra pouadeniza: “Parrissa Deocca zossenirri” quenauiuarrine touini quenaraha Deo Poua icatterriza-baqquirrarideni motapa pouadeniza parrissa quena-rrarauitoui.

Roca 17:16

Zesoza bacco nanizapa —Rrehe bica tinani −nauiuarrine Zeso baccouarri poua pitoza uitta, tocatteza naza pano namiza bacco tarraro. Nazama arra madirra dozonirraripa zama Samariacca.

Huano 11:41

Nezape siba cco irrizemanade. Nazapa Zeso memeuarri tocattamacossa naza uati tade: —Abi, ouatti timittezape peperri bica tani, onarraro.

Huano 14:31

Nema nehe oua ouaccorezape ozoqquenitoui. Nema onarrarope madirra bazima nauatoqquiri nauiuarrine: Ouape occa Abiza ouati uana tarraro. Pouapa arrirraro uimatoui oua cazossezapa Poua Attiza ibora onarraro −nade Zeso. Maride rricazapa: —Rrina, rrauirrana −nade iaza.

Huano 18:11

Naraha Zesopa Pedoroza uati tade: —Ticca massito tinacoriza zo tizimanirri. Arrirraro uimape occa Abicca zossenirri ocasserani ouaniuarrine. Poua Attiza ibo onerrerani −nade Zeso.

Huano 5:19

Naraha Zesopa zodeodeniza poua tauimari ecomerade: —Parrissehera tiadeniza uati onarraro: Deo Bedipa poua touini nauicca nauatora taui. Naraha pocca Abicca nauatoue qqui tazana poua naco nema inanarraro. Pina Imehicca nauatouessa narraro ihinauato narraro Bedi naco −nade.

Huano 5:30

Zesopa zodeodeniza uati uati zanaporraride: —Nazama oua mottape madirra poccadeni uimasiri manaconipe pouadeniza onassonari-rrerarraro. Abi Deo Poua Atti omittezana uimarideni ohocattema narraro. Ouape oua motta oua touini onanicca onane-rrerarraro. Naraha arra oua Cazossede Poua Attissa onanezana uimarideni ocattemeza onaparrirenissa tarraroparri.

Huano 6:38

Arri oua memeuarri occaronarrarope oua oua motta touini onanicca onananiuarrine rrerani. Occa Abi oua cazosserrari. Poua nacassa tauicca touini oneza ozepe irririzarraro.

Tahimarideni 10:25

Nanarra Pedoro Coneriocca ozaza bacco taza toqquezimabote naraha Conerio qquenazapa Pedoro baccouarri poua pitoza uitta narrari. Pouaza uatizeza: —Deni tirrani −nauiuarrineraha.

Piripodeniza 2:8

Pouapa pina iassa naraha poua touini nauicca inana-rrerarraro. Imehicca zossenirrizana ibora tarrari. Narraria Imehi Attipa Bediza: —Madirra tinassiuauabaqquina −narrariparra. Imehi Attiza ibora-zanaporraria arra aua porimacossaniza inanazoqque-manarrariparra. Nazama aua porimacossaniza zozoqquemana narraripa oppina tanicca. Narrarozapa madirra bobotide, madirra poua tesse inanazoqquerraridenina, zozoqquemana narrari. Naraha Zeso Cristopa nama narrararaha narraro aua porimacossaniza inanazoqque-manarrari.

Ebreodenidsa 5:7

Zeso Cristopa arrirraro namiza madiccaza uarrirriraza Imehi Deoza uati uati tarrari. Ocasserani auaza orriema Imehiza uati uati tarrari. Bodi qquezaza naco atti moui taza uaua narrari. Imehipa dacorehe carrirrari. Poua Bedi zoqqueheza inassiuauauiuarrine parrireui. Naraha Zesopa Imehi Attiza ibora taza: —Peperri Abi, touini taniccazana ibora onarraro −narrari. Nazapa Imehi Poua Bedicca iborehe qqui taza Bedicca uatinarra mittarrari.

Apocalipsis 19:10

Nezape Deocca zozosse baccouarri opitoza ouitta neza pouaza ouatizeniuarrineraha ouaza uati tarrari: —Ouaza nema terrerarri. Oua naqui Deocca zozosse orrani. Pina tia timecotedeni tezerre Zeso Cristo tauimariza dameraqquiri tiquenarrarossa onani. Deozara tetizerri −narrari. Arri Zeso Cristo tauimari bicabotepe Deo Poua Atti cacomeraqquiri narrarideniza inanazana ehecomeremana narronarraroparri.