Mateo 25:6 - Kulina New Testament Brazil

⁶ —Neraha zome nocconi torrezana madirra rrazirema uaua narrari: “Zabisso ccarronaui, ccarronaui! Rraui tirrarronarri, bacco tirrizemanauiuarrine!” narrari.

Culina Mádija

⁶ —Naraha dsome nocconi tojadsana madija jadsirema huahua najari: “¡Dsabisso ccajonahi, ccajonahi! ¡Jai tijajonaji, bacco tijidsamanahijine!” najari.

Mateo 25:6 Iomraidhean Croise

Mateo 24:31

Nazapa occa zozosse tabaqqui memeuarricca zosse onarizabaqquiza rrazirema rrori rrori quenaza Deo icatterriza-baqquiporrarideni inequeriqquinibaqqui-manauitoui. Zama nemaneheza madirizemanarrarideni bazima auarricca, auarricca inequeriqquinibaqqui-manauitoui −nade Zeso.

Mateo 24:44

Nema nezape tinarroremanehe timadimanarri. Madirrapa oua Madirra Bedi orrarraroa occaronapomanicca uada ssamoqquiri naui. Niza uatideni rramama canaza bacco onanipomanitoui −nade Zeso.

Mateo 25:1

Nazapa Zeso madirra denima mari icanabaqquirrari: —Deocca cacauehe torrezape pina arrirraro uimassa nanitoui: Zouato 10 quenarrarope zabisso zouato cacarrireuicca rripaqquietoui narroremanezape ponidenicca rrorrororo equidirizemanaza zabisso uenabote narrari bacco irrizemanauiuarrine zome rraui torrarraro.

Mateo 25:31

Zesopa denima mari icanabaqquirrari: —Ouape Madirra Bedi orrarraroa niza occaronapomezape occa deni torrehe ossiuerrenema occaronapomanitoui. Deocca zozosse tabaqqui memeuarricca ouaza rrauironauitoui. Nezape deni orranicca uiuittari bicaniza ouittariza zosse zosse onanitoui.

Mateo 25:5

Nezape rraui torrarraro, boroniza bacco toqueneraha zabisso uenabote narrari narrozapa zouatodeni cauadirrabote nezape naniza cauadirrarraro.

Mateo 25:7

Nezape zouatodeni bazima nocco toquerreneza toteme-manezape ponidenicca rrorrororo denima ssiuarra tauiuarrine narroremanarraro.

Roca 12:20

Naraha Deopa pouaza uati tarrari: “Tiape ssamo tinani. Arrirraro zomeza tizoqquenitoui” narrari. “Arra tizepetarri, arra uizarracca bonoma tecauarizarraripa tizoqquezape tiaza nama zanapopazarra? Noueraui! Tizepetarripa madirra ouahazana torrarizauitoui” narrari Deo.

Roca 12:46

Pocca zozosse uaidirabotepa poua zossede ccaniuicca marri, uada ssamo taza pouatoui narrora-rrararrari. Nama nanariza nanarra zepe ssebote bacco nanizapa pocca zozosse inarrizouitoui. Zoqquezapa iboqquiri narrarideniuarri inanauitoui −narrari Zeso.

1 Tesaronicadeniza 4:16

Rrehe, ia Zozossede Zeso Cristopa ccaronauiuarrinepa taide memeuarri atti moui taha uaua naui imittanitoui. Deocca zozosse tabaqquidenicca tamine naco uaua naui atti imittanitoui. Deocca rrorroza rrori rrori naui naco imittanitoui. Nazana Zeso Cristo memeuarri ccaronazapa pouaza parrissa quenaporrari rricaporrarideni taide nauatonimanauitoui.

2 Pedoro 3:10

Naraha ia Zozossede Zeso ccanipomauicca uada parrissa bacco tezape pina bobotide icca ozaza amazati bacco naza uarro inarrarossa nanitoui. Mouini oppinabote dacorehema tomouizape meme amossi nanitoui. Memeuarricca marri, abazico, amouadeni naco dirri tarizaha rricauitoui. Zama nemanehe narrizoue torrezape poniza anirizarrari bazima dirri tarizaha rricazapa amossiuarrauissa tauitoui.

Apocalipsis 16:15

Narraro uimape Zeso Cristo ia mari tocanabaqquiza arrama napode: —Pina ticca ozaza bobotide qquezimauiuarrinecca uada ssamoqquiri tiquenarrarossa nanitoui. Oua occanipomanicca uada ssamoqquiri tiquenani. Nezape tibodideni uatomemananissa teza tiadeni tecauarizemanarri. Pina ticcadeni eteroma tinoccodeni barirrarossa tiquenarri. Nema tiquenezape uima bicani ticarrimananitoui. Naraha otoui timadimana-rrereza occanipomezape pina madirra ccororre cappinarrarissa tiquenanitoui −nade.