Mateo 25:10 - Kulina New Testament Brazil

¹⁰ Nezape mittade rraui torrarraro. Naraha naniuarri narromanezape arra zabisso amonerre carriuiuarrine bacco narronarrari, cacarrireuicca rripaqquieza toqquezimarrari. Nezape zouato bodinideni uatonissa taporrarodeni pouaza rraui torrezimarraro. Nezape totoqquezima icauacossarraro.

Culina Mádija

¹⁰ Nadsapi mittade jai tojajaro. Naraha nanihuaji najomanadsapi aja dsabisso amoneje cajihijine bacco najonajari, cacajirehicca jipaqquiedsa toqquedsimajari. Nadsapi dsohuato bodinideni huatonissa tapojarodeni pohuadsa jai tojedsimajaro. Nadsapi noccobiji icahacossajaro.

Mateo 25:10 Iomraidhean Croise

Mateo 24:42

—Nazama tetideni uatoza ticattomama canarri. Oua tiadeni Zozossede occaronapomanicca uada ssamoqquiri tiquenani.

Mateo 24:43

Arrirraro uimaza tibodideni uatorri: Oza rrinedepa bobotide qquezimauiuarrinecca uada nauato tapozapa pocca ozaza botide qquezima-rrarauiuarrine pocca oza cacauade nocco bissauitouiraha ssamo tarra narrari.

Mateo 24:44

Nema nezape tinarroremanehe timadimanarri. Madirrapa oua Madirra Bedi orrarraroa occaronapomanicca uada ssamoqquiri naui. Niza uatideni rramama canaza bacco onanipomanitoui −nade Zeso.

Mateo 25:6

—Neraha zome nocconi torrezana madirra rrazirema uaua narrari: “Zabisso ccarronaui, ccarronaui! Rraui tirrarronarri, bacco tirrizemanauiuarrine!” narrari.

Mateo 7:21

—Madirrapa ouaza attideni: “Oua Zozossede” quequenanaui uapi taraha motapa Deocca cacaueheuarri rraui torrezima-rrarauitoui. Occa Abi Deo memeuarri madirrari Poua touini nauiccara inanemanarrarodenina Deocca cacaueheuarri rraui torrezimauitoui, onarraro.

Roca 12:35

Zesopa poua ccaronapomauitoui narroremanauiuarrine mari icanabaqquirrari. Poua attipa: —Tiadenipe tinarroremanarri, pina madirra pouadeni zozossede carricarricca erreteuarri toccaza “zome bacco naniuitoui” quenaza poccadeni etero uezemana, rrorrororo iqueuessimana naza narroremanarrarissa tiquenarri, onarraro. Arrana pocca zozosse tabaqqui pouatoui narroremanaza bacco nanizapa totoqquezimaza coba coba naza amazati icataborrizemananitoui.

Roca 13:25

Taide ouaza rraui tirrezime-rrerezape niza zotodepa oza rrinede narroraza totema, totoqquezima ecossani nezape rraui tirrezimaniuarrine ssamo tanitoui. Nezape amossiniza tidomo ueza totoqquezima coba coba tiqueneza oza rrinedeza: “Totoqquezima iaza ticataborrizarri” tiqueneraha pouapa: “Tiadenipe nerrecouarricca tiquerrenani?” nauitoui tiadeniza.

Corosadeniza 1:12

Tetizemaneza naqui tettideni Deoza: —Abi Deo, peperri, tirrine bica tani −titiquena naniuarrine ineza Pouaza uati uati ihizanapo narraro. Deopa ia tonaparrire-baqquiuissa taza Poua zamari memeuarri ia tonamadi-baqquiuitoui. Bazima pocca iquerrenarrarope arri Pouarrine ibodi ssiuarra tarraroparri. Narraroa arri pocca danirri bicani iaza inanarrorarraroparri. Niza Poua madiuiuarri Poua ssiuerreneza bacco inezape iaza da inanitoui, inarraro.

2 Timoti 4:8

Nazama pina rrorroppade taide bacco nauarranipoza manaconi bicabote pouaza da iquenarrarissa narraro naqui Deo pocca danirri bicani ouaza da inanitoui. Narraro danirripe Deoza bicaqquiri narrarideniza torranitoui. Niza ia Zozossede Zeso Cristopa uima cattemade parrireuissa tarrari poua baccouarri idomo uezape Deo pocca danirri ouaza da inanitoui. Ouaza da inarrarope ouaza orrari-rreranitoui. Pouaza uatideni uanaqquiri narrari, poua ccaniuitouira narroremanarrarideni bazimaza da inarizanitoui.

1 Pedoro 1:13

Rrehe, icassiuaueraniuarrinecca uima timittemanezape narrarotoui tinarroremanehe timadimanarri. Uima bicani tinanemananiuarrine tibodideni uatonissa tarri. Niza Poua Bedi Zeso Cristo rrizera nanizapa Deo pocca biquehe onihi onihi tiadeniza da inanitoui. Narrarotoui tibodideni narrorana, onarraro.

Apocalipsis 1:7

Ticattomama canarri! Zeso Cristo meme essenima ccaronaui qqui tiquenauitoui. Madirra bazima qqui toquenauitoui. Arra Zeso Cristo poua nanazoqquededeni naco qqui toquenauitoui. Zama bazimacca madirrapa pouatoui orri orri quenauitoui. Rrehe, parrissa nema nana.

Apocalipsis 19:7

Etizena, etizeri nana! Deoza: “Deni tirrani, bica tinani” inana. Rridapanana Eueue Bedi cacarrireuicca uada bacco tani. Pocca amonerre torraniuarrinepe narrorani. (Narrarope pocca madirra narroremanarrari, pouaza madimanauiuarrine.)

Apocalipsis 22:20

Arrirraro uima bazimape Zeso Cristo uati tarraricca. Iaza poua attipa: —Parrissa, occaniniuarrine uarrira tani −nade. Nezape ia etti: —Parrissa nema nana. Ia Zozossede Zeso ticcanirri −inarraro.