Mateo 24:6 - Kulina New Testament Brazil

⁶ Uima onihi naqui: “Rrazire torrarizani” timittemananitoui. Neraha ticappinemana terrerana. Rrazirepe peperri torraponitoui. Neraha zamape rriquerreraccanitoui.

Culina Mádija

⁶ Ima onihi naqui: “Jadsire tojaridsani” timittamananitohui. Naraha ticappinamana tejerana. Jadsirepi epeje tojaponitohui. Naraha dsamapi jiquejeraccanitohui.

Mateo 24:6 Iomraidhean Croise

Mateo 2:3

Nazapa tamine Erodi narraro uima mittazapa bodi nacassera tarrari. Pocca madirra naui Zerozareza madimanarrarideni uima mittemanaza naco bodideni cappinemanarrari.

Mateo 24:14

Neraha zama rriquerreraccazama Deo pocca cacauehecca uima bicani zama bazimaza ecomerarize-manaccanitoui. Narraro uimape otauimari madirra tocassiuauerauiuarrinecca zama nemaneheza madirizemanarrarideni mittarizemanauitoui. Nazana zama rricanicca uada bacco tanitoui −nade Zeso.

Mateo 26:54

Naraha nema onezape pina Deo Atti dozo naporrarossa onana-rreranitoui. Arri, ouaza uima oppina tanicca torraniuarrinepe maittaccazama Deorrine dozo iquenaporraro. Peperri! Deo Atti nemanehe onaparrirenissa taniuarrine. Oua accodetoui uaua onerrerana onarraro −nade Zeso atti.

Roca 21:19

Nazama tiadeniza ouattipe: Dacoco tirrirarri! Narraro uadie tinauanemana-zanapozape tiadenina ticassiuaueranitoui −narrari Zeso.

Roca 21:9

Nazama madirra zama onihicca, zama onihicca tezerre rrazire imeni inauatomanani tauimarini timittemaneza naqui ticappinemana terrerana. Ticcadeni zamauarri, zama onihiuarri naco boqueqquiri narrarideni taminedenicca cacauehe narrizorizemanaui timittemaneza naqui ticappinemana terrerana. Narraro uima oppina taniccape taide torraporaha zama rricaniuarrinepe noueraccanitoui −narrari Zeso.

Roca 22:37

Nezape otezerremacca uima tiadeniza uati onana: Deo Atti dozo naponiccape parrissa ouaza torranitoui. Poua Atti cacomerabote Izaia dozo inaponipe arrima narraro: “Niza madirra attidenipa: ‘Arrarraripa uaidiraqquiri narraridenizama carrimarrari’ quenauitoui” napoui nade Izaia. Narrarossa narrarope ouaza madirra attideni nama quenauitoui −narrari Zeso.

Huano 14:1

Naui zotodepa Zeso iaza denima uati uati tade: —Tibodideniza ticappinemana terrerarri. Deozara parrissa tiquenanissa tarri. Ouaza naqui parrissa tiquenanissa tarri.

Huano 14:27

—Nazama ouape occanibote nani. Tibodideni bicaqquiri naniuarrine tiadeniza occa rronehe da onarizani, pina arrirraro zamacca madirra pouadeni toui quenauiccassa nerrerarraro. Nazama occa danirri ticarrimanezape tibodideni uatoto canerrerarri. Occaninitoui onarraro noppineni naqui ticappinemana-rrerarri, onarraro.

2 Tesaronicadeniza 2:2

Parri, arri Zeso Cristo ccanipomauicca ticauatteraporrarope tinebomana terrerarri. Arra madirra attidenipa: —Ia Zozossede ccaniuicca uadape bacco tani, bacco tani −quenazapa uarroticanire-rrerarri. —Deo Corimerrine nauatoto inani −quenauitide naraha pouama uati toquenarrari. —Paorocca uima teppeza qqui inade −quenaza naco pouadeni attiza parrissa tiquenerrerarri. Ouape narraro uima dozo onerrerade.

Apocalipsis 6:4

Nazapa cavaro ouaha maccoui qquenarrari. Narrari cavaro ideza uittarirrariza dacorehe da inarraro, zama bazimaza rronehe inarricarizaniuarrine. Pouarrine madirra rrazire inanemaneza arrauarri torrica, arrauarri torrica narizemanauiuarrine. Pouaza rrazireuarrine massito imenibote naqui da inade.