Mateo 24:5 - Kulina New Testament Brazil

⁵ Niza madirra uapi taha pouama oua oniza maizemanazapa: “Ouape Cristo-Mesia orrani” quequenanauitoui. Narraridenipa madirra uapi taha icamaizabaqqui-manauitoui.

Culina Mádija

⁵ Nidsa madija huapi taha pohuama ohua onidsa maidsamanadsapa: “Ohuapi Cristo-Mesia ojani” quiquinanahitohui. Najaridenipa madija huapi taha icamaidsabaqqui-manahitohui.

Mateo 24:5 Iomraidhean Croise

Mateo 24:11

Zama rricaniuarrinepe mamaizade auatomarize-manauitoui: “Ouape Deocca zossenirri, Deo Atti ouacomerarraro” quequenanaraha Deocca zossenirri rraraui. Naraha pouadenipa madirra mota uapi taha icamaizabaqqui-manazapa bazima attidenipa: “Rrari, narraridenicca uimazara iquerrenana” quenauitoui.

Mateo 24:24

Madirra mamaizadedeni naco tiadeniza rrauirronauitoui. Pouadenipa: “Ouape Cristo-Mesia orrani” quenauitoui. Ouahadeni naco: “Ouape Deocca zossenirri orrani, Poua Atti ouacomeraniuarrine” quenaraha maizemanarrari. Pouadeni bodipa: “Deo icatterriza-baqquirrarideni icamaizabaqquina” quenaza poccadeni maizehe canauatorimana canarizauitoui. Madirra pouadeniza: “Parrissa Deocca zossenirri” quenauiuarrine touini quenaraha Deo Poua icatterriza-baqquirrarideni motapa pouadeniza parrissa quena-rrarauitoui.

Huano 5:43

Ouape occa Abi onima pocca zossenirri occarronarrarode. Naraha tiadenipe ouaza: “Iaza tirrarri” tiquenerrerani. Naraha madirra ouaha poua pocca uimaza ccarronarrarizapa: “Iaza tirrarri” tiquenanitoui.

Huano 8:24

Arri ouatti tiadeniza: “Ticcadeni uimasirima tirricanitoui” onarrarope ouaza parrissa tiquenerrerarraro. Ouape arri uati uati onarraro orrani onarraroza parrissa tiquenerrereza naqui ticcadeni uimasirima tirricarizanitoui, onarraro −nade Zeso.

Huano 8:28

Narrarorrine Zeso denima uati tapomarraride: —Ouape Madirra Bedi orrarraroa niza aua porimacossaniza oua acca ticanamacosse-maneza que onanitoui. Nazana nauatoqquiri tiquenanitoui: Arri uati uati onarraro orrani onarrarope parrissa. Oua mottape oua nacassa onanicca onane-rrerani. Occa Abi oua mari canazana uati uati ohonanarraro.

1 Zouao 2:18

Ouimecotedeni, occa erredenissa tiquenarraro. Zama rricanicca uada touarrirarronani. Cristo ccanibote nazapa pouaza uadi tarrari ccarronauitoui. Narraro uimape timittemanapode. Rridapana naco Cristoza uadiqquiri narraridenipa auatoma-rizemanaui. Narrarope nauatoqquiri inani: Zama rricanicca uada bacco tarraro.

1 Zouao 2:22

Nerrecorrarina mamaizade? Arra madirra atti: —Zesopa Cristo-Mesia rraraui −nanariza narrarina mamaizade. Narraripa Cristoza uadi tarrari. Abi Deoza: —Parrissa madiui −narrararrari. Poua Bedi Zeso Cristoza naco: —Parrissa madiui −narrararrari.

1 Zouao 4:3

Naraha arra Deo Corime cappiremanarraridenipa: —Zesopa Deo Bedi rraraui −quequenanarrari. —Pina iassa naha tossonarrari −quequenana-rrararrari. Pouadenipa Zesoza uadiqquiri narrari. Pouadeni bodipa pina Cristoza uadi tarrari bodissa quenarrari. Nazama arra Cristoza uadi tarrari ccarronauitoui quequenanauipa timittemanapode. Rridapana naco pouapa arrirraro zamaza madiui.

Apocalipsis 13:8

Arrirraro namiza madirizemanarrarideni camittehe carrimana-zanapouiuarrinecca papeoza onideni dozo nani nouerarraripa bani siri rrizabotezara uatizerize-manarrari. Narraro papeo dozo nanipe zama nauatoponizama Eueue Bedi Zeso pouana ecauarraro. Pouana camittehe issiuauanicca icarririzaniuarrine zoqquerrari.