Mateo 24:3 - Kulina New Testament Brazil

³ Nezape ssono onini Rritona quenauiuarri rrauirremorarraro. Nauiza Zeso uittarizapa ia poua uatimadedeni iara pouaza uarrirrira icaneza pouaza uati inarraro: —Ia Maride, rridacca uima uati tinarrarope nerrecoma neza torrapazerre? Arri namiuarri ticcaronapomaniuarrinecca uima, arri zama rricanicca uima touarrireza nauatoqquiri inaniuarrinepe nerrecora qqui inapopazarra? −inade.

Culina Mádija

³ Nadsapi ssono Oribohuaji jaijemorajaro. Nahidsa Jeso huittaridsapa ia pohua huatimadedeni iara pohuadsa huajijira icanadsa pohuadsa huati inajaro: —Ia Maride, jidacca ima huati tinajaropi ¿nejecoma nadsa tojapadseje? Aji namihuaji ticcaronapomanijinecca ima, aji dsama jicanicca ima tohuajiradsa nahatoqquiri inanijinepi ¿nejecora qqui inapopadseje? −inade.

Mateo 24:3 Iomraidhean Croise

Mateo 13:36

Nazapa nauiza Zeso madirra bazima inebobaqquizapa toqquemoranirrari. Ozauarri toqquezimanizapa nauiza pocca zozosse tabaqquideni iape pouauarri uarrirrira ineza uati inarraro: —Rrari, rridacca uizarracca arroi rrizaza tirico tezerre mina pocani carrimani tauimarini uati tinaporraro iaza uati timanipomarri, imittanissa taniuarrine, inarraro −inade.

Mateo 13:49

Narrarossa nanitoui niza arrirraro zama rriqueza naqui. Taidepa Deoza uauadideza toquerrenarrarideni Deo inarrizobaqquiuiuarrinepa pina aba uaidira tarrari tocatterrizadessa quenauitoui. Deocca zozosse tabaqqui memeuarriccana madirra uaidiraqquiri narrari icatterrizabaqqui-manaccauitoui. Pouadenira domo uauitoui. Narraridenipa rrororoni rriquerreraniuarri ua tozimabaqquiuitoui. Nauiuarripa ocasserani auemana-zanapozapa panodeni tozaui naza orri orri quenauitoui. Naraha ouaza toquerrenarrarideni, arra Deo Poua nacassa tauicca inanemanarrarodenina Deo madiuiuarri toquerrenauitoui, onarraro −nade Zeso.

Mateo 15:12

Nezape ia pocca zozosse tabaqqui iquerrenarrarope madirra atti atti quenaui imitteza manaco Zesoza uati inarrarode: —Nirra, rridacca uati tinarrarocca uima parizeodeni mittemanazapa tettiza nacasseraqquiri naui nauato tinaqui? −inade.

Mateo 16:27

Neraha ouape Madirra Bedi orrarraroa nizaranibote Abi Deo ssiuerrenema pocca zozosse tabaqqui memeuarricca tezerre occaronapomanitoui. Nazapa madirra madiuissa tarrari pocca madie tonanabicaza Deoza zepe irrirraripa niza pouaza denima bica tanicca da onanitoui. Madirra ouaza damera tarrararrari Deoza bazira tehe zepe irrirraripa bica tanicca bazira tehe pouaza da onanitoui. Naraha madirra uima bica tarraroza zepe irrirrarazapa occa danirri cappirauitoui. Madirra uima uaidira tarraroza zepe irrirraripa occa narrizoue carriuitoui.

Mateo 16:28

Ouape parrissehera tiadeniza uati onarraro: Arriza tidomodeni uarraro motadenipe tizoqquemana-rreraccazama arrirraro titezerremadenicca uima qqui tiquenanitoui. Narraroa arri oua Madirra Bedi orrarraroa nizaranibote madirra ouacauabaqquiuiuarrine occa deni torrehema occaronapomanitoui, onarraro −nade Zeso.

Mateo 17:19

Nezape zotode ia pocca zozosse tabaqqui ia motta Zesoza uati inade: —Nerrecotoui iaha arrarrari erredeni bodicca zosse inineuiuarrine iparrire-rrerapa? −inarrarode.

Mateo 21:1

Nezape Zesoza madirra bazima rrauirrade. Oza panani Zerozareuarri ia rrauirrarizezape oza capamema narraro onini Betapaqueza bacco inaporraro. Betapaquepe ssono onini Rritona quenauiza anirraro. Nauizana Zeso pocca zozosse tabaqqui pamahaza uati tarraride:

Mateo 24:27

Arri ouape Madirra Bedi orrarraroa niza occaronapomezape auato tanitoui, pina ssissiuede dacorehema ssiue neza meme nemanehe tossiuarrabaqquirrarossa nanitoui.

Mateo 24:30

Nazana ouape Madirra Bedi orrarraroa occaronapomezape memeuarri auato tanitoui. Nazapa zama bazimacca madirra cappinemanaza orri orri quenauitoui. Nezape meme essenima ocarrimehe occaronapomani qqui toquenauitoui. Occa dacorehe, occa deni torrehe auato tanitoui.

Mateo 24:37

—Rrehe, ouape Madirra Bedi orrarraroa niza occaronapomezape pina maittaccazama Noe madipoza ppani ccarronarraricca uimassa nanitoui.

Mateo 24:39

Madirra motapa ppani torrauicca uada ssamoqquiri naza narroremanapo-rrararrari. Nazapa ppani uassinarra bacco narronazapa bazima rre tocanireza rricarrari. Narrarossa nanitoui niza oua Madirra Bedi orrarraroa occaronapomeza naqui madirra mota otoui narroremana-rrarazapa arrirraro namiza rricauitoui.

Mateo 24:43

Arrirraro uimaza tibodideni uatorri: Oza rrinedepa bobotide qquezimauiuarrinecca uada nauato tapozapa pocca ozaza botide qquezima-rrarauiuarrine pocca oza cacauade nocco bissauitouiraha ssamo tarra narrari.

Mateo 28:20

Arri occa marinarra tiadeni onauattabaqquirraro nemaneheza iboraqquiri nauiuarrine naco mari mari titicanabaqqui-rizemana nana, onarraro. Ouape uada uarrirriraza tiadeniza ohomadiriza nanitoui. Nema ozanaporraroa zama rricani bacco tanitoui −nade Zeso. Peperri.

Roca 21:7

Nazapa Zesocca zozosse tabaqqui pouaza uati toquenarrari: —Ia Maride, rridacca uati tinarrarope nerrecoma neza torrapazerre? Narraro uima touarrireza nauatoqquiri inaniuarrinepe nerrecora qqui inapopazarra? −quenarrari.

Tahimarideni 1:7

Naraha Zeso pouadeniza uati tarrari: —Tettidenipe: “Nerrecoma naza ia Izarraeodenicca cacauehe torrapomapazerre?” tiquenarraroqui? Naraha narraro uimape ticcadeni rrerani. Abi Deo Pouana nauato tarrari. Niza Poua nacassa taza ticcadeni cacauehe torrapomanitoui.

Ebreodenidsa 9:26

Rridacca uarrano uarrirriraza poua emene toccaniuarrine poua ccaccaccora narronazapa zama nauatoponizama zoqquehe tonauanarronanarra. Naraha rridapana zama rricanicca uada touarrireza iaza ccaronarrari. Zoqqueheuarrine poua ccaccoraui orrariui, icca uimasiricca dacorehe inarricaniuarrine. Nama naui orrari nazapa paparra. Nama napoma-rrarauitoui.