Mateo 23:8 - Kulina New Testament Brazil

⁸ —Neraha tiadenipe madirra tiadeniza: “Oua maride” quenauiuarrine touini tiquenerrerana −nade Zeso iaza. —Tiadeni Maridepa orrariui. Nezape tiadeni bazimape timecotedeni tiquerrenarraro. Tiadeniza orraria deni torrauicca noueraui.

Culina Mádija

⁸ —Naraha tiadenipi madija tiadenidsa: “Ohua maride” quinahijine tohuini tiquinejerana −nade Jeso iadsa. —Tiadeni Maridepa ojarihi. Nadsapi tiadeni huapimapi timecotedeni tiquejenajaro. Tiadenidsa ojaria deni tojahicca nohuerahi.

Mateo 23:8 Iomraidhean Croise

Mateo 10:25

Narrarossa narraroa arri madirra poua marideza uima ssonarizape pouaza naqui uima ssonari tani. Nazapa poua atti: “Peperri, oua marideza nama quenazapa ouaza naqui nama quenana” naui bica tani. Madirra poua zossedeza uima ssonarizape pouaza naqui uima ssonari tani. Arri ouape ticcadeni tamine orrani oua itamassomaneza pina: “Tiape tocorimedenicca tamine Beheosebo” quenazapa tiadeni occa madirra tiquerrenarrarodeniza naco denima tatamasso quenauitoui −nade Zeso.

Mateo 17:5

Pedoro uati uati nanarra pouadeni tetepiuarri esseni zibehi tarraro ccaronarraro. Ccaronezape pouadeniza irriuarranirraro. Nazapa naui esseni bodiza atti qquenarraro: —Arrarraripa occa erredeni. Pouaza ouati uana tarraro. Pocca uima bica tarrarorrine ouatizerraro. Poua atti timittemananissa tarri −naui nade Deo.

Mateo 23:10

Madirra tiadeniza: “Ia zossede” quenaza naqui poni tiquenarri. Tiadeni zossedepa Cristo-Mesia orrariui.

Mateo 23:7

Rrauiuarri rrauirizaza naco madirra pouadeniza: “Nirra, bica tinani? Tiape deni tirrani” quenauiuarrine naco touini quequenanarrari. Madirra naco pouadeniza: “Oua maride” quenauiuarrine touini quequenanarrari.

Mateo 26:25

Nazapa Zoda Iscariote, Zeso ccaccoradepa Zesoza uati tarrari: —Oua Maride ouazanitide? −naraha Zesoa: —Rrehe, tia tetti nema tarraroparriua −nade.

Mateo 26:49

Nazapa bazima rrauirronaza bacco narronemanarrari. Nanarra Zoda Zesoza touarriressi, pina parrissa pouaza bica tarrarissa naza: —Nirra oua Maride? −nanarra pano mose inarraride.

Maraco 10:51

Nazapa Zesoa: —Nerrecora tiaza onananiuarrine? −naui nade. Nazapa nocco siripa: —Oua Maride, onocco ssire tinanarri, onarraro −naui nade.

Maraco 11:21

Nazapa Pedoro bodi uatomaza Zesoza uati tarrari: —Oua Maride, qqui tanarra! Maitta piquera tettiza tinarrizorraripa boteua −naui nade.

Maraco 14:45

Nazapa bazima rrauirronaza bacco narronemanarrari. Nanarra Zoda Zesoza touarriressi, pina parrissa pouaza bica tarrarissa naza: —Nirra oua Maride? −nanarra pano mose inarrari.

Maraco 9:5

Nazapa Pedorodeni cappinemanarrari. Naraha Pedoro poua bodiza: —Nerrecora uati onaniuarrine? −nanarra pouama poua atti Zesoza: —Ia Maride, iape arriza iquerreneza bica tani. Ticcadeni oza rrorrorede 3 canehe icanauatona. Nezape arrirraro tiaza, Moizeza, Eriaza cananiuarrine −naui nade Pedoro.

Roca 22:32

Naraha Simao, titoui Deoza uati uati onarraro, oua tinebo-rreraniuarrine. Ouaza peperri tanitouiraha, otouira tapomezape timecotedeni arra ouaza rrehe quenarraridenicca rrehenirri todacoraniuarrine pouadeni acco ticanabaqquirro, onarraro −narrari Zeso.

Huano 1:38

Zeso natti touedamissaraha Zeso poua natti qqui naninarra pouadeni uedarronaui qqui inabaqquirraride. Nazapa Zeso pouadeniza uati tade: —Nerrecotoui ticadarronarraro? −nade. Naraha: —Ia Maride nerrecouarri timadirraro? −quenade.

Huano 1:49

Naraha Natanaeopa: —Ia Maride, tiape Deo Bedi tirrani! Tiape Izarraeo potemauidenicca tamine tirrani! −nade.

Huano 11:8

Naraha pouaza uati inade: —Ia Maride, maittazama onihima naza nauiuarricca zodeodeni attidenipa: “Sibaza tia iquenaqquina” quenade. Naniuarri ticcanipomaniuarrinequi? Parri, tizoqquerana! −inade.

Huano 20:16

Naraha manaco Zesopa poniza uati tarrari: —Maria! −naui nade. Nanerre pouauarri qqui napomeza zodeodeni atti ebereoza uati tarraro: —Raboni! −nani nade. (Ettizape: oua Maride, narraro.)

Huano 3:2

Narraripa zomeraha Zesoza uati tauiuarrine ccarronarrari. Bacco narronazapa: —Mamaride, iape nauatoqquiri inapode. Tiape Deocca zossenirri ticcarronarraro madirra maride. Nauatoue pina arri ticcassa narrarope madirra Deo pouaza torrauissa tarrarina carrirrari. Pouaza Deo nouerazapa carri-rraraui −nade Nicodemo.

Huano 3:26

Nazapa Zouao uatimadedeni rraui torranizapa Zouaoza uati toquenade: —Ia Maride, maitta ueni Zorodao rrippeuarri tiaza bacco tarrari poua tauimari uati uati titinanarraripa madirra passo dopaniza niquide torraui. Bazima pouauarri rrarraui torra naui −quenade.

Huano 4:31

(Amonerre oza pananiuarri uati uati terre neraha) ia Zesoza: —Ia Maride, tirriparri −inade.

Huano 6:25

Zesotoui zotode rrauimissarrarideni darroni onihiza bacco bacco namissemanade. Nazapa Zesoza uati toquenade: —Ia Maride nerrecoma neza arrauarri bacco tarronarrarotte? −quenade.

Huano 9:2

Nezape ia poua uatimadedeni uati inade: —Ia Maride nerrecotoui arrarrari maqquiderrepa nocco siri tossonarrari? Imehidenicca uimasiri manaconico? Pocca uimasiri manaconirana? −inade.

2 Corintodeniza 1:24

Tiadeniza naqui: —Arrima tiquenarri −inaniuarrine touini inerrerani. Zeso Cristoza rrehe tiquenanissa tani nauatoqquiri inarraro. Tetizemananiuarrinena tiadeni acco canade touini inarraro.

2 Corintodeniza 4:5

Iape icca uima ehecomera nerrerani. Ia Zozossede Zeso Cristo poua tauimarina ehecomera narraro. Pouaza eti uanaqquiri naza tiadeni acco icanabaqquiniuarrine imadirraro.

Epesodeniza 3:15

Memeuarri animanarrarideni, namiuarri animanarrarideni bazimapa Deo inauatobaqquirrari, inarraro.

Piremao 1:16

Naraha rridapanapa pina tiaza zozosse torrapozassa narraraui. Zozosse ouahadenipa arramani toquerrenaraha pouapa denima bica taui. Rridapanapa pouaza pina imecoteza eti uana tarrarossa inana, onarraro. Ouape pouaza ouati uana tani, naraha tiana denima pouaza teti uana taniuarrine. Pouapa ticca zozosseraha ia Zozossede Zeso Cristocca torrazapa timecote torrarrari.

Satiacocca 3:1

Ouimecotedeni, tiadeniza Deo Atti maridedeni uapi tarrarana. Nauatoqquiri tiquenani: Ia Deo Atti maridedeni uima inanezape niza zotode Deo madirracca uima cattemade torrazapa icca uima manaconi pina madirra ouahadenizassa nerreranitoui. Iazape denima oppina tanicca inananitoui.

1 Pedoro 5:3

Tibodidenipe: —Ouana pouadeniza deni orrana −tiquenerrerarri. Pina arrima tiquenanina bica tani: Bicaqquiri tiqueneza timadimananissa tarri. Nazapa ticcadeni mamari tabaqqui ticcadeni madie qqui toquenaza pina ticcadeni madiessa quenauiuarrine.

Apocalipsis 1:9

Ouape Zouao timecotedeni orrani. Titezerredeni Deocca cacaueheza iquerrenarraro. Madirra Deo Attiza nacasseraqquiri narraripa ia totonarrizo-baqquimana narrari. Naraha Zeso Cristorrinepe uima inauananiuarrine iparrireni. Ouape ueni nocconiza zama uittacossani Patimoza oua inebomanezape pina toponi cocoroza ouezarrarossa narraro. Deo Atti maride orrarizeza, Zeso Cristo tauimari ouaccora-rizezape Pouaza nacasseraqquiri narraridenirrine tozepe orrarraro.

Apocalipsis 19:10

Nezape Deocca zozosse baccouarri opitoza ouitta neza pouaza ouatizeniuarrineraha ouaza uati tarrari: —Ouaza nema terrerarri. Oua naqui Deocca zozosse orrani. Pina tia timecotedeni tezerre Zeso Cristo tauimariza dameraqquiri tiquenarrarossa onani. Deozara tetizerri −narrari. Arri Zeso Cristo tauimari bicabotepe Deo Poua Atti cacomeraqquiri narrarideniza inanazana ehecomeremana narronarraroparri.

Apocalipsis 22:9

Naraha poua attipa: —Nema terrerarri. Ouape Deocca zozosse orrani. Pina tiassa, pina timecotedeni Deo Atti cacomeraqquiri narraridenissa onarraro. Arra madirra bazima arrirraro uima papeo dozo naniza iboraqquiri narraridenissa onehe Deocca zozosse orrani. Deozara tetizerri −nade.