Mateo 23:37 - Kulina New Testament Brazil

³⁷ Zesopa oza panani Zerozareuarri madimanarraridenicca uima uati tarrari: —Ouape titouideni orri orri onezape: “Zerozare, Zerozare” ohonanarraro. Maittaccazama ticcadeni idideni madimanapoza naco Deo Atti cacomeraqquiri narrarideni inanazoqque-rizemanarra narronapoui narrari. Deopa pocca zozosse tabaqqui tiadeniza zosse zosse inarronabaqquiporaha sibaza tiquenabaqquimanarra narronapoui narrari. Neraha ouape tiadeni ouacauabaqquina, onarraro. Pina tacara poni bedi poni appani dopaniza ecauabaqquirrarissa onaniuarrineraha tiadenipe ouaza nacasseraqquiri tiquenarraro.

Culina Mádija

³⁷ Jesopa odsa panani Jerosarehuaji madimanajaridenicca ima huati tajari: —Ohuapi titohuideni oji oji onadsapi: “Jerosare, Jerosare” ohonanajaro. Maittaccadsama ticcadeni idideni madimanapodsa naco Dio Atti cacomeraqquiri najarideni inanadsoqque-ridsamanaja najonapohui najari. Diopa pocca dodosse tabaqqui tiadenidsa dosse dosse inajonabaqquiporaha sibadsa tiquinabaqquimanaja najonapohui najari. Naraha ohuapi tiadeni ohuacahuabaqquina, onajaro. Pina tacara poni bedi poni appani dopanidsa ecahuabaqquijarissa onanijineraha tiadenipi ohuadsa jiperaqquiri tiquinajaro.

Mateo 23:37 Iomraidhean Croise

Mateo 23:30

Neraha tettidenipe: 'Rridacca maittaccazama icca idideni madimanapouizama imadizape pouadenissa inarreranerre. Rridacca icca ididenipa Deo Atti cacomeraqquiri narrarideni inanazoqque-baqquimanazapa iape pouadeni acco icanabaqqui-rraranarra' titiquena narraro.

Mateo 22:3

Nazapa cacarrireuicca rripaqquie narroraza poua tessedeni rrauirronauiuarrine pocca zozosse tabaqqui zosse inabaqquirizarrari. Uati narizemanazapa attidenia: “Oua zozossedecca rripaqquie narrorani. ‘Rraui tirrarronarri’ naparra” quenaraha poua tessedenipa rraui torrauiuarrine nacasseraqquiri narrari.

Mateo 5:12

Tetizemanarri. “Peperri bica tani” tiquenarri. Memeuarri bacco tiquenezape Deocca danirri bicabote ticarrimananitoui. Maittaccazama naco Deoza nacasseraqquiri narraridenipa arra Deo Atti cacomeraqquiri narrarideni inarrizo-baqquimanarra narronapoui narrari −nade Zeso.

1 Tesaronicadeniza 2:15

Arra zodeodenipa Zeso inanazoqque-manaza pina arra poccadeni madirra maittaccazama Deo Atti cacomeraqquiri narrarideni ihinanazoqque-rizemana narrarissa inanemanarrari. Narraria arra rridapana iaza naco moua moua quequenanarrariparra. Deoza naco bicaqquiri narraraui. Madirra bazimaza naco nacasseraqquiri naui.

Mateo 22:6

Motapa taminecca zozosse tabaqqui itadamemanaza inarrizobaqquimana, inanazoqque-rizemana narrari.

Apocalipsis 17:6

Qqui onezape obodiza nauato onarraro: Ponipe nocconi rrano tarraro. Deocca madirra emenedeni, Zeso Cristo tauimari ecomeremaneza inarricarizemanarrari emenedeni naqui ze nezape nocconi rrano tarraro. Narraro uima qqui onezape uarro narraro.

Roca 15:28

—Naraha pouapa rramirrari. Ozauarri toqquezimanide nacassera tazapa pocca abina qquenarrari. Qquenazapa bediza uati uati tarrari, toqquezimaniuiuarrine.

Mateo 23:31

Neraha tettideni nema tiquenezape tirrinedeni uima auato tarraro. Tiadenipe Deo Atti cacomeraqquiri narrari nanazoqquededeni potemaui tiquerrenarraro. Pouadenissa tiquenarraro.