Mateo 22:7 - Kulina New Testament Brazil

⁷ —Nazapa tamine uadizapa pocca isso teppeppe icazossebaqquirrari, pocca zozosse tabaqqui rricarrarideni acconedeni rricauiuarrine. Inarricabaqqui-manazapa poccadeni oza naqui botta inarizemanarraro.

Culina Mádija

⁷ —Nadsapa tamine huadidsapa pocca soldado icadossebaqquijari, pocca dodosse tabaqqui jicajarideni acconedeni jicahijine. Inajicabaqqui-manadsapa poccadeni odsa naqui botta inaridsamanajaro.

Mateo 22:7 Iomraidhean Croise

Mateo 22:6

Motapa taminecca zozosse tabaqqui itadamemanaza inarrizobaqquimana, inanazoqque-rizemana narrari.

Mateo 22:8

Nazapa pocca zozosse tabaqqui ouahadeniza tamine attipa: “Rrehe, occa erredeni cacarrireuicca rripaqquie narroranissa teraha otesse ua onabaqquiporraridenipa occa uatizeheza parriremana-rraraui.

Roca 19:27

Nazama arra ouaza boqueqquiri narrarideni tamine orraniuarrine nacasseraqquiri narrarideni ouauarri teccarronabaqquimanaza obaccouarri domo uazapa tinarrica-baqquimanarro” narrari tamine torrezati atti –narrari Zeso.

Roca 21:21

Nazama arri zama Zodeauarri timadirize-manarrarope ssonouarri tidomo toqquemorana. Zerozareza timadimanarraro naqui tidomo toccana. Arri uizarraza timadimanarrarope oza pananiuarri rraui tirrani terrerana, tirriquerana.

Roca 21:24

Rrazire uarrinecca massito cauidireqquima naniza motadenipa rricarizauitoui. Motadeni naco rrarrazirededeni itadamemanarizaza pouadeni zepeza toquerrenazapa zama onihiuarri zama onihiuarri iaccanibaqqui-rizemanauitoui. Nazapa zodeo querrena-rrararrarideni deni toquerrenazapa Zerozare inauaidiremananitoui. Pouadenirrine Zerozarepe pina ttai ttai torrarrarossa nanitoui. Naraha zotodepe poccadeni uarrano Zerozareuarri madimanauiuarrine parrirenissa tezape narrizoue rricanitoui −narrari Zeso.

1 Tesaronicadeniza 2:16

Nezape Zeso Cristo tauimari icassiuaueraniuarrinecca zodeo querrena-rrararrarideni mari icanabaqquiuiuarrineraha arra zodeodeni Zesoza nacasseraqquiri narraridenina iaza moua moua quequenanarrariparra. Narraridenipa zodeo querrena-rrararrarideni Zeso Cristocca uimaza tocassiuauerauiuarrine nacasseraqquiri narrari. Nezape poccadeni uimasiri denima torrazanaporraroparri. Narraro poccadeni uimasirirrinena Deocca uadie pouadeniza torranitoui. Niza narrizoue oppina taniccape pouadeniza ssonarinitoui.