Mateo 22:5 - Kulina New Testament Brazil

⁵ Nazapa rraui torra, uati toquenaraha poua tessedeniza pina ponimassa narraro. Ouahapa pocca uizarrauarri tocca, ouahapa poua zepetarri mimittauarri tocca narrari.

Culina Mádija

⁵ Nadsapa jai toja, huati toquinaraha pohua tessedenidsa pina ponimassa najaro. Ohuahapa pocca huidsajahuaji tocca, ohuahapa pohua dsepetaji dadahuaji tocca najari.

Mateo 22:5 Iomraidhean Croise

Mateo 13:22

—Madirra ouaha bodidenicca uimape pina namiza cotiui carri tarraricca uimassa narraro. Pouadenipa Deo Atti mittemanaraha pouadeni zepedeni ihirrimana narrarotouira dameraqquiri nazapa Deo Atti tocauatterauissa tarrararrari. Ziniro touira quenaza naco narraro uimarrine Deo Atti uatideni rramemanarrari. Poccadeni rrehenirri pina arra nocco moro taraha cotiuirrine tosehizapa bono-rrararrarissa narrari. Deo Atti mittemanaraha pouadenirrine Deo Atti madirra ouahadeniza torra-rreranitoui.

Mateo 22:4

Zotode naco pocca zozosse tabaqqui ouahadeni zosse inabaqquipomarrari. Poua attipa: “Arra ua onabaqquiporrarideniza arrima tiquenarri: ‘Tamine attipa arrama naparra: Rripaqquie onarrorani. Occa boui zoqque, occa boui bedi oquibote zoqque naui. Uapima narroraui, narrari. Occa erredeni cacarrireuicca rripaqquietoui rraui tirrarronarri, naparra tamine’ tiquenana” narrari.

Mateo 22:6

Motapa taminecca zozosse tabaqqui itadamemanaza inarrizobaqquimana, inanazoqque-rizemana narrari.

Huano 2:16

Ococo dadadedeni naco zosse ininebaqquide: —Arricca uapiuarrina ticcadeni ococo zorro zorro tininemanarri! Arri occa Abi tazarizape dada tinanemana terrerarri! −nade Zeso.

Tahimarideni 2:13

Naraha madirra motapa rriza rriza quenaza: —Coma tanicca ze quenaza noccodeni rranoqquiri naza moua moua canimarrari −quenarrari.

Tahimarideni 24:25

Nazama Paoro mari icanabaqquizapa uima 3 nehe uati tarrari: —Madirra uimari borocco tanina bica tarraro −narrari. —Madirra uimasiri inana-rreraniuarrine poua poua cacauade nauato tarrarina bica tarrari −narrari. —Nizaranibote Deouarri bazima idomo ueza Deona icatterriza-baqquiuitoui −narrari Paoro maride torraza. Naraha Perisi mittaza cappinazapa Paoroza: —Peperriua, ticcanina. Niza ozepe rrirapomezape titoui uaua onapomanitoui −narrari.

Romanodenidsa 2:4

Deopa tiadeniza uati uana tarrari. Biquehe uapi tanicca tiadeniza inanarizarraro. Deo Pouaza parrissa tiquenaniuarrine tinarromaneza naqui titouideni denima madiccarrari. Naraha narraro uima bazimape tiadeniza pina ponimassa narraro. Arri Deorrine pocca biquehe tiadeniza torrarrarope tibodideni cacarriqquimeraniuarrine.

Romanodenidsa 8:6

Naraha arra pouadeni bodicca uaidirehe toui bodideni uauatome-mana narraripa parra zoqquemanariuicca narrizoue pouadeniza torranitoui. Naraha Deo Corimerrine Deo Poua nacassa tauicca toui bodideni uauatome-mana narraripa madimana-zanapouiuarrinecca uima carrimanarrari. Rronehema madimanauissa tarrari.

2 Timoti 3:4

Pouadeni tessedeni uima oppina taniccaza eheccora-baqquimana nauitoui. Bodideni uatomemana-rraraza madimanauitoui. Pina uimasiri inanemanezape bodideni: —Orrine bica terrerani −quenauiuarrine ssamoqquiri nauitoui. Attidenipa: —Ouana bica onani, nauatorride orrirani −quenazapa pouadeni bodiza madirra ouaha arramani inanabaqquimanarrarissa quenauitoui. Pouadenipa Deotoui quena-rrarazapa arri namicca uima pouadeni touini quenauiccazara uauatizemana nauitoui.

Ebreodenidsa 2:3

Rridapanape Deocca zossenirri zati icassiuaueraniuarrinecca iaza anini. Narrarope denima bica tarraro. Naraha narraro ettarrozape Deocca narrizoue zori inapazerre? Zori inerreranitoui! Ia Zozossede Zeso pouana taide narraro zossenirri bicani madirra mari mari ihicanabaqqui narrari. Zotodepa narraro zossenirri mittemanarrarideni ia mari tocanabaqqui-manaza parrissa torrani iaza auato inanemanarrarode.

2 Pedoro 2:3

Maizehe mamaridedenipa zinirotoui dameraqquiri naui. Pouadenipa tiadeni tocamaizabaqqui-manaza ticcadeni ziniro pouadeniza totorra nanitoui. Naraha taidezama poccadeni uima uaidira tani Deo nauato tapozapa narrizoue oppina tanicca pouadeniza inanarroraporraro. Niza pocca uadie torrezape zori tocanire-rrarauitoui.