Mateo 22:42 - Kulina New Testament Brazil

⁴² —Cristo-Mesiacca uimape tibodideniza nerrecoma nani? Pouapa nerrecorrari potemaui tiquenarraro? −nade Zeso. Nazapa ecomeremanarraro: —Pouapa Dabi Potemaui −quenade.

Culina Mádija

⁴² —Cristo-Mesiacca imapi tibodidenidsa ¿nejecoma nani? ¿Pohuapa nejecojari potemahi tiquinajaro? −nade Jeso. Nadsapa ecomeramanajaro: —Pohuapa Dabi Potemahi −quinade.

Mateo 22:42 Iomraidhean Croise

Mateo 1:1

Rrehe, arrirraro uimape Zeso Cristo tauimari. Zeso biridi orrariapa Izarraeo potemaui zodeodeni quequenanarraridenicca tamine Dabi. Biridi ouaha naco Izarraeo potemaui zodeodeni bazimacca idi Abarahao. Nazapa Abarahao potemaui onideni ua ineza Zeso imenicca maqqui oni bacco inaniuarrine.

Mateo 14:33

Nani darroniza rrassi izeraha ia bazima ibodipe: —Zeso deni torraui, iape arrimani iquerrenani −ineza Zeso baccouarri ipitoza rrassi izezape pouaza uati inarraro: —Parrissa, tiape Deo Bedi tirrani −inarrarode, ia bazima.

Mateo 21:9

Madirra bazima poua tezerrema rraui torrarra, poua nattiuarri rrauirronarra zanapomanarrari. Pouaza uatizemanaza uaua zanapomanarrari: —Tamine Dabi Potemaui deni torraui, deni torraui! –zanapomanarrari. —Ia Zozossede onima ccarronarrariza biquehera torrana, torrana! Memeuarri Deoza madimanarrarideni pouaza: “Deni tirrani!” quenana, quenana! −zanapomanade.

Mateo 22:43

Nazapa pouadeniza Zeso atti: —Naraha tamine Dabipa maittaccazama madiza Deo Corimerrine poua tezerremacca uima uati tazapa Cristo-Mesiaza: “Oua Zozossede” naporrari. Dabi poua attipa:

Mateo 9:27

Zesopa erredenicca ozaza qquenazapa toccanirrari. Toccani toccani nanarra nocco siri pamaha Zeso natti touedamissarrari. Touedamissaza uaua tamissemanarrari: —Dabi Potemaui! Iaza teti uana tarri inaua! −tamissemanarrari.

Huano 1:49

Naraha Natanaeopa: —Ia Maride, tiape Deo Bedi tirrani! Tiape Izarraeo potemauidenicca tamine tirrani! −nade.

Huano 20:28

Nazapa Tome atti: —A, oua Zozossede, occa Deo! −nade.

Corosadeniza 3:11

Rridapanape Zeso Cristocca madieza tiquerrenarraro, tibodideni zati torrezape arra madirra ouaha ouaha inarizaraha Zeso Cristoza irrariqquinissa tarraroparri. Rrehe, arri tirrariqquirraro motapa zodeo querrena-rrararrari, motapa zodeodeni Cristoza toquerrenarrari. Motapa zopori cotani eteroni uissinarra carrimanarrari, motapa narraro uissinarra cappiremanarrari. Motapa zama onihicca madirra, motapa ssamoqquiri narrarideni. Motapa tarabaiauarrine zozosse toquerrenarrarideni, motapa zozosse toquerrena-rrararrarideni. Bazimapa Cristoza toquerrenarizarrariparra. Pouana uima bazimaza deni torrarrari. Pouapa ia bazimaza anirizarrari.