Mateo 22:22 - Kulina New Testament Brazil

²² Zeso atti mittemanaza uarro quenazapa —A, icca uima ecomeraniuarrine nauato tarrariua −quenade. Nazapa Zesoza paparra quenaza rraui torranirraride.

Culina Mádija

²² Jeso atti mittamanadsa jabojomanadsapa: —A, icca ima ecomeranijine nahato tajaria −quinade. Nadsapa Jesodsa apaja quinadsa jai tojanijaride.

Mateo 22:22 Iomraidhean Croise

Mateo 10:16

—Rrehe tibodideni uatome-manarri! Oua tiadeni zosse onabaqquirrarope pina eueue zomarri panauiuarri tiadeni zosse onabaqquirrarossa narraro. Rraui tirrarizaniuarripe madirra tiadeniza uadiqquiri naui carri taui. Nema nezape tinoccodeni panarri. Pina macca nocco panarrarissa tiquenarri. Naraha tiadenipe tedimana terrerana, pina ococo rrone tarrarossa tiquenarri, onarraro.

Mateo 22:33

Narraro uima mittemanaza madirra bazima uarro quenazapa: —A, Zesopa nauato tarrari −quenarraride.

Mateo 22:46

Pouadenipa narraro uima ecomeremananiuarrine parriremana-rrararrari. Narraro uadaza Zesorrine poccadeni uima tossamorizezape uima onihi Zesoza uati toquenauiuarrine bazima cappinemanarrari.

Mateo 8:10

Narraro uima Zeso mittazapa uatizeza poua bodi: —A, pouapa nauato taua −narrari. Nazapa poua nattiuarri rrauimissarrarideniza uati tarrari: —Ouape parrissehera tiadeniza uati onana: Arrarrari bodi namanahapa parrissa nauissa tarrari! Tiadeni Izarraeo potemauideni bazimape tettideni ohomitta neraha arrarrarissa narrari tiadenizapa noueraui. Parrissa tiquenanissa tani ohomitta nerrerani −naui nade Zeso.

Maraco 12:12

Nazapa dada toqquimade taminedeni, zodeodenicca marinarra maridedeni quenaza Zesocca marinarra mittemanazapa bodideni nauatoqquiri narrari: —Zesopa icca uima uati uati tarrari, iape poua ettarrorrarirrine −quenaui nade. Nazapa Zesoza boquemanaza: —Zeso tozepe inanana −quenaraha madirra noppinedeni cappinemanazapa paparra quenaza rraui torranirrari.

Roca 21:15

Tettideni tecomeremananiuarrinepe tiadeni acco ocanabaqquinitoui, tiadeni uadidedeni tettideni inassamomana-rreraniuarrine, uima uatide nauatoqquiri tiquenaniuarrine. Nazapa pouadeni attina tettideniza arrimani torranitoui.

Tahimarideni 6:10

Narraridenipa Estevao tezerre arrauarri uati arrauarri uati quenaraha deni toquerrena-rraraui. Deo Corimerrine Estevaopa nauato tarrari, atti bica tarrari.

Corosadeniza 4:6

Arra Deoza rrehe quena-rrararrarideni tezerre uimahaha ticanaza naqui tettideni bica teza pouadeniza uati uati titiquena narri, naui Zeso Cristo tauimari toui quenauiuarrine. Tiadeniza: —Zeso Cristocca uimape nerrecoma narrarona parri? −quenaza naqui tibodideni narroraza tettideni bica teza pouadeniza tetecomeremana narri.